Избрани најдобрите дебатери почетници

Викендов од 21-ви до 23-ти декември во СУГС „Орце Николов“ во Скопје, се одржа 10-тото Национално дебатно првенство за почетници.

Ова првенство традиционално е организирано од Младински образовен форум (МОФ) и е најголемиот дебатен турнир, кој организацијата го одржува секоја година со цел да им овозможи на своите членови – дебатерите почетници да ги одмерат во пракса своите дебатни вештини стекнати за време на предавањата по дебата и аргументирано изразување.

На турнирот учествуваа повеќе од 150 дебатери – натпреварувачи, судии и волонтери од дебатните клубови на МОФ во Скопје, Велес, Тетово, Куманово, Битола и Прилеп. Турнирот кој траеше три дена вклучуваше 5 прелиминарни рунди, полуфинале и финале.

Победник на јубилејното издание на турнирот беше тимот составен од Тодор Усовиќ, Исак Мисини, Дорис Христовска додека второто место на турнирот го зема тимот составен од Мартина Поповска, Александар Ступар и Мишел Јовановска. На турнирот беа прогласени и најдобрите говорници дебатери: Ирена Димеска, Михаела Трајковска, Јована Ангеловска.

Во изминатите неколку дена, младите средношколци, учесници на турнирот ги предизвикаа сопствените ставови и дискутираат за демократските вредности и политичките режими на владеење дебатирајќи на тезите „Овој Дом Претпочита технократска автократија пред популистичка демократија“ и „Oвој Дом Верува Дека силна диктатура е подобро од слаба демократија“.

Ова дебатно првенство имаше за цел да промовира компетитивност помеѓу младите базирана на организирана и аргументирана дискусија.

Националното дебатно првенство за почетници е поддржано од Меѓународната дебатна образовна организација – ИДЕА и Програмата Европа за граѓаните на Европската Унија.

Голема благодарност до Виталиа ДООЕЛ и СУГС „Орце Николов“ за поддршката при реализација на ова дебатно првенство.


Почетничко дебатно првенство 2018

Националното дебатно првенство за почетници е дебатен турнир во организација на Младински образовен форум (МОФ). Турнирот има за цел да им овозможи на новите дебатери, членови на дебатните клубови на МОФ да учествуваат на дебати од компетитивен карактер. Турнирот ќе се одржи од 21 до 23 декември во СУГС Гимназија Орце Николов.

Формат на дебатирање: World Schools Debate Format
Број на рунди: 5 прелиминарни рунди, полуфинале и финале.
Јазик на турнирот: македонски.

Теза: “Овој Дом претпочита технократска автократија пред популистичка демократија”.

Регистрација
На следниот линк можете да најдете регистрација за тимови: https://goo.gl/forms/dsqCmSoDK3UTHRwn1
На следниот линк можете да најдете регистрација за судии: https://goo.gl/forms/ctb8saORT67C680I3
На следниот линк можете да најдете регистрација за волонтери: https://goo.gl/forms/T7SOAfVyLiwvS5Ug1

Националното дебатно првенство е поддржано од Меѓународната дебатна организација – IDEA NL и Европската комисија.

Работилници и дебати во 4 земји

Oд 13 до 18 ноември 2018 во Скопје се одржа првата Балканска дебатна академија. Академијата ја организираше Младински образовен форум, во соработка со Отворена комуникација од Србија, Центарот за културен дијалог од Босна и Херцеговина и Дебатниот центар од Косово*, со поддршка на Регионалната канцеларија за младинска соработка (РИКО).  На академијата учествуваа 37 средношколци од Македонија, Косово, Србија и Босна и Херцеговина. Учесниците беа дел од предавања и интерактивни работилници за дебата и аргументација, човекови права, младинско учество, помирувањето и историјата. На крајот на академијата се одржа дебатен натпревар на кој средношколците низ учество во 30 дебати се натпреваруваа меѓу себе.

По завршувањето на академијата, учесниците од различните држави учествуваа на follow-up активности во соработка со нивните локални дебатни организации.

Во Македонија, на 30ти ноември се одржа тренинг за дебата и јавно говорење во Средното училиште „Орде Чопела“ во Прилеп. Со цел да го споделат знаењето кое го стекнале на академијата, со подршка од Младински образовен форум учесниците организираа и спроведоа еднодневна обука за дебата и јавно говорење. Учесниците, Емилија Темелковска од Битола, Дејана Маркова од Штип и Ана Маркоска од Скопје кои воедно беа дел од стипендираните учесници на Балканската Дебатна Академија, успешно го пренесоа знаењето кое го стекнале на своите врсници од Прилеп.

Во Приштина, Kосово, дебатерите во соработка со дебатните тренери од Дебатниот Центар,  кои учествуваа на академијата организираа работилница на 30ти ноември. По дебатната работилница, се одржа и промотивна дебата каде средношколците дебатираа за разликите и сличностите помеѓу балканските општества, влијанието на историјата како и начините на помирување помеѓу младите на Балканот.

Во Првата Белградска Гимназија, Белград, Србија, дебатната организација Отворена Комуникација одржа работилница за дебата каде учесниците на академијата заедно со дебатните предавачи го споделија знаењето и искуството кое го стекнале со дебатерите од Србија. На оваа обука, повеќе од 15 средношколци од Србија имаа можност да научат повеќе за дебатата како алатка за помирување и надминување на разликите.

Во Сараево, Босна и Херцеговина, дебатната организација Центар за култура и дијалог, учесниците организираа јавна дебата на 29 ноември. Во средното училиште Челич, младите дискутираа за начини на кои дебатата може да придонесе кон помирувањето на народите во Босна и Херцеговина. Тезата на оваа јавна дебата беше: ,,Дебатата може да придонесе кон помирување помеѓу младите во Босна и Херцеговина, и средношколците имаа можност со присутните да ги споделат своите искуства од Балканската Дебатна Академија, каде токму овие прашања беа разгледувани. 

 

·         This project is supported by the Regional Youth Cooperation Office – RYCO. Its content is the sole responsibility of Youth Educational Forum and its partners and does not necessarily present the views of RYCO.
·         * This designation is without prejudice to positions on status, and is in line with UNSCR 1244 and the ICJ Opinion on the Kosovo Declaration of Independence.

Завршен настан на БДА во Прилеп

На 30ти ноември се одржа тренинг за дебата и јавно говорење во Средното училиште „Орде Чопела“ во Прилеп. Обуката беше спроведена во склоп на проектот Балканска Дебатна Академија подржана од Регионалната канцеларија за младинска соработка – RYCO.
За време на Балканската дебатна академија ученици од Македонија имаа можност да се стекнат со вештини за дебата, аргументација и јавно говорење. Целејќи да го споделат знаењето кое го стекнале на академијата, со подршка од Младински образовен форум учесниците организираа и спроведоа еднодневна обука за дебата и јавно говорење.
Учесниците, Емилија Темелковска од Битола, Дејана Маркова од Штип и Ана Маркоска од Скопје кои воедно беа дел од стипендираните учесници на Балканската Дебатна Академија, успешно го пренесоа знаењето кое го стекнале на своите врсници од Прилеп.
Средношколците од Прилеп имаа можност да научат нешто повеќе за основите на дебата, начините како да се изгради аргументација и истата да се побива, и се стекнаа со знаења и за јавно говорење и стил на говорење. На обуката учествуваа повеќе 30 средношколци од различни средни училишта во Прилеп и истите се стекнаа со знаења кои ќе можат да ги искористат во текот на своите формално образование.
Вакви завршни настани организираа и партнерите Дебатен центар, Отворена комуникација и Центар за култура на дијалог во своите градови: Приштина, Сараево и Белград.

Младите дебатираа за заедничкото минато

Младите од Балканот дебатираа за заедничкото минато

Се одржа првата Балканска дебатна академија во Скопје

Минатата недела, од 13 до 18 ноември 2018, во Скопје се одржа првата Балканска дебатна академија. Академијата ја организираше Младински образовен форум, со Отворена комуникација од Србија, Центарот за културен дијалог од Босна и Херцеговина и Дебатниот центар од Косово, со поддршка на Регионалната канцеларија за младинска соработка (РИКО).

На академијата учествуваа 37 средношколци од Македонија, Косово, Србија и Босна и Херцеговина. Учесниците беа дел од предавања и интерактивни работилници за дебата и аргументација, човекови права, младинско учество, минатото и културата. На крајот на академијата се одржа дебатен натпревар, на кој средношколците низ учество во 30 дебати се натпреваруваа меѓу себе.

Финалната дебата на турнирот на која дебатираат двата најдобри тимови се одржа на 18 ноември во 14 часот, во Салата на советот на Градот Скопје. Тезата на која дебатираа беше: „Овој Дом верува дека Владите на Балканот треба да развијат заедничка наставна програма и учебници по историја“. На дебатниот турнир победи тимот составен од: Симона Златанова (Македонија); Михаило Бабиќ (Србија) и Омер Муминовиќ (Босна и Херцеговина). Второ место освои тимот: Вијон Бараку (Косово), Елена Госњиќ (Србија) и Дејана Маркова (Македонија).

Најдобар говорник на турнирот беше Михајло Бабиќ од Србија,  второто говорничко место го освои Раеса Никшиќи од Косово, а третото Софија Милјатовиќ од Босна и Херцеговина.

Покрај обуките и дебатите, беше распишан и повик за средношколци за младите од овие земји, на кој над 60 ученици ги пратија своите есеи на темите: Дали нашето минато ја дефинира нашата иднина? и Напредокот започнува со дијалог.

Преку организацијата на овој настан, МОФ и партнерите целат да ја поттикнат културата на дијалог и соработката помеѓу младите од Западен Балкан. Проектот беше финансиран од Регионалната канцеларија за младинска соработка (РИКО). Организацијата на настанот ја помогнаа и Бреинстер, Гимназија Јосип Броз – Тито и Град Скопје, во чии простории се одржаа активностите.

Тркалезна маса: Интеграција во училиште

На 6 ноември, 2018 година се одржа тркалезна маса на тема: „Улогата на училиштата во унапредување на меѓуетничката интеграција“ на која присуствуваа директорите и координаторите на Тимовите за училишна интеграција (СИТ) од сите средни училишта од Град Скопје. Тркалезната маса е дел од активностите на Проектот на УСАИД за меѓуетничка интеграција на младите во образованието, а е организирана во соработка со Министерството за образование и наука, Град Скопје, Мисијата на ОБСЕ во Скопје и Младински образовен форум.

На почетокот на настанот, раководителот на Секторот за образование при Град Скопје, Даниела Адамова ја потенцираше досегашната успешна соработка на Град Скопје со средните училишта во процесот на меѓуетничка интеграција во образованието.

„Како што знаете, овој процес започна во 2012 година и претставува една важна нишка во рамките на образовниот систем. Посебно, затоа што им овозможуваме на младите да имаат различни можности за поголема интеракција без разлика на етничката припадност, поинтензивна соработка, и заеднички да спроведуваат активности кои се за нив од интерес и важност. Како Град Скопје, сметаме дека интензивирањето на вклучувањето на средните училишта е клуч до поуспешни активности и посреќни млади генерации, кои ќе научат дека сме побогати што сме различни, а при тоа делиме сите заеднички интереси.” – рече Адамова.

Во продолжение на настанот, Нуран Кадриу Џамбази, советник при Министерството за образование и наука зборуваше за заедничката заложба на образовните институции за промовирање на вредностите на интеграција во образованието, со посебен осврт на улогата на Работната група на МОН за меѓуетничка интеграција во образованието.

За поддршката на училиштата од страна на граѓанските организации и меѓународната донаторска заедница зборуваа Небојша Мојсоски, раководител на Проектот на УСАИД за меѓуетничка интеграција на младите во образованието при Македонски центар за граѓанско образование и Јелена Брајовиќ, претставник на Мисијата на ОБСЕ во Скопје.

Воведно обраќање имаше и педагогот во средното училиште „Браќа Миладиновци“ во Скопје, Оливера Величковска, во кое сподели примери за добри и успешни практики од наставниците и учениците во негувањето и практикувањето на меѓуетничката интеграција во училиштето.

„Во нашето училиште се спроведуваат заеднички часови со ученици кои учат на различни наставни јазици и во рамки на редовната настава и тоа најмалку два пати во годината. Организираме и голем број на работилници и слободни часови со мултикултурни содржини. Ваквите активности овозможуваат да се негуваат вредностите на заедничко живеење во училиштето, како и надвор од него.“, изјави Величковска.

Директорите и претставниците од средните училишта пак, активно се вклучија во дискусијата и ги споделуваа добрите искуства, но и предизвиците со кои се соочуваат во процесот на зајакнување на кохезијата помеѓу учениците од различни етнички заедници. Едно од заклучните согледување беше постоењето на потреба за унапредување на соработката помеѓу училиштата, институциите и граѓанските организации, со цел процесот за меѓуетничка интеграција во училиштата да е долгорочно одржлив.

Оваа активност е дел од Проектот за меѓуетничка интеграција на младите во образованието, финансиран од Агенцијата за меѓународен развој на Соединетите Американски Држави (УСАИД).

Младински камп во Охрид

Дебата, помагање на заедницата и ученичките права се трите теми за коишто околу 60 средношколци имаа можност да слушаат предавања за време на младински камп организиран од  Проектот на УСАИД за меѓуетничка интеграција на младите во образованието. На кампот кој се одржа од 20 до 22 октомври 2018 година во Охрид учествуваа ученици од шест средни училишта низ Македонија – „Јане Сандански“ од Струмица, „Преродба-Рилиндја“ од с. Житоше, „Зеф Љуш Марку“ од Скопје, „Перо Наков“ од Куманово, „Нико Нестор“ од Струга и „Кузман Шапкарев“ од Битола.

Тридневниот камп започна со теоретско предавање за правата на детето, преку кое младите научија зошто се важни нивните права и како може истите да ги остварат во рамки на училиштата. Од друга страна, учесниците на кампот научија и зошто се важни нивните одговорности и како може да придонесат за подобрување на своите заедници. Предавањето за дебата и средношколски заедници пак, им овозможи да ги зајакнат вештините за критичко размислување и заедно да изнаоѓаат решенија за предизвиците со кои се соочуваат младите.

Овие три дена поминаа многу брзо затоа што секоја активност беше интересна, почнувајќи од темите се до работилниците. Тоа што ми остави добар впечаток е инклузивноста на сите во активностите, прифаќајќи ги такви какви што се, без разликување, оставајќи простор да се изразиме себеси и нашите вештини.”, изјави Фатон, ученик од средното училиште Рилиндја.

За време на кампот, учениците учествуваа и во низа креативни и интерактивни работилници. Младите заедно разубавуваа маици со креативни пораки за мир и еднаквост и дебатираа на теми кои самите ги одбраа – спорт, еднаквост, феминизам, реформирање на образовниот систем, меѓуврсничко насилство, ментално здравје, средношколски права, интеграција и јазик и бездомни животни.

На овој камп, освен активностите и презентациите, имавме прилика да се запознаеме и да се дружиме со нови луѓе од други градови и националности.”, изјави Џина, ученик од средното училиште „Зеф Љуш Марку“.

И наставниците следеа интерактивни предавања преку кои се стекнаа со знаење и вештини за поддржување на идеите на учениците, менторирање на средношколските заедници и организирање на дебати во рамки на часовите. Тие учествуваа и на тркалезна маса на тема: „Образованието како фактор за креирање на информирани и активни млади” на којашто заедно со претставници од Бирото за развој на образование дискутираа како може да се подобри образованиот систем за да создава генерации на активни ученици кои имаат интерес да ги подобруваат своите заедници.

Кампот заврши со панел дискусија на тема: „Младинско учество и организирање на млади“ на којашто воведни обраќања имаа Блажен Малевски, претседател на Националниот младински совет на Македонија, Вероника Станоевска, претседател на средношколската заедница на СМУГС „Панче Караѓозов“ и Флорим Реџепи, претставник на Центарот за интеркултурен дијалог од Куманово. За време на панел дискусијата учениците имаа прилика да дискутираат со панелистите и да се информираат за можностите за младинско учество во Македонија.

Младинските кампови кои ги организира Проектот на УСАИД за меѓуетничка интеграција на младите во образованието, во соработка со Младински образовен форум, имаат цел да им овозможат меѓусебен контакт и позитивна интеракција на учениците кои учат на различни јазици, со што се создава простор за градење на нови пријателства меѓу младите од различни етнички заедници.

Оваа активност е дел од Проектот за меѓуетничка интеграција на младите во образованието, финансиран од Агенцијата за меѓународен развој на Соединетите Американски Држави (УСАИД).

*Веста е преземена од веб страната на Македонски центар за граѓанско образование

Повик за есеи за средношколци

ПОВИК ЗА ЕСЕИ ЗА СРЕДНОШКОЛЦИ

Balkan Debate Academy: Debating towards Cooperation

Проектот Balkan Debate Academy: Debating towards Cooperation отвора повик за есеи за средношколци од Македонија, Босна и Херцеговина, Србија и Косово *. Најдобрите есеи кои ќе бидат избрани ќе добијат целосна стипендија за учество на Балканската дебатна академија во Скопје. Проектот го спроведува Младинскиот образовен форум во соработка со Отворената комуникација од Србија, Центарот за културен дијалог од Босна и Херцеговина и Дебатниот центар од Косово, со поддршка на Регионалната канцеларија за младинска соработка (РИКО).

Учениците кои ќе аплицираат на повикот можат да изберат една од двете теми за есеи:

  1. Дали нашето минато ја дефинира нашата иднина?
  2. Напредокот започнува со дијалог.

Повикот за есеи е отворен до 30.10.2018 година. Победниците на конкурсот ќе добијат целосна стипендија за учество на меѓународната академија Balkan Debate Academy: Debating towards Cooperation.

Call for essays – Balkan Debate Academy [MK]

THIRRJE PËR ESE PËR NXËNËSIT E SHKOLLAVE TË MESME

 Balkan Debate Academy:  Debating towards Cooperation

Projekti Balkan Debate Academy: Debating towards Cooperation hap thirrje për ese për nxënësit e shkollave të mesme nga Maqedonia, Bosnja dhe Hercegovina, Serbia dhe Kosova*. Esetë më të mira të cilat do të zgjidhen do të fitojnë bursë të plotë për pjesëmarrje në Akademinë Ballkanike të Debatit në Shkup.  Projektin e realizon Forumi Arsimor Rinor në bashkëpunim me Komunikimin e Hapur nga Serbia, Qendrën  për Dialog Kulturor nga Bosnja dhe Hercegovina dhe Qendrën për Debat nga Kosova,  me mbështetje të Zyrës Rajonale për Bashkëpunim Rinor.

Nxënësit që do të aplikojnë në thirrjen mund të zgjedhin një nga dy temat për ese:

  1. Vallë e përkufizon e kaluara të ardhmen tonë?
  2. Progresi fillon me dialog.

Thirrja për ese është e hapur deri më 30.10.2018. Fituesit e konkursit do të fitojnë burë të plotë për pjesëmarrje në Akademinë Ndërkombëtare Balkan Debate Academy:  Debating towards Cooperation.

Call for essays – Balkan Debate Academy [AL]

The project Balkan Debate Academy: Debating towards Cooperation is opening a call for essays for high school students from Macedonia, Bosnia and Herzegovina, Serbia and Kosovo*. The best essays which will be selected will receive a full scholarship for participation at the Balkan Debate Academy in Skopje. The project is implemented by Youth Educational Forum in cooperation with Open Communication from Serbia, Centre of Cultivating Dialogue from Bosnia and Herzegovina and the Debate Centre from Kosovo, with the support of the Regional Youth Cooperation Office (RYCO).
Students who apply for the call can choose one of two topics for essays:
Does our past define our future?
Progress starts with dialogue.
The call for essays is open until 30.10.2018. The winners of the competition will receive a full scholarship for participation at the international academy Balkan Debate Academy: Debating towards Cooperation.
More details can be found in the documents below:

Call for essays – Balkan Debate Academy [EN]

Повик за нови членови на клубови на МОФ

Повик за нови членови на  клубови на МОФ 

Отворен е повикот за нови членови на средношколските клубови за: Дебата, Учиме право и Медиа/Арт!

Што е Дебатен клуб
Преку интерактивни неделни предавања во Дебатниот клуб ќе да научиш како да се справиш со тремата од јавни говори, убедливо и структурирано да ги искажуваш твоите ставови, а ќе имаш прилика да посетиш национални и меѓународни дебатни турнири. Ова е одлична можност да научиш како аргументирано да се изразуваш, и да изградиш вештина која ќе ти се најде во твоето секојдневие без разлика дали е тоа подготвување на есеј, говор или презентација.

Што е Учиме Право клуб?
Учиме  право клубот ќе те запознае со твоите права како средношколец и граѓанин и начините на кои еден млад човек може да ги заштити своите права. Ќе се запознаеш со основата на нашиот правен систем и начинот на кој функционираат институциите во едно општество. Програмата нуди посета на институции и судови, сиумулации на вистински судења и низа интерактивни активности низ кои ќе се запознаваш со правото во текот на целата година.

Што е Медиа/Арт клуб?
Медиа/Арт клубовите нудат прилика за младите креативци да се запознаат со основни алатки за креативно изразување. Новинарство, креативно пишување, изработка на фотографии, фанзини и дигитална обработка на фотографии и видеа се само дел од содржините кои ги опфаќа оваа програма.

Зошто да се зачленам во средношколски клуб?
Учеството во секој од клубовите е целосно бесплатно за секого. Знаењата и вештините кои ќе ги стекнеш преку младинските клубови на МОФ ќе ти овозможат да се изградиш како активна млада личност свесна за своите права и подготвена да се сноси со предизвиците од секојдневието. Средношколските клубови функционираат во пријателска атмосфера која ќе ти овозможи стекнување на нови пријателства и искуства поразлични од оние со кои се среќаваш во формалното образование.

Ми се допаѓа! Како можам да се пријавам?
Клубовите ќе бидат отворени во: Скопје, Тетово, Куманово, Велес, Битола, Крушево и Струга. На следниот линк може да се пријавиш за клубот кој најмногу те привлекува и да дознаеш кои клубови ги има во твојот град: https://goo.gl/forms/t3YHBdkiQsfhTtaD2
Доколку сакаш можеш неколку пати да ја пополниш пријавата за да се зачлениш во неколку различни средношколски клубови.

Имаш прашања? Пиши ни на: obuki@mof.org.mk

Оваа активност е дел од Проектот за младинско изразување. Проектот е финансиран од Европската унија.

Thirrje për anëtarë të ri në klubet e MOF

Është hapur thirrje për anëtarë të ri në klubet e nxënësve të shkollave të mesme për: Debat, Mësojmë drejtësi dhe Media/ Art!

Çfarë është Klubi debatues

Nëpërmjet ligjëratave javore interaktive në Klubin e debatit do të mësosh si të përballesh me tremën nga fjalimet publike, në mënyrë bindëse dhe të strukturuar të shprehësh qëndrimet tënde, ndërsa do të kesh rastin të vizitosh edhe turne nacionale dhe ndërkombëtare të debatit.

Kjo është mundësi e shkëlqyer se si të shpreheni në mënyrë të argumentuar, dhe të ndërtosh shkathtësi e cila do të të gjendet gjatë përditshmërisë tënde pa dallim nëse do të përgatiteni për ese, fjalim ose prezantim.

Çfarë është Klubi Mësojmë drejtësi?
Klubi mësojmë drejtësi, do të të njoftojë me të drejtat tënde si nxënës i shkollës së mesme dhe qytetar në lidhje me mënyrën si një i ri mund t’i mbrojë të drejtat e veta. Do të njoftohesh me bazën e sistemit tonë juridik dhe mënyrën se si funksionojnë institucionet në një shoqëri.  Programi ofron vizitë në institucione dhe gjykata, simulime të gjykimeve të vërteta dhe një sërë aktivitete interaktive nëpërmjet të cilave do të njoftohesh me të drejtën gjatë gjithë vitit.

Çfarë është Media / Art klubi?
Media / Art klubet ofrojnë rastin për krijuesit e rinj të njoftohen me veglat themelore për shprehje kreative.  Gazetaria, shkrimi kreativ, përpunimi i fotografive, revista dhe përpunimi digjital i fotografive dhe videove janë vetëm një pjesë e përmbajtjeve të cilat i përfshin ky program.

Pse të anëtarësohemi në klubin e nxënësve të shkollave të mesme?
Pjesëmarrja në secilin klub është tërësish pa pagesë, për secilin.  Dijen dhe shkathtësitë të cilat do ti fitosh nëpërmjet klubeve rinore të MOF do të të mundësojnë të formohesh  si person i ri aktiv, i vetëdijshëm për të drejtat e veta i gatshëm t’ju bësh ballë sfidave të përditshmërisë. Klubet e shkollave të mesme funksionojnë në atmosferë miqësore e cila do të mundësojë të fitoni miq, përvoja të reja më ndryshe nga ato, të cilat i hasni gjatë arsimit formal.

Më pëlqen!  Si mund të paraqitem?
Klubet do të hapen në: Shkup, Tetovë, Kumanovë, Veles, Manastir, Krushevë dhe Strugë.  Në linkun më poshtë mund të paraqitesh për klubin i cili të tërheq më tepër dhe të kuptosh cilat klube, gjenden në qytetin tënd: https://goo.gl/forms/t3YHBdkiQsfhTtaD2

Nëse dëshiron ke mundësi disa herë të plotësosh fletëparaqitjen në mënyrë që të anëtarësohesh në disa klube të ndryshme të nxënësve të shkollave të mesme.

Ke pyetje? Na shkruaj në: obuki@mof.org.mk


Ky aktivitet është pjesë e Projektit për shprehje rinore. Projekti financohet nga Bashkimi Evropian.

 

Позитивни примери за соработка на младите

Ученици промовираа позитивни примери за меѓуетничка соработка на младите

Ученици промовираа позитивни примери за меѓуетничка соработка на младитеДенес, 17 октомври 2018 година, во 11:00 часот, во Младински културен центар, Скопје, Проектот на УСАИД за меѓуетничка интеграција на младите во образованието организираше јавен настан за промовирање на примери и добри практики за заеднички ученички активности кои се спроведуваат во училиштата низ Македонија во рамки на проектот. Целта на ваквите активности во кои учествуваат млади од различни етнички заедници е да се подобри меѓуетничката соработка и интеграција меѓу нив, како и да се зајакнат нивните граѓански и демократски вредности.

Покрај ученици и наставници, на настанот присуствуваа и претставници од образовните институции, меѓународни организации, невладини организации и други.

Во првата година од имплементација на проектот, беа спроведени повеќе од 400 заеднички ученички активности, младински иницијативи, креативни работилници и јавни дискусии во кои учествуваа повеќе од 2300 ученици од различни етнички заедници.

Проектот на УСАИД за меѓуетничка интеграција на младите во образованието е петгодишна иницијатива за зајакнување на меѓуетничката кохезија меѓу младите и развој на демократските и граѓанските однесувања. Овој проект се темели на достигнувањата на Проектот на УСАИД за меѓуетничка интеграција во образованието, кој во период од пет години остваруваше тесна соработка со Владата на Македонија и сите основни и средни училишта при што изгради 400 партнерства меѓу училиштата од целата земја, организираше меѓукултурни активности во коишто учествуваа илјадници ученици и реновираше 63 училишта. Проектот на УСАИД за меѓуетничка интеграција на младите во образованието исто така работи во партнерство со сите општини, основни и средни училишта во Македонија со цел на младите луѓе од различно потекло да им овозможи да научат за граѓанските права и одговорности преку реализирање на едноставни иницијативи за подобрување на нивните училишта и заедници. Училиштата коишто покажуваат особена посветеност и активно учество во зајакнувањето на меѓуетничката интеграција и граѓанските вредности ќе бидат наградени со дополнителна поддршка за реновирање на училиштата од Европската команда на САД.