Младински образовен форум (МОФ) со задоволство ви го претставува петтото издание на јавниот дебатен настан АРГУМЕНТ: ОРГАНИЗИРАНО ИЗРАЗУВАЊЕ.

Настанот ќе се одржи на 23-ти декември (понеделник) 2013 година, со почеток во 19:30 часот, на големата сцена на Македонска опера и балет (МОБ).

е целовечерен дебатен настан чија цел e да ја подобри културата на дијалог и структурата на говорeње во јавниот дискурс и да ја промовира аргументацијата како неопходен услов за продуктивна дискусија. И оваа година ветуваме квалитетна дебата на актуелна општествено-политичка тема, прецизно структурирана и организирана на начин кој ќе овозможи фер дискусија на говорниците на дебатата и на присутната публика.

Тезата на коja заеднички и организирано ќе дискутираме гласи:

Гласањето и избирањето на свои претставници во различните форми на власт претставуваат фундаментален придонес кон демократските општества. На дебатата ќе дискутираме за мотивите на гласачите во Македонија да гласаат или не гласаат на избори, нивните очекувања од политичарите и дали идеолошки се идентификуваат со политичките партии. Ќе дебатираме и за системот на претставничка демократија, изборниот систем, трендовите кај гласачкото тело како и за постоечките механизми за политичко вклучување на граѓанинот.

Агенда на настанот:

• 19:30 Регистрација
• 19:45 Воведно обраќање од МОФ
• 20:00 Дебата: Овој дом не би гласал на избори
• 22:00 Коктел забава

Регистрацијата за Аргумент:Организирано изразување е затворена! Следете го преносот во живо на Радио МОФ и www.vozivo.mk.

Настанот Аргумент:Организирано изразување е организиран од Младински образовен форум со поддршка од „Проект на УСАИД за граѓанско општество“, Фондација Отворено општество Македонија и од ИДЕА програмскиот грант финансиран од програмата Европа за граѓаните.

Медиумски покровители на настанот: time.mk ; Метрополис радио ; off.net.mk ; radiomof.mk ; focus.mk ; sky.mk ; plusinfo.mk ; a1on.mk ; libertas.mk ; novatv.mk ; mojotgrad.com