Симулација на судење во СУГС „Шаип Јусуф“

На 06.07.2018 (петок) во просториите на СУГС „Шаип Јусуф“, се одржа симулација на судење во кривична постапка како завршен настан за членовите на програмата Учиме право. Оваа симулација беше подготвена и реализирана од страна на членовите на Учиме право клубот од Шуто Оризари, под менторство на нивните предавачи Доан Сулејманоски и Емилија Наумовска. Случајот опфати кривични дела поврзани со загрозување на јавниот ред и мир, предизвикување на тепачка или друго насилство. Учениците се ставија во улога на судии, обвинети, адвокати, оштетени и на практичен начин ги демонстрираа стекнатите знаења и вештини од областа на казненото право и преку оваа симулација, учениците имаа прилика да се запознаат со сите фази на постапката.

Младински образовен форум стои на располагање за секаков вид на соработка со СУГС „Шаип Јусуф“, но и со останатите средни училишта на териториите на општините во Република Македонија.

Организирани брифинзи од страна на експерти за бегалската криза

На 12-ти март 2018 во канцеларијата на Младински образовен форум, во склоп на проектот „Приказните на бегалците преку култура и медиуми“, воспоставен од Германското федерално министерство за економска соработка и развој, а управуван од Германското друштво за интернационална соработка, беа организирани брифинзи од страна на експерти од Македонското здружение на млади правници, Легис и Црвен крст. Претставниците на Македонското здружение на млади правници говореа за: правната рамка за барање на азил во Македонија, случаите на прекршување на човековите права и разликата меѓу термините „азилант“, „мигрант“ и „бегалец“. Сандра Томовска од мобилната единица Липково на Црвениот крст говореше за пристапот и начинот на работа со мигрантите и бегалците кои престојуваат и транзитираат во нашите општини, како и за работата на мобилните единици на Црвениот крст. За крај, Мерсиха Смаиловиќ од Легис говореше за историјатот на бегалската криза во Македонија, почетоци и причини за кризата, најголемиот бегалски бран, актуелната состојба во Македонија и за работата на Легис како помош за мигрантите и бегалците. На обуките присуствуваше тимот на новинари, глумци и водители, како и тимот кој го спроведува проектот.

Работилница на МОФ за правата и обврските на работното место

Младинскиот совет на амбасадата на САД во Македонија втора година по ред го организира целодневниот настан „Кариерен Експо 2014“. Станува збор за целодневен настан на кој триесетина компании од Република Македонија ќе ја презентираат својата работа и ќе нудат можности за пракса и вработување на сите заинтересирани млади луѓе, а посетителите ќе имаат прилика и да земат учество на една од деветте работилници кои ќе се одржат на овој саем и ќе имаат за цел зајакнување и зголемување на капацитетите и вештините на младите луѓе.

Овој настан ќе се одржи на 14-ти ноември, 2014 година во просториите на Национална и универзитетска библиотека „Св. Климент Охридски“ и ќе трае од 12:00 – 18:00 часот.

Младински образовен форум ќе земе учество на овој настан во една од деветте работилници. Станува збор за „Правата и обврските кои произлегуваат од работниот однос“ која ќе биде спроведена преку програмата Учиме право, каде двајца предавачи ќе одржат 45 минутна работилница на оваа тема, користејќи ја методологијата на Учиме право. На присутните посетители ќе им бидат објаснети дел од правата и обврските кои им следуваат кога ќе го засноваат работниот однос со работодавачот, како и начините и механизмите за заштита кога правата ќе им бидат загрозени или повредени.
На овој начин, Младински образовен форум ќе даде свој придонес кон развојот на вештините кои им се потребни на младите луѓе за полесно да пристапат на пазарот на трудот и да ја добијат посакуваната кариера.
Повеќе информации можете да најдете овде.

Средношколците од Кратово дебатираа за меѓуетничка интеграција

Во четвртокот (30 октомври 2014) дебатниот клуб од Кратово, дел од Проектот на УСАИД за меѓуетничка интеграција во образованието, организираше јавна дебата на теза„Формалното образование позитивно влијае на меѓуетничката интеграција помеѓу средношколците“.

Јавната дебата се одржа во холот на СОУ „Митко Пенџуклиски“ со почеток во 13.30 часот, каде учествуваa четворица дебатери поделени во афирмативен и негациски тим, кои дискутираа за влијанието на формалното образование во интеграцијата на средношколците со различен етникум.

„Во Кратово учат повеќе од 500 ученици, но за жал не можеме да запознаеме многу ученици со различна култура, националност или религија па така директната соработка со ученици од други училишта може да придонесе за создавање на платформа за комуникација. Таква соработка има меѓу нашето средно училиште и училиштето во Липково, каде заедничките активности ни овожозможија допир со нова култура и разменување на различни информации, откривме дека се делат исти интереси со деца на наша возраст, имаме сличности но и прифаќаме разлики“,изјави ученичката Кристина Ивановска.

Формалното образование влијае негативно затоа што има физичка одвоеност на различни етнички групи, поради тоа младите немаат комуникација меѓу нив и така се создаваат предрасуди, вели ученикот Никола Мишевски. Стефан Трајков пак додава дека професорите треба да се задржуваат повеќе на оние лекции кои може да не научат повеќе за историјата и културата на другите етникуми.

Калинка Стефановска, професорка по социологија во СОУ „Митко Пенџуклиски“ ја имаше улогата на модератор на јавната дебата и отвори можност за дискусија со публиката, која броеше повеќе од 50 ученици и професори. После целата дискусија, публиката си замина дома со повеќе информации, но и препораки за тоа како може да се подобри меѓуетничката интеграција.

Оваа активност беше реализирана во соработка со Дебатната програма на Младински образовен форум која цели кон подобрување на културата на дијалог, зајакнување на нивото на аргументираното говорење, поттикнување на општествена дискусија на релевантни теми и интеграција во општеството.

Обуки за нови медиуми и интернет активизам

Младински образовен форум, во рамките на Проектот на УСАИД за граѓанско општество, распишува повик за учесници за „Обуки за нови медиуми и интернет активизам“.

Обуките ќе се реализираат во 13 градови во Република Македонија (Скопје, Велес, Штип, Кратово, Делчево, Куманово, Гевгелија, Тетово, Кичево, Дебар, Струга, Битола и Неготино), во соработка со МОФ центрите, во периодот 27 октомври – 01 декември 2013 година. Обуките се еднодневни [8 часа вклучувајќи и паузи], а ќе се реализираат за време на викендите (сабота или недела).

Кандидатите за учество на обуките треба да ги исполнат следните услови:
• Да се на возраст од 16 до 25 години;
• Да покажуваат интерес за вклучување во идни онлајн иницијативи и кампањи;
• Да покажуваат интерес за новите медиуми и онлајн алатки;
• Да покажуваат интерес за интернет, аудио и видео активизм.

Сите заинтересирани можат да се пријават најдоцна до 13-ти октомври 2013 година, преку испраќање на пополнета пријава на obuki@mof.org.mk. Пријавата за учество може да се преземе тука.

Бројот на учесници е ограничен. Обуките се бесплатни и ќе бидат спроведени на македонски јазик од страна на искусни обучувачи од МОФ. При селекцијата на кандидатите ќе биде земен предвид етничкиот и родовиот баланс на групите.

Повеќе информации на:
obuki@mof.org.mk
02/3139 692 локал 103

Проектот на УСАИД за граѓанско општество го спроведува Фондацијата Отворено општество – Македонија во соработка со четири граѓански организации: Младински образовен форум, Форум – Центар за стратегиски истражувања и документација, Центар за граѓански комуникации и Реактор – Истражување во акција.

Се печат новите предавачи по дебата / Aftësohen trajnuesit e rinj të debatit

Изминатиот викенд, 40-тина дебатери од 13 градови од Македонија присуствуваа на Тренингот за тренери по дебата кој го одржаа 7 искусни предавачи во просториите на МОФ. Дебатерите од Скопје, Велес, Тетово, Струга, Кратово, Дебар, Струмица, Битола, Неготино, Делчево, Штип, Кичево и Гевгелија слушаа предавања за Дебатната програма на МОФ, дебатниот формат Карл Попер (вредности и политики) но и учеа методи на предавање и подготовка на наставни планови.
Од идните дебатни тренери се очекува успешно да го положат тестот за предавачи и активно да се приклучат во остварувањето на целите и активностите на Дебатната програма. За периодот кој следува, планирана е регрутација на нови членови во дебатните клубови на МОФ низ Македонија. Во изминатата година имаше зголемување на бројот на дебатни клубови од 16 на 22 клуба, а бројот на дебатери достигаше повеќе од 340.
Оваа академска година 2013/2014 се надеваме на поголеми успеси и поголем квалитет на предавања, добро организирани турнири и интеграција помеѓу дебатерите во клубовите.
Дебатната програма е поддржана од Фондација отворено општество Македонија, Проектот на УСАИД за меѓуетничка интеграција во образованието, Европска Комисија и Интернационална дебатна едукатавнa асоцијација – ИДЕА.

Fundjavën e kaluar, 40 debaterë nga 13 qytete të Maqedonisë, morrën pjesë në Trajnim për trajnues të debatit, të cilin e mbajtën 7 ligjërues me përvojë, në hapësirat e FRA-së. Debaterët nga Shkupi, Velesi, Tetova, Struga, Kratova, Dibra, Strumica, Manastiri, Negotina, Dellçeva, Shtipi, Kërçova dhe Gjevgjelia, ndoqën ligjërata për Programin debativ të FRA-së, formatin e debatit, Karl Poper (vlera dhe politika), por gjithashtu mësuan edhe metoda të ligjërimit dhe përgatitje të planeve mësimore.
Nga trajnuesit e ardhshëm të debatit, pritet që me sukses ta kalojnë testin për trajnues dhe në mënyrë aktive të kyçen në realizimin e qëllimeve dhe aktiviteteve të Programit debativ. Për periudhën që pason, është i planifikuar regrutim i anëtarëve të rinj të klubeve debative të FRA, në Maqedoni. Vitin e kaluar kishte një rritje të numrit të klubeve debative, nga 16 në 22 klube, ndërsa numri i debaterëve arrinte më shumë se 340.
Këtë vit akademik, 2013/2014, shpresojmë në më shumë suksese dhe kualitet më të madh të ligjëratave, turnire mirë të organizuara dhe integrim mes debaterëve në klubet.
Programi debativ është i përkrahur nga Fondacioni shoqëri e hapur Maqedoni, Projekti i USAID-it për integrim ndëretnik në arsimin, Komisioni Evropian dhe Asociacioni ndërkombëtar debativ edukativ IDEA.

Започна МОФ Летната академија „Граѓански и политички права и слободи“

Седумдесетина учесници од цела Македонија денеска пристигнаа во Извидничкиот камп во Охрид за да бидат дел од традиционалната летна академија која Младинскиот образовен форум (МОФ) ја организира секоја година.

Следните пет дена низ различни предавања, работилници и симулации тие ќе имаат можност да учат како преку активизам може да предизвикаат позитивни промени во општеството, кои се нивните граѓанските права и слободи, како би можеле креативно да се изразуваат на јавните простори, како да дебатираат. Темата на годинешната академија „Граѓански и политички права и слободи“, ќе биде обработена преку тренинг сесии, работилници и изведби во областите: комуникации, медиуми и улични уметности (дебата, стенсили, онлајн -активизам, изработка на ракотворби, инсталации, улични уметности, организација на настани).

„Јас се надевам дека алатките кои ќе ги научите за време на оваа академија ќе Ви помогнат да направите промени во општеството, и на локално, но и на национално ниво. Живееме во време во кое младинскиот активизам се задушува од сите страни, но сите ние мора да се избориме со тоа и да направиме промени“, се обрати пред учесниците Петар Антевски, еден од координаторите на академијата за време на нејзиното отворање.

За учесниците пак кои се на возраст од возраст од 14 до 20 години, летната МОФ академијата очекуваат дека ќе биде одлично место и за учење и за дружење.

Покрај предавачите од МОФ, годинава на Академијата работилници свои работилници ќе имаат и Владимир Милчин (режисер и извршен директор на ФООМ), Сања Арсовска (актерка) и Искра Гешоска (претседател на Асоцијацијата на независната културна сцена ЈАДРО).

Утре (27 август) како дел од програмата на летната академија ќе се одржи и панел-дискусија на тема „Искуства од прва рака: активизмот во македонски услови“ во која учество ќе земат претставници од невладини организации: Сандра Анастасовска и Сања Божовиќ [МОФ], Даниел Калајџиески [ХЕРА], Дејан Ивановски [Го сакам ГТЦ], Петрит Сарачини [Заедно за мир] и Џелал Хоџиќ [АМАН].

МОФ Летна академија 2013 „Граѓански и политички права и слободи“

Младински образовен форум (МОФ) ја има честа да ја најави петтата по ред МОФ Летна академија која ќе се случува од 26-30ти август во Извидничкиот камп во Охрид. Темата на овогодинешната академија е „Граѓански и политички права и слободи“ која ќе биде обработена преку тренинг сесии, работилници и изведби во областите комуникации, медиуми и улични уметности (Дебата, стенсили, онлајн активизам, изработка на рачни творби, инсталации, улични уметности, организација на настани).

На академијата учество ќе земат 70тина млади на возраст од 14-20 години од 14 градови од Р. Македонија. Помеѓу предавачите кои ќе водат тренинг сесии и работилници се вбројуваат и  Владимир Милчин (режисер и Извршен директор на ФООМ), Сања Арсовска (актерка), Искра Гешоска (Претседател на асоцијацијата на независната културна сцена ЈАДРО).

Активностите во рамките на летната академија ќе бидат распределени во три траки: „Јавна дебата“, „Онлајн активизам“ и „Креативно изразување на јавни простори“. Учесниците на академијата ќе се запознаат со граѓанските и политичките права и слободи, ќе дискутираат за младинските проблеми и  за начините како да ја подобрат положбата на младите во Македонија. На крајот на академијата своите решенија и предлози ќе ги искажат преку различни производи кои самите ќе ги подготват со помош на своите тренери.

На 27ми август, како дел од програмата на летната академија ќе се одржи и панел дискусија на тема „Искуства од прва рака: активизмот во македонски услови“ во која учество ќе земат претставници од невладини организации: Сандра Анастасовска и Сања Божовиќ [МОФ], Даниел Калајџиески [ХЕРА], Дејан Ивановски [Го сакам ГТЦ], Петрит Сарачини [Заедно за мир] и Џелал Хоџик [АМАН]. Целта на оваа панел дискусија е претставниците од организациите и движењата да ги раскажат своите искуства со активните случувања со активизмот во Македонија и да ги доближат до публиката.

Овогодинешни поддржувачи на МОФ Летната академија се Jacobs и Play сокови.

МОФ Летната академија е организирана во рамките на проектот „Локална младинска иницијатива“ поддржан од Фондација отворено општество – Македонија, „Проект на УСАИД за граѓанско општество“ и од ИДЕА програмскиот грант финансиран од програмата Европа за граѓаните.

МОФ и Македонија во 1/8 финале на светското дебатно првенство за средношколци

Во текот на изминатите два дена на Светското Карл Попер дебатно првенство [KPDC] 2013 нашиот тим, YEF Macedonia, составен од Петар Ивановски, Симона Сарафиновска, Филип Бујароски и Борика Крушарева како нивни тренер, се пласираше во осминафиналето како најдобар тим и единствен кој победи во сите шест прелиминарни рунди.

Светското Карл Попер дебатно првенство се одржува во рамките на Глобалниот ИДЕА Младински форум во Гелвеј, Р. Ирска од 13ти до 26ти август 2013. Во текот на турнирот дебатерите дебатираа на  2 однапред подготвени тези и 2 ненајавени тези за кои тие имаа помалку од еден час да подготват аргументација. Низ шестте рунди нашите дебатери освоија вкупно 16 судиски гласови, односно само двајца судии од 18 гласале против нив во сите шест рунди.

Секоја година Глобалниот ИДЕА Младински форум се одржува на различна тема која е актуелна во светски рамки и на која се одржуваат како дебатите така и различни предавања од областа. Овогодинешната тема е на форумот е Дигитална слобода. Тезите на кои се дебатираше на Светското Карл Попер дебатно првенство низ првите шест прелиминарни рунди беа следниве:

“Универзитетите треба да ги направат достапни за општата јавност сите академски дела кои ги произведуваат, вклучувајќи академски трудови, учебници и снимени предавања” [Universities should make all academic work they produce, including scholarly articles, course handbooks and recorded lectures, available to the general public]

“Заобиколување на интернет цензура е легитимна aлатка за надворешна политика на државите“ [Actively circumventing Internet censorship is a legitimate foreign policy tool]

“На работодавците треба да им биде забрането да ги проверуваат Фејсбук и останатите социјални профили на кандидатите“ [Employers should be banned from checking applicants’ Facebook and other social media profiles]

“Онлајн таргетирано рекламирање базирано на кориснички профили и демографски податоци треба да биде забрането“ [Targeted online advertising based on user profiles and demographics should be banned]

Во текот на паузата за ручек успеавме да ги контактираме нашите дебатери и нивниот тренер во Ирска, за нивните првични импресии по завршувањето на дебатите:„Навистина сме возбудени поради фактот што победивме против четири тима кои доаѓаат од англиско говорно подрачје и навистина ни значи победата против Литванија во последната рунда.“, вели Петар Ивановски – дебатер. Симона Сарафиновска пак се радува со тимот на заедничките победи „ После многу напорни подготовки и месеци потрошени на читање и дебатирање, трудот се исплатеше.“ На прашањето дали Филип Бујароски јадеше во текот на последните два дена, одговори:
„Хахаха, по малце…сеа ќе се најадам на ручек.“

Ова е најголемиот успех на тим од Младински образовен форум и Македонија на Светското дебатно првенство во прелиминарните рунди.  Продолжуваме да ги бодриме и се надеваме дека дебатерите да продолжат со истото темпо на победи.

Радио МОФ обезбеди видео стрим во живо, следете ги дебатите на http://www.radiomof.mk/idea-global-youth-forum-2013-galway-livestream/.  На истиот линк може да ги погледнете и дебатите од прелиминарните рунди. Младински образовен форум на Глобалниот ИДЕА Младински форум има 10-члена делегација, која покрај трите дебатери и нивниот тренер ги вклучува: Георги Велковски – Главен судија на Светското дебатно првенство, Лазар Поп Иванов – Тренер и членовите на Радио МОФ тимот за видео стрим Анте Гулин, Ѓорѓи Димевски, Јована Ѓорѓиовска и Димитар Вандовски.

Што направи МОФ за 14 години постоење?

[инфографик] Што направи МОФ за 14 години постоење?

Младински образовен форум (МОФ) и се обраќа на јавноста по повод обидите за дискредитација на активностите, трудот и резултатите на во моментов една од најголемите организации во Македонија, објавени од веб порталите Денешен и Курир и националната телевизија Сител.

Што направи МОФ за 14 години постоење? Зошто МОФ не се срами од своите постигнувања? Зошто МОФ денес е една од најбројните организации во државата, во друштво со Сојузот на извидници на Македонија и Црвениот крст на Македонија? Зошто МОФ транспарентно ги објавува своите годишни, наративни, финансиски и ревизорски извештаи на својата веб страна? Кого сме критикувале, со кого сме соработувале, кој не поддржувал и кој прошол низ МОФ во изминативе 14 години?

Сумарните податоци говорат дека за 14 години постоење, во клубовите на МОФ членувале повеќе од 25.000 млади, а преку јавните активности на МОФ е остварен опфат на повеќе од 100.000 граѓани и млади. МОФ беше мета на обвинување и на оваа и на претходните влади во периодот 1999 – 2013 година, секогаш заради своите аргументирани и конструктивни акции кои беа во одбрана на младите во Македонија.

МОФ работи според своја стратегија за работа за периодот 2011 – 2014 година и нема да прифати етикети дека е извршител на нарачани партиски политики. Напротив, партиите никогаш не ни биле омилени.

Kај МОФ постои постојаност (константа) во лоцирањето на проблемите во образовниот систем и борбата за заштита на правата и интересите на младите во рамките на тој систем и во рамките на младинското претставување и политики. МОФ критикувал политики и потези на повеќе влади. Но, денес МОФ е под најжесток напад и омаловажување од одредени медиуми само затоа што го критикуваше концептот на екстерното тестирање и ги изнесе аргументите добиени од инволвираните страни.

Погледнете дел од фактите кои говорат за работата на МОФ:

1999 година

Се основа организацијата, под името Дебатери”, како прва и единствена организација која ја спроведува Дебатната програма во Македонија, а во исто време станува и членка на Светската дебатна едукативна асоцијација – ИДЕА. Од 1999 година, до денес, во дебатните клубови на МОФ ширум државата членуваа повеќе од 12.000 средношколци и студенти кои преку едногодишни обуки добија вештини за критичко размислување и аргументирано говорење.

МОФ организираше повеќе од 30 национални и меѓународни дебатни првенства, ја претставуваше Македонија на повеќе од  50 светски, европски и други меѓународни дебатни натпревари, секаде по уставното име Република Македонија, организираше повеќе од 300 јавни дебати за сериозни општествени прашања за државата. Во дебатните клубови на МОФ членуваа актуелни и поранешни пратеници во Собранието на Република Македонија, директори на државни институции, како и поранешен Министер за образование и наука, претставници на власта и опозицијата.

2000 година

Организацијата се преименува во Младински образовен форум, а кон неа се приклучува и програмата Учиме право, преку која повеќе од 9.000 средношколци и студенти од Македонија добија знаења и вештини за заштита на нивните основни граѓански права и слободи. Во рамките на Учиме право, МОФ организираше повеќе од 100 посети на државни и локални институции со цел младите да се запознаат со работата на надлежните власти, како и повеќе од 100 симулации на судски процеси, со цел младите подобро да ги запознаат аспектите на правната држава и судскиот систем во Македонија.

2001 година

За време на воениот конфликт, МОФ беше една од ретките организации која летото 2001 година организираше летни кампови на кои млади Македонци и Албанци дискутираа толерантно и аргументирано, додека некои се одлучија “соживотот” да го демонстрираат преку оружје.Кон МОФ се приклучува и програмата Одлив на мозоци”, во чии рамки во Македонија за прв пат се активираше регистар за македонски граѓани кои ја напуштиле државата заради подобро образование, со цел следење и анализа на нивните понатамошни ангажмани во или надвор од државата. Институциите до денес сеуште не успеаа да развијат систем за анализа на бројот на граѓани кои ја напуштаат државата заради подобро образование.

2002 година

МОФ ги развива своите капацитети и почнува да се интересира за состојбите во високото образование во Македонија, анализирајќи ги монополски поставените сојузи на студенти и високото ниво на присуство на корупција на факултетите во Македонија.

2003 година

МОФ го организира првиот меѓународен дебатен турнир насловен “Скопје Опен”, кој подоцна се преименува во Македонија Опен”. До денес, на овие меѓународни дебатни турнири учествуваа повеќе од 400 средношколци и студенти од целиот свет, а како покровители на првенствата се појавија Претседателот на Собранието на Република Македонија во 2006 година и Агенцијата за млади и спорт во 2007 година.

2004 година

МОФ е првата организација во историјата на независна Македонија која во јавност го покрева прашањето за постоење корупција во високото образование, преку јавната кампања РЕЗИЛ, за што се соочува со закани и притисоци од тогашниот Ректор на УКИМ.

Во 2004 година, МОФ беше првата организација која спроведе проект за промоција на институцијата Студентски правобранител, тогаш застапувана од актуелниот Декан на Правниот факултет, проф. Борче Давитковски. МОФ реализираше кампања со која ги информираше студентите за постоењето на оваа институција, како и обука за заменици на студентскиот правобранител за сите факултети на УКИМ.

Истата година, МОФ организираше дебата меѓу кандидатите за Ректор на УКИМ со цел да се промовираат пред студентите и добијат прилика да разговараат со нив. Кандидатите се повлекоа од дебатата по присоците од тогашниот претседател на Студентскиот сојуз на УКИМ Марија Стамболиева.

Оваа година, МОФ спроведе и акција за бојкот на изборите за претседател на Сојузот на студенти на УКИМ, заради злоупотребата на својата монополска позиција, што резултираше со 8% студентска излезност на тие избори. И тогаш МОФ беше мета за обвинувања од тогашните студентски “лидери” контролирани од партиите на власт.

МОФ го основа Американскиот едукативен центар, од чии рамки денес функционираат Американското катче во Скопје и Центарот за промоција на образовни програми во склоп на МОФ. До денес, преку овој центар, МОФ администрираше повеќе од 600 апликанти за студии во странство, а додели и повеќе од 70 стипендии на студенти кои беа селектирани од страна на реномирани универзитети ширум светот, како Oxford, Cambridge, University College London, Staffordshire.

2005 година

МОФ за прв пат е домаќин на Светското дебатно првенство кое се одржа во Струга и на кое учествуваа 300 млади дебатери од над 40 земји од целиот свет.

МОФ продолжува да покрева јавна свест за феноменот корупција во високо образование, а преку кампањата “Клоца за корупцијата” нуди и конкретни мерки за искоренување на оваа негативна појава на факултетите.

2006 година

1

МОФ започнува со истражувачка дејност во областа корупција во високо образование. Како членка на Антикурупциската студентска мрежа на Југоситочна Европа, до денес МОФ има спроведено повеќе од 5 регионални истражувања со кои ги анализира феномените поткуп, мито, препишување, сместување во студентски домови, мобилност и имплементација на ЕКТС.

2007 година

МОФ спроведува петиција за воведување плурализам во студентското организирање, поднесува претставки до Уставниот суд во врска со монополската позиција на Сојузот на студенти и успева да издејствува измени во Законот за високо образование кој денес го гарантира плурализмот во студентското организирање, повторно злоупотребен од Студентскиот парламент. На петицијата на МОФ се потпишаа 11.000 студенти, а провладините медиуми и тогаш се обидуваа да ја дисктредитираат организацијата. Дел од денешните поддржувачи на власта, тогаш ја поддржаа оваа иницијатива на МОФ.

2008 година

МОФ отвора свои младински центри во 14 општини во Македонија, во партнерства со локални невладини организации. Со оваа инцијатива насловена “Локална младинска иницијатива”, МОФ го зголемува својот опфат на корисници, започнува локални младински акции за решавање конкретни проблеми на локално ниво и ги доближува предавањата по Дебата и Учиме право за младите од Скопје, Тетово, Дебар, Кичево, Струга, Ресен, Битола, Велес, Струмица, Штип, Кратово, Делчево, Гевгелија и Неготино.

МОФ застанува во одбрана на Студентското радио кое беше затворено со одлука на Ректоратот на УКИМ.

МОФ поведува кампања “За што плаќаш” со која го канализира револтот меѓу студентите во врска со наплаќањето задолжителната членарина за монополскиот Студентски парламент.

2009 година

МОФ е избркан од просториите на својот младински центар Вавилон Карпош, со одлука на тогашниот В.Д. градоначалник на Општина Карпош. МОФ преку протести се бореше да ги врати овие простории на користење, со цел неформалното образование и активните млади од општината да не останат на улица. Денес, просториите на Вавилон Карпош ги користат пензионери за нивниот шаховски клуб.

МОФ започна да организира заеднички дебати со учениците од поделените училишта Нико Нестор и Др. Ибрахим Темо,  и ја пилотираше активноста „Дебата за промоција на култура на дијалог“. Тренинзите за дебата и јавните дебати организирани од средношколци како алатка за промоција на култура на дијалог подоцна вклучија и ученици од Дебар, Гостивар и Велес.

Оваа година, МОФ прослави 10 години од своето постоење за што објави краток документарен видео запис.

МОФ продолжува да работи на јакнење на Дебатната програма и на промоција на државата преку организација на меѓународниот дебатен турнир, “Macedonia Open”. Продолжуваат кампањите и истражувањата на теми поврзани со корупција во високото образование.

2010 година

МОФ започнува да реализира обуки за работни вештини, младински активизам и нови медиуми за млади од целата држава, на возраст од 16 до 25 години. До денес, МОФ реализираше повеќе од 100 вакви обуки на кои учествуваа и беа сертифицирани повеќе од 1200 млади. Над 100 млади успеаа да се вработат како директен бенефит од овие обуки.

Во 2010 година, МОФ во рамки на проектот “Младинска независност” опреми 5 младински центри во Скопје, Тетово, Струга, Битола и Штип, со цел да развијат свои младински клубови по Дебата, Медиа и Арт.

МОФ објавува Декларација за промени во студентското организирање, за што успева да добие поддршка од повеќе студентски организации, по што ја основа Платформата за студентски плурализам.

МОФ го организира првото издание на јавниот дебатен настан “Аргумент”, на кој дебатираа пратеници од власта и опозицијата и истакнати граѓански активисти.

МОФ објавува истражување за социјалниот капитал кај средношколците во Македонија и истражување за корупција при доделување студентски легла.

Во 2010 МОФ ја води Правната клиника за слободен пристап до информации од јавен карактер на Правниот Факултет ‘Јустиниан I’ со цел да се истражува квалитетот на образованието во Република Македонија со помош на

Законот за пристап до информации од јавен карактер и да им понуди правна помош на студентите кои се заинтересирани за работењето на нивните факултети.

Досега МОФ има испратено над 2000 барања за пристап до информации од јавен карактер за прашања од младински и образовен карактер до различни институции.

2011 година

МОФ го лансира првото редакциско интернет радио во Македонија, Радио МОФ. Денес, Радио МОФ има публика од најмалку 30.000 уникатни посетители на месечно ниво, а а досега имало над 600.000 уникатни прегледи на објавите на веб страницата. Младите и новинарите кои стојат позади 50те различни емисии имаат снимено над 1500 епизоди за радиото, а на веб страницата се објавени 2425 текстови, интервјуа, анализи и колумни на младински и општествени прашања.

МОФ ја поведува иницијативата Република Млади, преку која заедно со 60 други младински и граѓански организации реагира на процедурата и содржината на тогашниот Предлог-закон за млади. Владата го повлече овој предлог-закон од собраниска процедура, како резултат на реакциите на младинските организации.

8

МОФ објавува истражување за корупцијата при уписи на факултетите, а истата година дебатерите до МОФ им покажаа на политичарите како да го пополнат недостатокот од јавна дискусија во државата.

МОФ и оваа година го организираше јавниот дебатен настан “Аргумент” на кој дебатираа пратеници од власта и опозицијата и истакнати новинари од Македонија.

Мофовци го освоија меѓународниот дебатен турнир “Подгорица Опен”.

МОФ го спроведе првиот мониторинг на избори за студентски претседател на изборите на Студентскиот Парламент на Универзитетот Св. Кирил и Методиј, со цел да се направи овој процес појавен за студентите но и да се испита неговата регуларност. Радио МОФ направи интервјуа со кандидатите за да зголеми информираноста на јавноста за изборите и идеите на самите кандидати.

МОФ учествува во креирање на Државната програмата за превенција и репресија на корупција, во соработка со Државната комисија за спречување корупција, во делот на образование, спорт и медиуми.

2012 година

МОФ е активен на промоција на етичкиот кодекс на државниот универзитет УКИМ, а го финализира и процесот на креирање,  усвојување и промоција на етички кодекс на Штуловиот универзитет.

МОФ учествува во иницијативата за основање Национален младински совет на Македонија, заедно со коалицијата Република Млади, Сојузот на извидници на Македонија, Црвениот крст на Република Македонија и Европскиот младински форум.

Започнува проектот Локален волонтерски сервис, каде МОФ во улога на партнер на МКЦ-Битола успева до денес да обезбеди волонтерски ангажмани во државни и локални институции во Скопје за повеќе од 30 млади.

На прес конференција се објавуваат резултати од истражување за поткупот како коруптивна алатка на факултетите во Македонија.

МОФ основа три нови студентски дебатни клубови, во соработка со Правниот факултет, Економскиот факултет и Филозовскиот факултет во Скопје.

Се организира првата конференција за друштвени медиуми и активизам, ENGAGE 2012, на која присуствуваа 200 активисти во публика, а ја проследија повеќе од 500 граѓани преку видео стрим.

МОФ го организира третото издание на јавниот дебатен настан “Аргумент”, со импресивни бројки на публика, а истата година дебатери од МОФ освоија прво место на меѓународен дебатен турнир во Будимпешта.

МОФ започнува да ги администрира Американското катче – Скопје и Американското катче – Штип, со поддршка од Амбасадата на САД во Македонија.

Објавено е првото истражување за состојбата со студентското организирање на УКИМ.

МОФ организира меѓународен форум за транспарентно високо образование на кој учествуваат младински и меѓународни организации од 14 земји.

МОФ го промовираше првиот регистар на студентски организации, кој има за цел да биде база на податоци за студентските организации, која постојано ќе се надополнува и ќе ги информира студентите за активностите на организациите.

2013 година

МОФ учествува во основањето Национален младински совет, а Дона Костуранова е избрана за потпретседател на новата национална младинска чадор организација. Започнува серија јавни дебати за студентското организирање наречени “Евтини студентски приказни”, а објавен е и првиот документарен видeо запис на оваа тема.

Реализиран е првиот фестивал на сатирични вести, “Кромид фест”, како и второто издание на конференцијата за друштвени медиуми и активизам, ENGAGE 2013.

МОФ добива признание за придонес кон граѓанското општество од Општина Тетово.

МОФ објавува резултати од регионалното истражување за перцепции кај студентите за корупција во високото образование, заедно со кампањата “Розово високо”.

МОФ е партнер-организатор на првиот турнир во фудбал меѓу невладини организации, поддржан од Агенцијата за млади и спорт.

Објавено е првото истражување за средношколско организирање и учество во Република Македонија кое открива поразителни резултати за исклученоста на средношколците од процесите на одлучување во своите училишта.

После објавената анализа за начинот на спроведување на екстерното оценување оваа година, МОФ започнува петиција за екстерното да се прогласи за пробно. Токму поради оваа петиција, МОФ станува мета за дискредитација од страна на некои провладини медиуми.

За овие 14 години постоење, во улога на фондации кои обезбедиле финансиска поддршка за реализација на активностите на МОФ:

  • Фондација Отворено општество – Македонија;
  • Фондации отворено општество (Њу Јорк, Лондон, Будимпешта);
  • Амбасада на САД во Република Македонија;
  • УСАИД;
  • Eвропска комисија;
  • OБСЕ;
  • UNDP;
  • International Debate Education Association;
  • EUROPEUM Institute for European Policy;
  • Германска амбасада во Република Македонија;
  • Агенција за млади и спорт;
  • Влада на Република Македонија;
  • Educational Development Center;
  • Македонски центар за граѓанско образование;
  • National Endowment for Democracy;
  • Pax Christi;
  • Austrian Development Cooperation;
  • Х.Е.Р.А.
  • НВО Инфоцентар;
  • Општина Карпош;
  • National Democratic Institute;
  • Коалиција за правично судење;
  • Метаморфозис;
  • Реактор – истражување во акција;
  • Младински културен центар – Битола;
  • Коалиција “Сексуални и здравствени права на маргинализираните заедници”;
  • Balkan Children & Youth Foundation;
  • Minority Rights Group International;
  • Шведски хелсиншки комитет за човекови права;
  • Институт за трајни заедници;
  • International Organization of Migrations;
  • Центар за развој на граѓанско општество – Милениум;
  • Европска младинска фондација;

Целосното обраќање на Младински образовен форум можете да го преземете тука.