Национално дебатно првенство, 2018 година

Од 22 до 24 јуни 2018 Младински образовен форум  го организираше Националното дебатно првенство на кое се натпреваруваа дебатери од Скопје, Велес, Тетово, Прилеп и Куманово. Првенството се одржа во  СУГСГ “Јосип Броз Тито”. Победнички на овој турнир беа дебатерките: Христина Цветановска и Марија Филиповска.

Второто место го освоија дебатерите Ана Маркоска, Оливера Каменароска и Стефан Митиќ. За најдобра индивидуална говорничка беше избрана Ана Крстевска, втора говорничка беше Христина Цветановска, а третото говорничко место го освои Јана Петрова.

Главната теза на која средношколците дебатираа беше “Овој Дом Верува Дека пристапот до возачка дозвола и конзумирањето алкохол треба да биде определено според тест на интелегенција наспроти возраст”. Турнирот се одржа во World Schools дебатниот формат, на англиски јазик и истиот опфати 5 прелиминарни рунди, полуфинале и финале.

На турнириот се дебатираше и на уште една импромпту теза (тези кои не се однапред најавени):
„Овој Дом Верува Дека Државата треба да забрани уметност создадена од луѓе кои имаат направено неморални акти“.

Целта на турнирот беше да обезбеди простор за напревар за аргументирана дискусија. Во овие неколку денови младите средношколци ги предизвикаа сопствените ставови и дискутираа за одоговорноста што индивидуите ја имаат кон општеството наспроти сопствените права и слободи. Преку истражување, аргументирано изразување и тимска работа, средношколците ги продлабочија своите знаења.

Настанот е организиран од МОФ со поддршка СУГСГ Јосип Броз Тито, и во соработка со Град Скопје.

Националното дебатно првенство е организирано со финансиска поддршка од Фондацијата Отворено општество – Македонија.

Деветтото издание на јавниот дебатен настан Аргумент: Организирано изразување

Младински образовен форум (МОФ) на 12мај 2018 година го организираше деветтото издание на јавниот дебатен настан Аргумент: Организирано изразување.

Настанот кој започна во 20 часот се оджи во Музејот на современа уметност во Скопје.

Аргумент: Организирано изразување е целовечерен дебатен настан, чија цел е да ја подобри културата на дијалог и структурата на говорење во јавниот дискурс и да ја промовира аргументацијата како неопходен услов за продуктивна дискусија. И оваа година ветуваме квалитетна дебата на актуелна општествена-политичка тема, прецизно структурирана и организирана на начин на кој ќе овозможи фер дискусија на говорниците на дебатата и на присутната публика.

Тезата на овогодинешниот Аргумент гласеше: Овој дом верува дека дражава со ваква младина (не) треба да се грижи за својата иднина. На истата дебатираа два тима составени од тројца говорници кои ја подржаа или ја негираа тезата.

Афирмативен тим [тим кој ја поддржува тезата] беше составен од Славчо Димитров, Бесфорт Идризи и Тања Царовска, кој тврдеше дека во Македонија нема доволно можности за младите особено оние кои се дел од маргинализираните групи во државата. Дополнително беше истакнато дека државата треба да превземе итни мерки за да ги го спречи бранот на иселување на младите од државата преку реформи во образовниот систем и преку овозможување можности за вработување на малдите. Негациски тим (тим кој ја негира тезата) беше составен од Ивана Туфегџиќ, Коста Петров и Аделина Марку кој тврдеше дека покрај институциите младите се оние кои досега се бореле и треба да продолжат да се борат за своите права и да создаваат можности кои ќе бидат поволни за нив.

Аргумент: Организирано изразување беше поддржан од Фондација Отворено општество Македонија во рамки на јубилејниот настан за одбележување на 25-годишнината од постоењето на ФООМ,  организирана од Младински образовен форум.

Тренинг за дебатни тренери 2017

Младински образовен форум во пресрет на новата дебатна година, од 16-17.09.2017 одржа тренинг за нови дебатни тренери наменет за средношколците кои активно учествувале во дебатни актиности во претходните 2 години. Главниот фокус на тренингот е обновување на телото на дебатни тренери со што се зајакнуваат капацитетите на дебатната програма. Read More

Турнир на измешани тимови

На 2ри јули, во просториите на МОФ се одржа Турнирот на измешани тимови чија цел е дебатните тренери, судии и дебатерите од почетните и напредниот клуб на програмата преку дебата во измешани тимови да споделат дебатни вештини и знења. Read More

Национално дебатно првенство 2017

На 5ти и 6ти мај во просториите на Универзитетот ФОН се оддржа Националното дебатно првенство за средношколци. На турнирот учество земаа 15 тимови, 15 судии и 5 волнтери, членови на дебатната програма на МОФ. Турнирот се состоеше од 4 прелиминарни рунди, полуфинале и финале и се дебатираа две подготвени тези и една импромпту теза на анлиски јазик во World Schools дебатниот формат. Read More

ДЕБАТНА КОНФЕРЕНЦИЈА – INTEGRATED TALKS

Младински образовен форум во соработка со Проектот на УСАИД за меѓуетничка интеграција во образованието, на 8 и 9 февруари ја одржа првата дебатна конференција – Integrated talks. На конференцијата посветена на аргументацијата и меѓукултурната размена учество земаа 100 средношколци од 10 градови од Македонија. Read More

Национален тренинг за спроведување на истражување и евалуација

На 04ти и 05ти февруари, Младински образовен форум во соработка со Меѓународната дебатна образовна асоцијација (International Debate Education Association) го организираше националниот тренинг за истражување и евалуација, на кој учествуваа повеќе од 30 млади вклучени во некоја граѓанска организација или неформална група. Read More

Дебатерите од Младински Образовен Форум на Светското универзитетско дебатно првенство

Теодора Столевска и Милка Геровска се дебатерките кои ќе го претставуваат МОФ и Македонија на овогодинешното Светско дебатно првенство за студенти во Грција.
Турнирот започна завчера – 27 декември а ќе трае до 04 јануари, локацијата на која 400 тимови ќе ги спротистават нивните дебатни вештини е Универзитетот Македонија во Солун.
Преку 9 прелиминарни рунди полуфинална и финална рунда ќе биде избран овогодинешниот светски првак во дебата.
На турнирот паралелно се одвиваат дебати во три категории :
Open category – во која се натпреваруваат сите на кои англискиот јазик им е мајчин јазик,
English as second language (ESL) категорија – во која се натпреваруваат сите дебатери на кои англискиот им е втор јазик и
English as foreign language (EFL ) категорија во која се натпреваруваат сите учесници на кои англискиот им е странски јазик

Дополнително, тимот на Радио МОФ составен од Димитар Вандовски, Марко Ѓорѓиев и Анте Гулин ги пренесуваат дебатите во живо преку каналот на РадиоМОФ_____
Испраќањето на тим на Светското дебатно првенство придонесува за подобрување и креирање на препознатливост во меѓународната дебатна заедница на македонскокото дебатно друштво .
Во конкуренција на дебатери од универзитети ширум светот, им посакуваме многу среќа и успех на Теодора и Милка.

Национално дебатно првенство за почетници 2015

Националното дебатно првенство за почетници е најзначајниот и најголемиот дебатен турнир кој Младински образовен форум го организира секој декември за новите дебатери. На овој турнир дебатерите имаат прилика за прв пат во пракса да ги применат вештините за дебата и аргументирано изразување кои ги стекнуваат на неделните предавања во нивните дебатни клубови. 

Турнирот ќе се одржи на 18, 19 и 20 декември во Скопје. 

CA – тим:
Соња Митиќ (CA) – Главен судија
Ѓорѓи Димески (DCA) – Заменик главен судија 
Петар Барлаковски (DCA) – Заменик главен судија 

Формат: World Schools Debate Format 

Рунди: Турнирот се содржи од 6 прелиминарни рунди, полуфинале и финале. На прелиминарните рунди ќе се дебатира на една подготвена теза и две импромпту тези.

Однапред подготвената теза гласи: „Овој Дом верува дека социјално-загрозените фамилии треба да примаат дополнителна финансиска помош чија висина ќе зависи од училишниот успех на нивните деца“. Во полуфинале ќе се дебатира на импромпту теза, а во финалето ќе се дебатира на веќе зададената теза. Националното дебатно првенство за почетници се спроведува во рамки на Проектот на УСАИД за граѓанско општество. Регистрација на тимови: http://goo.gl/forms/L8dMCA7QmH Регистрација на судии: http://goo.gl/forms/zxv1jn6SPc Регистрација на волонтери: http://goo.gl/forms/k36lcuxqly

Јавна дебата во Неготино

Минатиот четврток, на 22ри октомври, во Неготино се одржа јавна дебата на тезата  „Младински иницијативи пример за соработка, интеграција и доверба“.

Членовите на дебатната програма во Неготино постојано работат на подигање на свеста во јавноста за важноста и интегрираноста на младите во процесите кои ги нив ги опфаќаат на секојдневно ниво.

Како дел од проектот на УСАИД за Меѓуетничка интеграција во образованието, членовите на дебатниот клуб во Неготино, организираа јавна дебата која опфати тема што директно ги засега младите во тој град. Панелот од говорници на  јавната дебатата беше составен од професори во средно училиште, дебатери и претставник од младинскиот совет на Општина  Неготино.Говорниците во своите говори  споделија  искуства, мислења и идеи за тоа како младите се поврзани и функционираат во општината на секојдневно ниво, и што би можело да се преземе за довербата помеѓу младите и институциите да биде на уште повисоко ниво.

Оваа активност е реализирана во соработка со Дебатната програма на Младински образовен форум која цели кон подобрување на културата на дијалог, зајакнување на нивото на аргументираното говорење, поттикнување на општествена дискусија на релевантни теми и интеграција во општеството.