Невработеноста, дискриминацијата, пристапот до образование, младинското иселување и сексуалното вознемирување се клучните проблеми кои беа истражувани од млади истражувачи

Пет истражувачки трудови од млади истражувачи беа промовирани на 12ти јуни 2018 година во ГEM клубот. Истражувчките трудови беа менторирани од искусни истражувачи и со поддршка од Младински образовен форум (МОФ) и Фондации Отворено општество работеа на своите истражувања.  Деветнаесет млади истражувачи се обидоа да обезбедат податоци на темите кои за нив се важни – младинската невработеност, дискриминацијата во образованието, условите за лица со посебни потреби во образованието, младинската емиграција и сексуалното вознемирување. Преку истражувачка работа, овие млади го продлабочуваат знаењето кое го имаме на располагање за креирање подобри политики и разбирање на проблеми и трендовите во општеството.

Куси извадоци од клучните наоди од секое истражување:

 

Невработеноста на младите е сериозен проблем во Македонија, а североисточниот регион има највисока стапка на невработеност. Истражувањето на Симона Ковачевска „Невработеноста на младите лица во Североисточниот регион – предизвици и  проблеми“ ги прикажува  најчестите ставови на младите лица од овој регион. Тие сметаат дека главен фактор за вработување претставуваат врските и политичката определба. Токму затоа најчест начин за барање работа е преку познаници и роднини, а не преку аплицирање на огласи или преку пријавување во АВРМ. Ова може деструктивно да влијае на пазарот на труд и да предизвика демотивација кај младите лица за усовршување и градење кариера. Младите лица треба регуларно да се пријавуваат во Агенцијата за вработување со што ќе ја зголемат веројатноста за вработување, а АВРМ треба поинтензивно да се вклучи во воведување локални мерки за намалување на невработеноста во овој регион.

Жените во Република Македонија секојдневно се соочуваат со сексуалното вознемирување, инспирирани од кампањата #сегакажувам и движењето #meТoo, тројца млади истражувачи (Антонела Глигорова, Мартин Анѓелов и Лина Даневска) истражуваа за „Застапеноста на различните форми на сексуално вознемирување во Р. Македонија“. Податоците укажуваат дека дури во над 90% од случаите сексуалното вознемирување потекнува од вознемирувач кој ужива позиција на моќ над жртвата. Резултатите укажуваат на ниска стапка на пријавување на вознемирувањето, особено поради фактот што жртвите не наишле на поддршка, а исто така и тие самите биле прогласени како виновни за настанот. Пријавувањето во полиција е многу ретко, но како алтернатива на тоа се јавува пријавување на колега, родител, педагог, психолог, пријател, новинар/ка и сл.

 

Според истражувањето на Мартин Нацевски „Улогата на младите во спречување на дискриминацијата во образованието“, наставниот кадар е во најдиректен контакт со самите студенти и од него непосредно зависи квалитетот на предавањата и на оценувањето. Токму поради тоа, оваа категорија најчесто ја злоупотребува својата позиција, применувајќи различен третман кон студенти од различни позадини. Според испитаниците, оваа дискриминација најчесто се манифестира како поинаков пристап при оценувањето, поинаков однос со различните студенти, но и неправедни критериуми при вработувањето или ангажирањето студенти во наставниот процес.

 

Aнализа на условите за лицата со посебни потреби во рамките на средното и високото образование“ изработена од Деа Здравковска, Марија Михајловска, Кристијан Лазаров, Ангела Николовска и Ема Ананиевска претставува анализа за образовната инклузија на учениците и студентите со посебни потреби. Според податоците, вклученоста на лицата со посебни потреби во сите нивоа на образованието е многу ниска, тие честопати се дискриминирани и се соочуваат со низа предизвици во текот на образованието. Инклузијата во образовниот процес најчесто се подразбира како обезбедување физички услови за вклучување на лицата со посебни образовни потреби во редовното образование, наспроти еднаквото вклучување во училишните активности за што е потребно да се обезбедат адекватни услови, образовен кадар и програми. Наодите покажуваат дека нашата држава во моментов сè уште не е подготвена за целосна образовна деинституционализација и целосно отфрлање на стариот образовен процес за лицата со посебни потреби и спроведување на образовна инклузија само во редовните училишта за општата популација.

Резултатите до кои дојдоа Вања Јанева, Јована Ѓорѓиовска, Моника Китаноска и Симон Андов во истражувањто „Зошто младите сакаат да си одат од Македонија? Eксплоративен пристап кон младинската емиграција во Македонија“ ,покажуваат дека 60% од испитаниците сакат трајно да се отселат од државата, без разлика на демографските и социоекономските разлики. Културните фактори на одбивање и на привлекување се издвојуваат како најзначајни за младите, како за нивната одлука да се иселат од Македонија така и за одлуката за враќање во Македонија. Сепак, сите пет групи фактори се важни за одлуките на младите, што уште повеќе ја потенцира неопходноста на меѓуресорски пристап за подобрување на младинскиот стандард за живот во Македонија.

Проектот за менторирање на млади истражувачи имаше за цел да ги поврзе капацитетите и ресурсите на МОФ со знаењето и искуството на стипендистите на Фондациите Отворено општество во корист на млади истражувачи кои за прв пат се занимаваат со општествено релевантни истражувања да креираат квалитетни анализи кои ќе помогнат да се подобрат политиките или да се подигне свеста за важни прашања во Македонија. Студентите и младите истражувачи во земјата немаат доволно можности за самостојно истражување и преку овој процес се обидуваме да го поттикнеме професионалниот развој на дел од младите истражувачи во земјата.

Промовирано првото истражување за мониторинг на работата на Агенијата за млади и спорт

Младински образовен форум денес го промовираше истражувањето „Мониторинг и унапредување на работата на Агенцијата за млади и спорт“ со фокус на Агенцијата како носител на креирањето и спроведување на младинските политики. На настанот говореа:  Сафет Незири од Министерството за образование и наука, Младен Фрчковски од Минстерството за труд и социјална политика, Матеј Маневски од Центар за интеркултурен дијалог, Горан Ѓорѓиев од Сојуз на извидници на Македонија, Гордана Цекова од АМС, Мартина Илиевска и Александра Филипова од МОФ.

 

Според истражувањето за перидот 2014-2016г, соработката помеѓу Агенцијата за млади и спорт (АМС) и другите институции била на ниско ниво. Имало малку заеднички проекти и нема уредна документација за активностите. Агенцијата имала константна соработка единствено со МОН и одредена соработка со МИОА, АВРМ и Министерството за култура. Со Министерството за локална самоуправа немало соработка, додека Агенцијата за администрација и МТСП не располагале со информации за соработка со АМС.

 

Соработката со младинските организации била посебно слаба. Во минатите години агенцијата делувала сегрегирачки кон младинските органзации и соработувала само со малку од нив. Од 2014 до 2016 Агенцијата имала потпишано само 11 меморандуми со 6 организации што е мал број за период од три години. Односот на агенцијата кон младите и општата јавност придонел да биде перцепирана како „агенција за спорт“ која ги исклучува младите од своето делување.

 

Правна рамка за млади речиси и да не постои. Освен Националната стратегија за млади, нема правен акт ги уредува прашањата во областа „млади“. Креирање на Закон за млади или Закон за младинско учество е клучно за да регулираат правните празнини, а Агенцијата да добие јасни насоки за да може успешно да ги исполнува своите цели и приоритети.

Според препораките на истражувањето Агенцијата треба да го зајакне секторот млади, да ја ревидира стратегијата за млади и да започне квалитетен процес за креирање на акциски план за млади за 2018-2019. Агенцијата треба воспостави и модели за поддршка на младинските организации.

 

Истражувањето е реализирано во периодот јуни 2017 – јануари 2018, со фокус на соработка со младински организации, соработка со државни институции, правна рамка, внатрешно уредување и работење и перцепцијата на младинските организации и младите.

 

Проектот „Мониторинг и унапредување на работата на Агенцијата за млади и спорт“ е реализиран од страна на Младински образовен форум во периодот од јуни 2017 до јануари 2018 година. Проектот е поддржан од проектот “Граѓанска алијанса за транспарентност – Набљудување на процесот на реформи на јавната администрација од страна на граѓанските организации”, имплементиран од “Фондација Отворено општество – Македонија” (ФООМ) и “ЕВРОТИНК – Центар за европски стратегии”, и е финансиски поддржан од Европската унија во рамки на IPA Civil Society Facility and Media Programme 2015.

Пет истражувачки трудови од млади истражувачи

Пет истражувачки трудови од млади истражувачи беа промовирани на 12ти јуни 2018 година во ГEM клубот. Истражувчките трудови беа менторирани од искусни истражувачи и со поддршка од Младински образовен форум (МОФ) и Фондации Отворено општество работеа на своите истражувања. Деветнаесет млади истражувачи се обидоа да обезбедат податоци на темите кои за нив се важни – младинската невработеност, дискриминацијата во образованието, условите за лица со посебни потреби во образованието, младинската емиграција и сексуалното вознемирување. Преку истражувачка работа, овие млади го продлабочуваат знаењето кое го имаме на располагање за креирање подобри политики и разбирање на проблеми и трендовите во општеството.

Куси извадоци од клучните наоди од секое истражување:

Невработеноста на младите е сериозен проблем во Македонија, а североисточниот регион има највисока стапка на невработеност. Истражувањето на Симона Ковачевска „Невработеноста на младите лица во Североисточниот регион – предизвици и проблеми“ ги прикажува најчестите ставови на младите лица од овој регион. Тие сметаат дека главен фактор за вработување претставуваат врските и политичката определба. Токму затоа најчест начин за барање работа е преку познаници и роднини, а не преку аплицирање на огласи или преку пријавување во АВРМ. Ова може деструктивно да влијае на пазарот на труд и да предизвика демотивација кај младите лица за усовршување и градење кариера. Младите лица треба регуларно да се пријавуваат во Агенцијата за вработување со што ќе ја зголемат веројатноста за вработување, а АВРМ треба поинтензивно да се вклучи во воведување локални мерки за намалување на невработеноста во овој регион.
Жените во Република Македонија секојдневно се соочуваат со сексуалното вознемирување, инспирирани од кампањата #сегакажувам и движењето #meТoo, тројца млади истражувачи (Антонела Глигорова, Мартин Анѓелов и Лина Даневска) истражуваа за „Застапеноста на различните форми на сексуално вознемирување во Р. Македонија“. Податоците укажуваат дека дури во над 90% од случаите сексуалното вознемирување потекнува од вознемирувач кој ужива позиција на моќ над жртвата. Резултатите укажуваат на ниска стапка на пријавување на вознемирувањето, особено поради фактот што жртвите не наишле на поддршка, а исто така и тие самите биле прогласени како виновни за настанот. Пријавувањето во полиција е многу ретко, но како алтернатива на тоа се јавува пријавување на колега, родител, педагог, психолог, пријател, новинар/ка и сл.

Според истражувањето на Мартин Нацевски „Улогата на младите во спречување на дискриминацијата во образованието“, наставниот кадар е во најдиректен контакт со самите студенти и од него непосредно зависи квалитетот на предавањата и на оценувањето. Токму поради тоа, оваа категорија најчесто ја злоупотребува својата позиција, применувајќи различен третман кон студенти од различни позадини. Според испитаниците, оваа дискриминација најчесто се манифестира како поинаков пристап при оценувањето, поинаков однос со различните студенти, но и неправедни критериуми при вработувањето или ангажирањето студенти во наставниот процес.
„Aнализа на условите за лицата со посебни потреби во рамките на средното и високото образование“ изработена од Деа Здравковска, Марија Михајловска, Кристијан Лазаров, Ангела Николовска и Ема Ананиевска претставува анализа за образовната инклузија на учениците и студентите со посебни потреби. Според податоците, вклученоста на лицата со посебни потреби во сите нивоа на образованието е многу ниска, тие честопати се дискриминирани и се соочуваат со низа предизвици во текот на образованието. Инклузијата во образовниот процес најчесто се подразбира како обезбедување физички услови за вклучување на лицата со посебни образовни потреби во редовното образование, наспроти еднаквото вклучување во училишните активности за што е потребно да се обезбедат адекватни услови, образовен кадар и програми. Наодите покажуваат дека нашата држава во моментов сè уште не е подготвена за целосна образовна деинституционализација и целосно отфрлање на стариот образовен процес за лицата со посебни потреби и спроведување на образовна инклузија само во редовните училишта за општата популација.
Резултатите до кои дојдоа Вања Јанева, Јована Ѓорѓиовска, Моника Китаноска и Симон Андов во истражувањто „Зошто младите сакаат да си одат од Македонија? Eксплоративен пристап кон младинската емиграција во Македонија“ ,покажуваат дека 60% од испитаниците сакат трајно да се отселат од државата, без разлика на демографските и социоекономските разлики. Културните фактори на одбивање и на привлекување се издвојуваат како најзначајни за младите, како за нивната одлука да се иселат од Македонија така и за одлуката за враќање во Македонија. Сепак, сите пет групи фактори се важни за одлуките на младите, што уште повеќе ја потенцира неопходноста на меѓуресорски пристап за подобрување на младинскиот стандард за живот во Македонија.
Проектот за менторирање на млади истражувачи имаше за цел да ги поврзе капацитетите и ресурсите на МОФ со знаењето и искуството на стипендистите на Фондациите Отворено општество во корист на млади истражувачи кои за прв пат се занимаваат со општествено релевантни истражувања да креираат квалитетни анализи кои ќе помогнат да се подобрат политиките или да се подигне свеста за важни прашања во Македонија. Студентите и младите истражувачи во земјата немаат доволно можности за самостојно истражување и преку овој процес се обидуваме да го поттикнеме професионалниот развој на дел од младите истражувачи во земјата.

Анализа на студентското организирање и учество во Македонија

Краток опис: Анализата за студентското организирање и учество во Р.Македонија ги разгледува учеството на студентите во универзитетските и факултетските тела, организациската поставеност и работата на студентските парламенти на државните универзитети во Скопје, Битола, Штип, Тетово и Охрид. Публикацијата ги дискутира и формите на организирање на факултетите во Македонија , и европските практики. Во изданието се приложени препораки за унапредување на системот на студентско организирање во нашата земја.

Издава: Младински образовен форум

За издавачот: Дона Костуранова, Извршен директор на МОФ

Автори: Александра Живковиќ, Марија Мирчевска, Мартин Галевски, Сања Божовиќ, Мартин Алексоски

Издадена: Септември 2014

Линк за преземање: Анализа на студентското организирање и учество во Македонија

Младите одлучуваат

youth_cover_draft_2_flat_preview-01„Младите одлучуваат“  е публикација која претставува опис на активностите на проектот „Развој на локални младински политики и локално младинско учество во 12 општини“ во процесот на  основање на локални младински совети во 12 општини. Вклучени се сите процеси и идеи кои во иднина треба да претставуваат насока за младите и младинските форми на здружување, како да  создадат тело на локално ниво кое ќе биде дел од донесувањето на одлуки во локалната заедница. Преку искуствата на дванаесетте општини кои беа дел од проектот  се претставени  активностите кои беа неопходен дел за основање на советите во сите општини, искуства на младинските организации на локално ниво во подготовката и основањето на локалните младински  совети и креирање на локалните младински политики. Во оваа публикација може да се сретнат уникатни младински совети, односно совети во урбани и рурални општини, етнички  диверзитетни средини, поголеми и помали општини, формални и неформални младински здруженија, политички подмладоци и различни форми на локални младински совети.

Издава: Младински образовен форум

За издавачот: Дона Костуранова, извршен директор

Автори: Бранкица Георгиевска, Маја Петровска, Дејан Ристов, Валерија Соколова, Емилија Андонова, Јасмина Давитковска, Гоце Љубиноски, Арбен Ристеми, Флорим Реџепи, Марија Мерковска, Славица Јовческа

Соработници: Стефан Маневски, Марјан
Забрчанец, Дона Костуранова, Марија Мирчевска

Уредници: Сања Божовиќ, Моника Божиноска, Матеј Маневски

Издадена: 2015 година

Преземете го изданието на публикацијата на македонски, албански и англиски
[MK] [AL] [EN] на следниот линк

Студентот како носител на општествени промени

Краток опис: Истражувањето „Студентот како носител на општествени промени – истражување за конформизмот, локусот на контрола и граѓанската одговорност кај студентите“ е спроведено во периодот од 25ти до 30ти декември 2014 година, на примерок од 523 студенти од Универзитетот „Св. Кирил и Методиј.  Оваа анализа имаше за цел да ги испита потенцијалите за граѓански активизам кај студентите при УКИМ. При тоа, ова истражување ја анализара распространетоста на конформизмот, локусот на контрола и граѓанската одговорност, како и нивната меѓусебна поврзаност  кај студентската популација. Дополнително, истражувањето испитува 11 конкретни постапки преку кои се утврдува активноста на студентите и нивната вклученост во студентски иницијативи и граѓански организации.

Издава: Младински образовен форум

За издавачот: Дона Костуранова, извршен директор

Главен истражувач: Јована Наумоска

Ментор: Моника Божиноска

Издадена: 2015 година

Линк за превземање

Студенту, ти имаш право да знаеш

Краток опис: Брошурата „Студенту, ти имаш право да знаеш“ цели да овозможи повеќе информации за студентите и запознавање со сопствените права, а е производ на соработката помеѓу Државниот просветен испекторат и Младинскиот образовен форум. Во неа се обработени правата на студентите содржани во закон и подзаконски акти, како и практични примери од досегашната работа на Државниот просветен инспекторат. Во оваа брошура исто така се презентирани и неколку од многубројните примери од работата на Советодавниот сервис за права на млади во кои тој им помогна на студентите како да ги остварат и заштитат своите права. Станува збор за правото на студентот да ги стави студиите во мирување, правото на приговор поради оценка од проверка на знаењето и остварување на правото на бесплатно школување. На крајот на брошурата во делот додатоци – практични обрасци се наоѓаат претставката до Државен просветен инспекторат, молба за ставање студии во мирување, приговор заради оценка од проверка на знаењето како и барањето за остварување на правото на бесплатно школување. Целта на овие практични обрасци е полесно отпочнување на постапката за остварување односно заштита  на правата на студентите.

Издава: Младински образовен форум

За издавачот: Марјан Забрчанец, извршен директор

Автори: Ѓорѓи Илиевски

Уредници: Кристина Митрова, Александра Живковиќ

Издадена: 2014 година

Линк за преземањеСтуденту, ти имаш право да знаеш

Насилство кај средношколци

Краток опис: Истражувањето “Насилство помеѓу учениците од средно училиште“ е спроведено во периодот од февруари до април 2014 година, на примерок од 2472 испитаници. Целта на истражувањето беше да се испита во колкава мера е застапено насилното однесување помеѓу учениците од средните училишта во Македонија, во каква форма се јавува и дали постои разлика во прикажувањето на насилството во средини со хомогена и хетерогена етничката структура. Оваа анализа содржи обработка на добиените резултати од истражувањето, обработувајќи го искуството на средношколците со насилство во училиште, семејство, место на живеење, партнерски релации, како и анализа на факторите кои се поврзуваат со насилното однесувње помеѓу учениците од средно училиште.

Издава: Младински образовен форум

За издавачот: Марјан Забрчанец, извршен директор

Главен истражувач: Моника Божиноска

Асистент истражувач: Никола Демарџиев

Уредник: Марија Мирчевска

Издадена: 2014 година

Преземи анализа на македонски и албански јазик

Студентски дилеми и проблеми

Краток опис: Брошурата „Студентски дилеми и проблеми“ е наменета за студентите и е посветена на дел од прашањата кои тие секојдневно си ги поставуваат и проблемите со кои се соочуваат во текот на нивното студирање. Во оваа брошура се наоѓаат одговори на прашања кои се однесуваат на почетокот на студирањето и стекнувањето статус студент, правото на студирање, институциите кои се надлежни да одлучуваат за правата на студентите, студентскиот стандард, правото на престој во студентските домови, па сè до добивање на оценките и квалитетот на наставата. Целта на оваа брошура е да ги мотивира студентите да поставуваат сè повеќе прашања и да бараат одговори, да бидат посвесни за своите права и активно да се залагаат за своите права и нивното остварување и заштита.

Издава: Младински образовен форум

За издавачот: Марјан Забрчанец, извршен директор

Автори: Мартин Алексоски, Искра Кочова

Главен уредник: Кристина Митрова

Уредници: Сања Божовиќ, Марија Мирчевска, Фросина Калевска

Издадена: 2014 година

Линкoви за преземање: Македонски // Албански

Изданието е поддржано од Aмбасада на САД во Скопје

Предизвици за млади

Краток опис: Брошурата „Предизвици за младите: Остварување и заштита на правата – Што прашуваат младите?“ е наменета за средношколците, студентите, младите и е посветена на прашањата кои се поставени до советодавниот сервис за права на млади и одговорите дадени од негова страна во конкретни случаи. Во оваа брошура се презентирани случаите во кои постапувал советодавниот сервис за права на млади и се сортирани прашањата и одговорите во три посебни категории: средно образование; високо образование и млади и комуникација со институции. Оваа брошура претставува анализа на случаите во кои постапувал советодавниот сервис за права на млади во периодот од шест месеци и тоа aприл 2014 – септември 2014 година. Целта на оваа брошура е да им помогне на средношколците, студентите, младите, како да постапуваат во слични ситуации и да најдат одговор на своите прашања, дилеми и проблеми. Советодавниот сервис постапувајќи по пристигнатите прашања, изготви вкупно осум практични обрасци (приговори, барање, молба, изјава) кои средношколците и студентите можат да ги најдат во оваа брошура, со цел да им биде полесно да ја отпочнат постапката за остварување на своето право.

Издава: Младински образовен форум

За издавачот: Марјан Забрчанец, извршен директор

Автори: Кристина Митрова, Александра Марковска, Тања Поповска

Главен уредник: Кристина Митрова

Уредници: Сања Божовиќ, Марија Мирчевска, Фросина Калевска

Издадена: 2014 година

Линкoви за преземање: Македонски || Албански

Изданието е поддржано од Aмбасада на САД во Скопје