Избрани најдобрите дебатери почетници

Викендов од 21-ви до 23-ти декември во СУГС „Орце Николов“ во Скопје, се одржа 10-тото Национално дебатно првенство за почетници.

Ова првенство традиционално е организирано од Младински образовен форум (МОФ) и е најголемиот дебатен турнир, кој организацијата го одржува секоја година со цел да им овозможи на своите членови – дебатерите почетници да ги одмерат во пракса своите дебатни вештини стекнати за време на предавањата по дебата и аргументирано изразување.

На турнирот учествуваа повеќе од 150 дебатери – натпреварувачи, судии и волонтери од дебатните клубови на МОФ во Скопје, Велес, Тетово, Куманово, Битола и Прилеп. Турнирот кој траеше три дена вклучуваше 5 прелиминарни рунди, полуфинале и финале.

Победник на јубилејното издание на турнирот беше тимот составен од Тодор Усовиќ, Исак Мисини, Дорис Христовска додека второто место на турнирот го зема тимот составен од Мартина Поповска, Александар Ступар и Мишел Јовановска. На турнирот беа прогласени и најдобрите говорници дебатери: Ирена Димеска, Михаела Трајковска, Јована Ангеловска.

Во изминатите неколку дена, младите средношколци, учесници на турнирот ги предизвикаа сопствените ставови и дискутираат за демократските вредности и политичките режими на владеење дебатирајќи на тезите „Овој Дом Претпочита технократска автократија пред популистичка демократија“ и „Oвој Дом Верува Дека силна диктатура е подобро од слаба демократија“.

Ова дебатно првенство имаше за цел да промовира компетитивност помеѓу младите базирана на организирана и аргументирана дискусија.

Националното дебатно првенство за почетници е поддржано од Меѓународната дебатна образовна организација – ИДЕА и Програмата Европа за граѓаните на Европската Унија.

Голема благодарност до Виталиа ДООЕЛ и СУГС „Орце Николов“ за поддршката при реализација на ова дебатно првенство.


Почетничко дебатно првенство 2018

Националното дебатно првенство за почетници е дебатен турнир во организација на Младински образовен форум (МОФ). Турнирот има за цел да им овозможи на новите дебатери, членови на дебатните клубови на МОФ да учествуваат на дебати од компетитивен карактер. Турнирот ќе се одржи од 21 до 23 декември во СУГС Гимназија Орце Николов.

Формат на дебатирање: World Schools Debate Format
Број на рунди: 5 прелиминарни рунди, полуфинале и финале.
Јазик на турнирот: македонски.

Теза: “Овој Дом претпочита технократска автократија пред популистичка демократија”.

Регистрација
На следниот линк можете да најдете регистрација за тимови: https://goo.gl/forms/dsqCmSoDK3UTHRwn1
На следниот линк можете да најдете регистрација за судии: https://goo.gl/forms/ctb8saORT67C680I3
На следниот линк можете да најдете регистрација за волонтери: https://goo.gl/forms/T7SOAfVyLiwvS5Ug1

Националното дебатно првенство е поддржано од Меѓународната дебатна организација – IDEA NL и Европската комисија.

Работилници и дебати во 4 земји

Oд 13 до 18 ноември 2018 во Скопје се одржа првата Балканска дебатна академија. Академијата ја организираше Младински образовен форум, во соработка со Отворена комуникација од Србија, Центарот за културен дијалог од Босна и Херцеговина и Дебатниот центар од Косово*, со поддршка на Регионалната канцеларија за младинска соработка (РИКО).  На академијата учествуваа 37 средношколци од Македонија, Косово, Србија и Босна и Херцеговина. Учесниците беа дел од предавања и интерактивни работилници за дебата и аргументација, човекови права, младинско учество, помирувањето и историјата. На крајот на академијата се одржа дебатен натпревар на кој средношколците низ учество во 30 дебати се натпреваруваа меѓу себе.

По завршувањето на академијата, учесниците од различните држави учествуваа на follow-up активности во соработка со нивните локални дебатни организации.

Во Македонија, на 30ти ноември се одржа тренинг за дебата и јавно говорење во Средното училиште „Орде Чопела“ во Прилеп. Со цел да го споделат знаењето кое го стекнале на академијата, со подршка од Младински образовен форум учесниците организираа и спроведоа еднодневна обука за дебата и јавно говорење. Учесниците, Емилија Темелковска од Битола, Дејана Маркова од Штип и Ана Маркоска од Скопје кои воедно беа дел од стипендираните учесници на Балканската Дебатна Академија, успешно го пренесоа знаењето кое го стекнале на своите врсници од Прилеп.

Во Приштина, Kосово, дебатерите во соработка со дебатните тренери од Дебатниот Центар,  кои учествуваа на академијата организираа работилница на 30ти ноември. По дебатната работилница, се одржа и промотивна дебата каде средношколците дебатираа за разликите и сличностите помеѓу балканските општества, влијанието на историјата како и начините на помирување помеѓу младите на Балканот.

Во Првата Белградска Гимназија, Белград, Србија, дебатната организација Отворена Комуникација одржа работилница за дебата каде учесниците на академијата заедно со дебатните предавачи го споделија знаењето и искуството кое го стекнале со дебатерите од Србија. На оваа обука, повеќе од 15 средношколци од Србија имаа можност да научат повеќе за дебатата како алатка за помирување и надминување на разликите.

Во Сараево, Босна и Херцеговина, дебатната организација Центар за култура и дијалог, учесниците организираа јавна дебата на 29 ноември. Во средното училиште Челич, младите дискутираа за начини на кои дебатата може да придонесе кон помирувањето на народите во Босна и Херцеговина. Тезата на оваа јавна дебата беше: ,,Дебатата може да придонесе кон помирување помеѓу младите во Босна и Херцеговина, и средношколците имаа можност со присутните да ги споделат своите искуства од Балканската Дебатна Академија, каде токму овие прашања беа разгледувани. 

 

·         This project is supported by the Regional Youth Cooperation Office – RYCO. Its content is the sole responsibility of Youth Educational Forum and its partners and does not necessarily present the views of RYCO.
·         * This designation is without prejudice to positions on status, and is in line with UNSCR 1244 and the ICJ Opinion on the Kosovo Declaration of Independence.

Младите дебатираа за заедничкото минато

Младите од Балканот дебатираа за заедничкото минато

Се одржа првата Балканска дебатна академија во Скопје

Минатата недела, од 13 до 18 ноември 2018, во Скопје се одржа првата Балканска дебатна академија. Академијата ја организираше Младински образовен форум, со Отворена комуникација од Србија, Центарот за културен дијалог од Босна и Херцеговина и Дебатниот центар од Косово, со поддршка на Регионалната канцеларија за младинска соработка (РИКО).

На академијата учествуваа 37 средношколци од Македонија, Косово, Србија и Босна и Херцеговина. Учесниците беа дел од предавања и интерактивни работилници за дебата и аргументација, човекови права, младинско учество, минатото и културата. На крајот на академијата се одржа дебатен натпревар, на кој средношколците низ учество во 30 дебати се натпреваруваа меѓу себе.

Финалната дебата на турнирот на која дебатираат двата најдобри тимови се одржа на 18 ноември во 14 часот, во Салата на советот на Градот Скопје. Тезата на која дебатираа беше: „Овој Дом верува дека Владите на Балканот треба да развијат заедничка наставна програма и учебници по историја“. На дебатниот турнир победи тимот составен од: Симона Златанова (Македонија); Михаило Бабиќ (Србија) и Омер Муминовиќ (Босна и Херцеговина). Второ место освои тимот: Вијон Бараку (Косово), Елена Госњиќ (Србија) и Дејана Маркова (Македонија).

Најдобар говорник на турнирот беше Михајло Бабиќ од Србија,  второто говорничко место го освои Раеса Никшиќи од Косово, а третото Софија Милјатовиќ од Босна и Херцеговина.

Покрај обуките и дебатите, беше распишан и повик за средношколци за младите од овие земји, на кој над 60 ученици ги пратија своите есеи на темите: Дали нашето минато ја дефинира нашата иднина? и Напредокот започнува со дијалог.

Преку организацијата на овој настан, МОФ и партнерите целат да ја поттикнат културата на дијалог и соработката помеѓу младите од Западен Балкан. Проектот беше финансиран од Регионалната канцеларија за младинска соработка (РИКО). Организацијата на настанот ја помогнаа и Бреинстер, Гимназија Јосип Броз – Тито и Град Скопје, во чии простории се одржаа активностите.

Национално дебатно првенство, 2018 година

Од 22 до 24 јуни 2018 Младински образовен форум  го организираше Националното дебатно првенство на кое се натпреваруваа дебатери од Скопје, Велес, Тетово, Прилеп и Куманово. Првенството се одржа во  СУГСГ “Јосип Броз Тито”. Победнички на овој турнир беа дебатерките: Христина Цветановска и Марија Филиповска.

Второто место го освоија дебатерите Ана Маркоска, Оливера Каменароска и Стефан Митиќ. За најдобра индивидуална говорничка беше избрана Ана Крстевска, втора говорничка беше Христина Цветановска, а третото говорничко место го освои Јана Петрова.

Главната теза на која средношколците дебатираа беше “Овој Дом Верува Дека пристапот до возачка дозвола и конзумирањето алкохол треба да биде определено според тест на интелегенција наспроти возраст”. Турнирот се одржа во World Schools дебатниот формат, на англиски јазик и истиот опфати 5 прелиминарни рунди, полуфинале и финале.

На турнириот се дебатираше и на уште една импромпту теза (тези кои не се однапред најавени):
„Овој Дом Верува Дека Државата треба да забрани уметност создадена од луѓе кои имаат направено неморални акти“.

Целта на турнирот беше да обезбеди простор за напревар за аргументирана дискусија. Во овие неколку денови младите средношколци ги предизвикаа сопствените ставови и дискутираа за одоговорноста што индивидуите ја имаат кон општеството наспроти сопствените права и слободи. Преку истражување, аргументирано изразување и тимска работа, средношколците ги продлабочија своите знаења.

Настанот е организиран од МОФ со поддршка СУГСГ Јосип Броз Тито, и во соработка со Град Скопје.

Националното дебатно првенство е организирано со финансиска поддршка од Фондацијата Отворено општество – Македонија.

Дебатерите од Младински Образовен Форум на Светското универзитетско дебатно првенство

Теодора Столевска и Милка Геровска се дебатерките кои ќе го претставуваат МОФ и Македонија на овогодинешното Светско дебатно првенство за студенти во Грција.
Турнирот започна завчера – 27 декември а ќе трае до 04 јануари, локацијата на која 400 тимови ќе ги спротистават нивните дебатни вештини е Универзитетот Македонија во Солун.
Преку 9 прелиминарни рунди полуфинална и финална рунда ќе биде избран овогодинешниот светски првак во дебата.
На турнирот паралелно се одвиваат дебати во три категории :
Open category – во која се натпреваруваат сите на кои англискиот јазик им е мајчин јазик,
English as second language (ESL) категорија – во која се натпреваруваат сите дебатери на кои англискиот им е втор јазик и
English as foreign language (EFL ) категорија во која се натпреваруваат сите учесници на кои англискиот им е странски јазик

Дополнително, тимот на Радио МОФ составен од Димитар Вандовски, Марко Ѓорѓиев и Анте Гулин ги пренесуваат дебатите во живо преку каналот на РадиоМОФ_____
Испраќањето на тим на Светското дебатно првенство придонесува за подобрување и креирање на препознатливост во меѓународната дебатна заедница на македонскокото дебатно друштво .
Во конкуренција на дебатери од универзитети ширум светот, им посакуваме многу среќа и успех на Теодора и Милка.

Announcing Skopje Open 2015

Youth Educational Forum is proud to announce the second addition of Skopje Open. Looking for a quality prep tournament for Thessaloniki WUDC or you simply want to have a splendid time with excellent motions, good debates and fun socials? Welcome to Skopje Open 2015!

The Skopje Open International British Parliamentary debating tournament which will happen on 24-26 December 2015 in Skopje is a three day long competitive debating championship which will host students from countries across Europe in a competitive debating experience.

Our Chief Ajudicators for the tournament are:

1st CA: Stefan Siridzanski [SR]
Stefan is an Open Semifinalist of Malaysia Worlds and ESL Champion of Zagreb Euros, as well as a Euros and Worlds top 5 ESL speaker. He is the winner of the previous Skopje Open in addition to five other tournaments with over a dozen other finals. He has served on CA teams of eight European tournaments.

2nd CA: Harish Natarajan [UK]
Harish was a EUDC champion in Belgrade 2012, was a World University Debating Championship Top 10 Speaker and a Semi-Finalist. Harish has been on the adjudication team of one the largest competitions including WUDC 2014 and will be the Chief Adjudicator of Warsaw EUDC 2016.

3rd CA: Emilia Carcqvist [SW]
Emilia won the ESL Final of EUDC Manchester in 2013 and reached the ESL final in WUDC Chennai in 2014 as well as the ESL final in Zagreb EUDC the same year. In addition, she has won and judged a number of competitions and was a part of the CA team in Vienna EUDC in 2015 and will co-CA at EUDC Warsaw in 2016.

The team cap is 40 teams, and the tournament will host 5 rounds and brake in semis. The participation fee is 50 EUR debaters and adjudicators (with covered accommodation for 2 nights, 3 meals per day).

With organized transportation to Thessaloniki, funding for independent judges and splendid socials we feel confident to say that Skopje Open is THE prep tournament for this year.

Registration opens on October 1st, 2015.

Why should you come to Skopje Open?

1. Location, location, location….
With less than 250 km away from Thessaloniki  and easily accessible either by train or bus Skopje Open provides an excellent opportunity for you and your partner to prep for WUDC 2016. Our org team will organize bus transport for everyone attending Thess WUDC, so don’t miss the Debate Bus.

2. Quality over quantity
Apart from our experienced and high quality CA team, we will have an open call for independent judges and we will provide travel subsidies for them. We pledge to bring the best judges in Europe to provide quality WUDC preparations for all participants.

3.  Amazing socials 

“The Skopje Open was one of my favourite ever tournaments. The amazing people behind it will make you feel at home in a cosy, friendly and fun city. The socials were also legendary!”  – Manos Moschopoulos, Greece, CA at Skopje Open 2014
That was for last year. We promise to trump that!

Registration opens on October 1st.

You can find more information about the tournament on: www.mof.mk/SkopjeOpen2015, follow updates on #skopen2015, or get in touch with us at debata@mof.org.mk
The tournament is organized by the Debate Program at Youth Educational Forum and supported by the British Embassy Skopje.

Register now

Регионален дебатен турнир – Неготино 2015

Изминатиов викенд, Неготино беше центарот на дебатните случувања во Македонија. Имено, на 14 и 15 август  се одржа првиот регионален дебатен турнир „Неготино 2015“. Во овие 2 дена дебатираа млади средношколци кои се членови на МОФ дебатните клубови во 3 градови: Кратово, Велес и Неготино. Локацијата на турнирот беше манастирот „Св.Ѓорѓија“, а учество  земаа 18 дебатери, 9 судии  и 4 стафери кои се погрижија турнирот да се одвива во најдобар ред.

Учесниците на турнирот во 4 прелиминарни рунди и финале си ги одмерија дебатните способности. Тезата која им беше дадена за подготовка пред почетокот на турнирот беше „Овој дом би наметнал демократија“, а за време на турнирот дебатерите добија уште две импромпту тези за кои имаа само еден час да подготват случај.

Прво место на турнирот освои тимот од Велес составен од: Марија Мијакова, Илина Димовска и Филип Христовски ;
Второ место освоија Зорица Капетанова, Софија Илиевска и Митко Јаначков од Неготино;
Додека пак на трето место се пласираше тимот на : Арсениј Перцов, Константин Атанасов и Александар Милошевиќ од Велес.

Најдобрите говорници на овој регионален турнир беа:
Стефан Трајков – Прво место
Филип Христовски и Марија Мијакова го делеа второто место
Илина Димовска – Четврто место
Тимотеј Илиев – Петто место

Главен координатор на овој успешен настан беше  дебатниот тренер Стефан Андонов кој со помош од членовите на неговиот дебатен клуб успеа да го организира овој турнир, прв од ваков карактер.

Дебатниот клуб во Неготино е поддржан од Проектот на Усаид за граѓанско општество и Фондација отворено општество Македонија.

Милка Геровска и Теодора Столевска се претставници на Македонија на Eвропското дебатно првенство 2015

На овогодинешното Европско универзитетско дебатно првенство 2015 кое се одржува во Виена во организација на Debattierklub Wien, се натпреварува и македонскиот тим во состав Теодора Столевска и Милка Геровска.

На првенството кое се одржува од 2-9 август, дебатираат 220 тимови од цела Европа натпреварувајќи се во 9 прелиминарни рунди, четвртина, полу-финале како и финале во форматот Британска Парламентарна дебата. Вкупно 440 дебатери-учесници се натпреваруваат во 2 категории: Англиски како прв јазик (Native speakers) и Англиски како втор јазик (English as second language).

Тезите на кои досега дебатираа сите тимови се:
THW pay all elected politicians the median wage in their country”
(„Овој Дом сите избрани политичари би ги плаќал со просечната плата во нивната земја“)

THBT when multi-national corporations conduct any business in Western states, these nations should enforce their environmental standards at all stages of production”
(„Овој Дом верува дека кога мулти-националните корпорации спроведуваат бизнис во Западните земји, тие нации треба да ги спроведат еколошките стандарди во сите фази на нивното производство. “)

THBT Western states should not use private military contractors in combat
(„Овој Дом верува дека Западните држави не треба да користат приватни воени изведувачи во борба. “)

THW ban any treatment, service, or ritual from claiming a physical healing effect until it is tested and proven more effective than a placebo by a national regulator
(„Овој Дом би го забранил секој третман, услуга или  ритуал кој ветува физички лекувачки ефект се додека не е тестиран и докажан дека е ефективен повеќе од пласибо ефект, од страна на национален регулатор. “)

“THBT EU should lift arms embargo on China” („Овој Дом верува дека ЕУ треба да го подигне ембаргото за оружје на Кина. “)

THW only allow the media and campaigning organisations to depict or publish information about the deceased in tragedy with the explicit permission of the family.” („Овој Дом би им дозволил на медиумите и организации кои спроведуваат кампањи да отсликуваат или објавуваат информации за починатите во трагедии само со експлицитна дозвола од семејствата.“)

Учеството на тимот од МОФ кој ја претставува Македонија на Европското дебатно првенство е поддржано од Division.

Финалето на турнирот на кое ќе бидат познати и победниците  на Европското универзитетско дебатно првенство за оваа година ќе се одржи на 8ми август. Во финалната дебата ќе дебатираат четирите најдобри тимови.

Европското универзитетско дебатно првенство (EUDC) e Европско дебатно првенство кое се одржува секоја година. EUDC е најзначајниот и влијателен дебатен турнир за универзитетска дебата во Европа.

Македонски дебатери во осмина финале на меѓународниот турнир Heart of Europe

Средношколките дебатерки Калина Прелиќ, Соња Митиќ и Кристина Маџовска минатата недела се пласираа во осмина финале на меѓународниот дебатен турнир Heart of Europe. „Hearth of Europe“ (Срцето на Европа) е еден од најголемите европски дебатни турнири кој се одржа од 9 до 14 јули во градот Оломуц во Чешка.

Младинскиот образовен форум и Македонија беа претставени турнирот од  тимот составен од Калина Прелиќ, Соња Митиќ и Кристина Маџовска, кои беа победници на Националното дебатно првенство 2015. Заедно со нив како дебатен тренер ги придружуваше Петар Ивановски. На овој турнир земаа учество 30 тимови од најразлични делови од светот вклучувајќи ги Канада, Јужно Африкансаката Република, Бугарија, Данска, Шведска, Тајланд, Соединетите Американски Држави, Романија и уште многу други.

Турнирот се состоеше од осум прелиминарни рунди, осминафинале, полуфинале и финале. Нашите дебатери прелиминарните рунди ги завршија со пет победи и три порази и со тоа квалификувајќи се на деветтото место и обезбедувајќи пласман во осминафиналето, каде се сретнаа со тимот од Данска.

Покрај тимот како наш претставник на турнирот го имавме и Петар Ивановски како член на панелот од тројца главни судии на турнирот. Во финалето на турнирот се сретнаа двата најдобри тима Канада Блу и Канада Вест каде како победник со одлука 9-2 беше прогласен тимот на Канада Блу.

Тезите на овој турнир кои што се дебатираа во прелиминарните рунди беа:
1.„ Овој дом верува дека меѓународна воена интервенција против Боко Харам е оправдана без разлика на погледите на Нигериската влада. “
2.„ Овој дом верува дека нормализацијата на односите повеѓу САД и Куба ќе резултираат со субстанцијално подобрување на цивилните права во Куба. “
3. „Овој дом верува дека сексуално наметливите женски поп ѕвезди кои се идентификуваат како феминистки се штетни за феминизмот.“
4. „Овој дом верува дека Евроазиската Економска Унија ќе биде закана за Европската Унија во иднината.“

Финалната дебата на овој турнир се дебатираше на тезата:

„Овој дом верува дека помошта за развој на Европската Унија треба примарно да биде фокусирана кон образованието.“

Покрај големиот успех што нашите дебатерки го постигнаа со пласманот во осминафиналето значајно е да се спомене дека на индивидуално ниво во конкуренција од 110 дебатери сите три котираа во горната половина на листата на најдобри индивидуални говорници на турнирот.

Честитки за тимот на Калина, Соња и Кристина и со нетрпение го очекуваме следниот голем успех на македонските средношколски дебатери.