#1 Отворено предавање за млади

Група на млади средношколци и студенти присуствуваа на Отвореното предавање за млади кое МОФ го одржа на 26-ти февруари 2020 година во „Комитет“ во Скопје. Темата на предавањето беше Социјална правда, а во улога на предавач беше Ѓорѓи Димески, тренер по дебата од дебатната програма на МОФ.

Предавањето имаше за цел да ги објасни причините за се’ помасовната борба за социјална правда ширум светот. Во главниот фокус беше ставена дискриминацијата врз база на предрасуди кои потекнуваат од разни карактеристики кои луѓето кои ги поседуваат не можат да ги променат, како што се социјалниот статус, етникум, пол, сексуална ориентација и слично.

Преку презентација која статистички ги поткрепи овие предрасуди и постојана интеракција со присутните, предавањето успеа да ја долови потребата од борбата за социјална правда и да ја доближи истата до младите присутни на предавањето.

Ова беше првото во серијата Отворени предавања за млади кои МОФ ќе ги организира на месечно ниво. Во текот на годината уште 7 вакви предавања ќе бидат организирани во Скопје и 4 останати градови на национално ниво. 

Отвореното предавање е реализирано во рамки на проектот Ангажирање на младите за младински и студентски политики, финансиран од Фондацијата Отворено општество – Македонија.

 

Сподели

Error: Access Token is not valid or has expired. Feed will not update.
This error message is only visible to WordPress admins

There's an issue with the Instagram Access Token that you are using. Please obtain a new Access Token on the plugin's Settings page.
If you continue to have an issue with your Access Token then please see this FAQ for more information.