Избран нов дебатен шампион

Изминатиот викенд Младинскиот образовен форум (МОФ) го организираше Националното дебатно првенство во рамките на проектот на УСАИД за медиумска писменост „Младите размислуваат“. Од 12 до 14 мај 2023 година 50 тимови се натреваруваа за титулата Национален дебатен шампион.

Турнирот вклучи над 150 учесници, 30 судии и волонтери. Учесниците се вклучија во високо компетитивен и стимулирачки дискурс, прикажувајќи ги своите дебатни вештини и знаења на теми за медиумска писменост.

Младите средношколци дебатираа на темите:

  • Овој Дом е против користењето на социјалните мрежи како примарен извор на информации.
  • Овој Дом, како климатски активист, би се користел со тактики за ширење дезинформации кои го преувеличуваат ефектот од климатските промени во своите кампањи, со цел да ја зајакнат својата кауза.
  • Овој Дом е против романтизираното прикажување на ментални нарушувања во популарните медиуми.

Дебатата ја завршија со темата „Овој Дом е против користењето на социјалните мрежи како примарен извор на информации“. По три дена интензивно дебатирање, Давид Салонтаји го освои местото прв најдобар говорник, Миа Драгниќ како втор најдобар говорник и Периба Вуисланин како трет најдобар говорник.

Кулминацијата на турнирот беше тимска компетитивност. Тимот АМЕ кој го составија Мина Митановска, Емир Хасанаговски и Андреј Ристиќ, го освои првото место, а тимот Kinder Surprise со Јана Николовска, Леона Змајшек и Петар Китанчев, го освои второто место.

Победата на тимовите, како и целата компетитивност на сите тимови беше доказ за нивната напорна работа, знаењето и вештини за критичко размислување и медиумска писменост, кои натпреварувачите ги стекнаа во младинските дебатни клубови на МОФ, во склоп на проектот на УСАИД за медиумска писменост „Младите размислуваат“.

Пехарот, медалите и сертификатите, им ги врачи претставничката на канцеларијата на УСАИД во нашата земја, г-ѓа Џери Дибл.

Турнирот беше огромен успех, истакнувајќи ја важноста на критичкото размислување, ефективната комуникација и граѓанскиот дискурс во нашето општество. Тој обезбеди платформа за младите умови да се вклучат во конструктивен дијалог и да учат еден од друг, што на крајот ќе придонесе за растот и развојот на нашето општество.

 

 

Два тима на меѓународниот дебатен турнир Љутомер

Два тима од Дебатната програма на Младински образовен форум учествуваат на меѓународниот дебатен турнир во Љутомер. Material Girlzz составен од: Љубен Атов, Карла Станков, Митко Недановски и Ања Давитковска, и Winx составен од: Мила Тодоровска, Анастасија Јовановиќ, Теодора Кулевска и Иларија Димулкова. Заедно со нив како дебатен тренер и судија ги придружуваше Дора Смилевска.

Турнирот се реализира онлајн во период од 11-ти до 16-ти март. Учествуваат повеќе од 60 тима од различни страни на светот вклучувајќи ги: Канада, Јужно Африканската Република, Бугарија, Данска, Шведска, Тајланд, Соединетите Американски Држави, Романија и многу други.

Некои од тезите на овој турнир кои што се дебатираа се:

  • THBT the feminist movement should support female vigilante groups (e.g., the Red Brigade and Gulabi Gang in India, Grupo de Autodefensas in Mexico);
  • THBT the EU should restrict the free movement of highly skilled workers in-between its member states;
  • In highly multi-ethnic states, THP the use of devolved governments as opposed to centralized governments.

Им посакуваме среќа на дебатерите и честитки до двата тима, останува да видиме какви резултати ќе постигнат!

Одржано Националното дебатно првенство за почетници

Oд 25-ти до 27-ми февруари 2022 година се одржа овогодишното Национално дебатно првенство за почетници. Десет тима, и овој пат виртуелно, преку алатките MixIdea и Discord ги покажаа своите дебатерски вештини и се бореа за титулата најдобар тим.

На првенството имаше пет прелиминарни рунди, полуфинале и финале. Учесниците дебатираа на три тези, од кои две – импромпту тези, со зададени 45 минути за припрема пред рундата. Главната теза на првенството гласеше – „Овој дом би им забранил на политичарите кои не си ги исполниле предизборните ветувања повторно да се кандидираат“. Двете импромпту тези гласеа  „Овој дом би вовел задолжително гласање“ и „Oвој дом како припадник на ЛГБТИ+ заедницата во Северна Македонија, би ја криел својата сексуалност“, која ја дебатираа нашите полуфиналисти.

Победници на ова онлајн национално дебатно првенство за почетници 2022 беа „Дрвените Адвокати“, составен од Јана Николовска, Леона Змајшек и Максим Неделкоски. Второто место го земаа тимот Гибоните, составен од Итан Георгиевски, Нина Петковска и Давид Салонтаји. На првенството исто така се прогласија и најдобрите говорници: на третото место Максим Неделкоски, на второто Јана Николовска и првото место го зема Итан Георгиевски.

Të dashur nxënës të shkollave të mesme, thirrja për anëtarë të rinj në Klubet e Debatit të Forumit Arsimor Rinor, është hapur!

Të dashur nxënës të shkollave të mesme, thirrja për anëtarë të rinj në Klubet e Debatit të Forumit Arsimor Rinor, është hapur!

Përmes ligjëratave javore interaktive në Klubin Debatues do të njiheni me botën e debatit konkurrues! Do të mësoni se si të hulumtoni dhe studioni tema nga fusha të ndryshme, si të paraqisni argumente në mënyrë të strukturuar, shumë teknika për mbajtjen e fjalimeve publike dhe kundërshtimin e duhur të argumenteve të folësve të tjerë me të cilët nuk jeni pajtoheni. Aftësitë që do të fitoni do t’ju ndihmojnë në mënyrë të konsiderueshme për t’u zhvilluar personalisht, akademikisht dhe profesionalisht.

Përmes klubeve të debatit me ekipin tuaj, keni mundësinë të merrni pjesë në turnetë e debatit lokal, kombëtar dhe ndërkombëtar. Mundësi e shkëlqyeshme të plotësoni CV -në tuaj. Deri më tani, FAR çdo vit ka dërguar një ekip në turnetë ndërkombëtare: Kampionati Botëror më i madh i Debatit, për nxënësit e shkollave të mesme. Këtë vit në Kinë, ku ekipi i M. së Veriut, fitoi titullin Kombi i ri më i mirë. Më pas turne në nivel evropian si Zagreb Open, Budva Open, Hearth of Europe dhe shumë të tjera.

Pjesëmarrja në klube është falas. Realizohet përmes ligjëratave javore nga trajnerë të certifikuar për Debat. Në kuadër të klubeve zhvillohen ligjërata teorike dhe ushtrime praktike për argumentim, debat konkurrues dhe të folurit publik sipas një kurrikule të paracaktuar. Përveç ligjëratave të standardizuara, do të keni mundësinë të dëgjoni ligjërata zgjedhore nga debatues dhe personalitete të njohura ndërkombëtare nga spektri politik, juridik dhe social. Për më tepër, përveç klubeve, programi zhvillon trajnime, debate publike, akademi debatesh dhe turne debatuese lokale, kombëtare dhe ndërkombëtare.

Klubet funksionojnë në nivel nacional, në një atmosferë miqësore përmes së cilës do të fitoni miqësi dhe përvoja të reja të ndryshme nga ato që takoni në arsimin formal. Përmes Klubit të Debatit, ju do të sfidoni veten. Njohuritë dhe aftësitë që do të fitoni përmes klubeve rinore të FAR, do t’ju mundësojnë të ndërtoni veten në një person aktiv të vetëdijshëm për dilemat shoqërore dhe të gatshëm për t’u përballur me sfidat e jetës së përditshme. Na u bashko!

Мајски активности на Младински образовен форум

Младински образовен форум во чии рамки активни се неколку младински програми и тоа дебата, учиме право, медиа/арт, клубови за демократско учество, новинарски клуб и клубови за претприемништво, направи преглед на своите маjски активности.

Во мај, дебатната програма заврши со своите дебатни предавања. Додатно, во рамки на програмата започнаа со подготвувањето на петте дебатери кои ќе ја претставуваат Северна Македонија на Светското дебатно првенство во форматот „World Schools“. Се одржа изборно предавање на тема „Климатска политика и дебатирање на тези за климатски промени“ преку кое дебатерите добија знаења за аргументација и насоки за истражување на тези за моменталните климатски политики.

Додатно во текот на мај дебатната програма беше вклучена и во креирање на младинските кампањи во склоп на програмата за Младински политики и ангажираност преку младински кампањи која МОФ ја спроведува во соработка со Еквалис, Хера и Психотерапика.

Во рамки на програмата за артивизам и активизам се одржа десеттото јубилејно издание на ENGAGE – конференцијата за социјален активизам.

Голем број домашни и странски активисти, поединци и иницијативи кои се залагаат за општествени промени на 29-ти мај беа дел од десеттото, јубилејно издание на Конференцијата за социјален активизам ENGAGE, кое годинава го имаше своето прво хибридно издание каде што домашните говорници говореа во живо од МСУ, додека пак странските говорници се вклучуваа преку платформата за видео комуникација ZOOM.

На платото на Музејот на современа уметност се зборуваше за активизмот, промените кои ги донесе пандемијата, но и за пркосот на оние кои решиле да ѝ се спротивстават на апатијата, со цел да го направат светот подобро место за живеење и да се изборат за општествени промени.

На ENGAGE 2021 виртуелно учествуваа интернационалните говорници Гитанџали Рао, иноватор и научник од САД, DJ Switch, активистка и диџејка од Нигерија, Вандита Морарка, квир активистка и адвокат за човекови права од Индија, Јигит Гоктуг Торун, активист од Турција и  Влад Илич, македонски актер и комичар кој живее во Велика Британија.

Публиката пак, во живо имаше можност да ги слушне  приказните на домашните учесници Борче Стаменов од иницијативата „Донирај компјутер“, Александра Манолчева и Дина Дамјановиќ од „Ways2Help“, Стефан Алексиќ од „Challenger“, Петар Антевски од „Пресврт“ и медицинарот Денис Јанкуловски – Космонаутко. Во улогата на модератори на настанот влегоа Наталија Теодосиева и Дамјан Цветановски од импров групата “НАСТАП”.

Конференцијата е поддржана од National Endowment for Democracy.

Клуб за демократско учество во СОУ „Нико Нестор“ и СОУ „Д-р Ибрахим Темо“

Членовите на Клубот за демократско учество од Струга, ученици од средните училишта СОУ „Нико Нестор“ и СОУ „Д-р Ибрахим Темо“ ја спроведоа иницијативата „Кулирај-рециклирај!“ за да ги промовираат еколошките навики кај учениците и поттикнат еколошката одржливост на училиштата. Средношколците од Струга обезбедија подобри услови за селекција на отпад и грижа за заштита на животната средина во своите училишта.

Младинската иницијатива доби поддршка од Друштвото за управување со пакување и отпад од пакување ПАКОМАК, кое обезбеди по еден контејнер за селеција на отпад во СОУ „Нико Нестор“ и СОУ „Д-р Ибрахим Темо“. Поставени беа и инфо-табли со едукативна содржина, со цел да се придонесе за подигнување на свеста кај учениците и младите околу потребата за правилно справување со отпад. Како завршна активност, со цел да се придонесе кон долгорочно зајакнување на еколошките капацитети, учениците во клубот изготвија предлог-план за еколошка одржливост на училиштата, кој беше усвоен од двете училишта.

Иницијативата е дел од проектот „Зајакнување на демократските компетенции кај младите“ спроведуван со поддршка од Фондацијата за демократија на Вестминстер и Британската влада.

„Со уметност против говорот на омраза“ – артивистичка акција во Струга

Младите активисти од клубот Артивизам имаа успешна акција со која се покри говорот на омраза што беше испишан на две локации: на кејот на реката Дрим и зградата на поштата во Струга.

Зборовите и симболите на омраза не смеат да бидат дел од јавниот простор! Толеранцијата е клучна за одржување на мирот. Но, и за економскиот и социјалниот напредок на сите луѓе, а тоа особено се однесува на општествата како нашето кои се мултиетнички и мултикултурни.

Младите активисти од клубот Артивизам при Младински образовен форум имаат иницијатива за цртање графити и покривање на испишаните натписи кои содржат говор на омраза. Овие акции на Младински образовен форум и со поддршка од Хелсиншкиот комитет за човекови права беа спроведени во текот на овој месец, на неколку локации низ градовите каде што се мапирани натписите и графитите што содржат говор на омраза.

„Со уметност против говорот на омраза“ – артивистичка акција во Скопје

Младите активисти од клубот Артивизам при Младински образовен форум имаат иницијатива за цртање графити и покривање на испишаните натписи кои содржат говор на омраза.

Овие акции на Младински образовен форум и со поддршка од Хелсиншкиот комитет за човекови права ќе бидат спроведени во текот на овој месец, на неколку локации низ градовите каде што се мапирани натписите и графитите што содржат говор на омраза.

Тие имаа успешна акција со која се покри говорот на омраза испишан на пешачката патека на кеј во стариот дел на градскиот парк. Зборовите и симболите на омраза не смеат да бидат дел од јавниот простор! Толеранцијата е клучна за одржување на мирот. Но, и за економскиот и социјалниот напредок на сите луѓе, а тоа особено се однесува на општествата како нашето кои се мултиетнички и мултикултурни.

Во текот на претходнот месец, клубовите при програмата Учиме право ги завршија и своите последни предавања за оваа учебна година. Во моментов членовите се припремаат за нивните симулации преку кои тие и практично ќе ги применат стекнатите вештини и одблизу ќе се запознаат со работата на институциите.

Советодавниот сервис е повторно во функција и прашања веќе пристигнуваат. Лесно и брзо можете да го најдете својот одговор на сервисот преку копчето „Постави прашање“ или пак во галеријата каде се објавени претходно поставуваните прашања. Покрај прашањата, можете да ги отворите и колумните кои се напишани од млади експерти од нашата држава на разни теми. Така, овој месец на темата „(Не)можност за младинско учество“ напиша неколку зборови новата претседателка на Националниот младински совет, Марија Крстевска.

Клубовите за Младински претприемачки вештини, овој месец го имаа своето последно отворено предавање на кое како предавач се најде американската професорка Ирена Воденскa, која покрај тоа што е професорка и ги држи предавањата по економија на Бостонскиот Универзитет, таа исто така е и шеф на катедрата за финансии.

Преглед на априлските активности на Младинскиот образовен форум

Младински образовен форум во чии рамки активни се неколку младински програми и тоа дебата, учиме право, медиа/арт, клубови за демократско учество, новинарски клуб и клубови за претприемништво,  направи преглед на своите априлски активности.

Во рамки на Дебатната програма се одржа второто Онлајн национално дебатно првенство, од 23 до 25 април. На првенството учествуваа 15 тима ширум Северна Македонија кои се бореа за победничките позиции на турнирот.

Првенството го освои тимот „Оревите“, составен од Леонардо Змајшек, Лука Кадриќ и Митко Неданоски. Исто така ги добивме и петте најдобри говорници кои ќе ја претставуваат Северна Македонија на Светското првенство во форматот „World Schools“, организирано од страна на Макау. Говорниците се Леонид Сајков, Георгина Петреска, Љубен Атов, Фросина Кекеновска, Карла Станков.

Наградите за Националното дебатно првенство 2021 се поддржани од АРС Ламина.

Онлајн национално дебатно првенство

Додатно, започна работата на младинските кампањи во склоп на проектот „Младински пакети и ангажираност преку младински кампањи“, поддржан од Фондација отворено општество – Македонија, кој МОФ го спроведува во соработка со „Еквалис“, „Хера“ и „Психотерапика“.

Во склоп на програмата Младински активизам се одржа второто онлајн издание на конференцијата за социјален активизам кај младите – „Еngage youth“. Конференцијата „Engage youth“ виртуелно спои млади активисти кои споделија знаења и искуства на теми поврзани со граѓанска ангажираност, социјална промена, инклузија, слобода на говор, активизам на јавен простор, технологија и иднина на образование. Настанот се одржа на 27 април, на платформата за видео комуникација „Зум“, ја проследија над 100 млади луѓе како на „Зум“ така и преку стрим преносот на Фејсбук и беа поставени над 25 прашања од публиката. Конференцијата беше пренесена и на знаковен македонски јазик.

Второ онлајн издание на „Engage Youth“

Тимот на Програмата за истражување, анализа и креирање на младински и образовни политики одржа неколку состаноци со претставници на државните институции, презентирајќи им го документот „Млади во криза 2.0 – Ефекти од пандемијата врз младите и препораки до институциите“. Беа одржани состаноци со советникот за млади и советникот за труд и социјална политика, Ѓорѓи Тасев и Милан Живковиќ, со Заменик-Премиерот Фатмир Битиќи, со министерката за образование и наука, Мила Царовска, со директорот на агенцијата за млади и спорт, Наумче Мојсоски како и со Клубот на млади пратеници во рамки на Собранието на РСМ. На состаноците беа презентирани податоците од истражувањето како и препораките кои имаат за цел да ги намалат односно превенираат штетите од пандемијата врз младите.

Средба со министерката за образование и наука, Мила Царовска

Во рамките на програмата за Младински претприемачки вештини, на 17 април се одржа отвореното предавање со Белино Џафа на тема „Финансирање и вреднување на вашиот стартап“. Предавачот го искористи своето искуство во банкарството за да ги поучи учесниците како да ги добијат најдобрите услови кога на претприемачите им е потребна финансиска поддршка од банка.

Онлајн предавање за претприемништво

 

Соња Митиќ меѓу петте најдобри говорници на Zagreb Open 2020

Во периодот од 21 до 23 февруари во главниот град на Хрватска се одржа дебатниот турнир Загреб Опен 2020. На него учествуваа дебатери од земји од цела Европа, меѓу кои и шест претставници од нашата земја, членови на дебатните клубови на Младински Образовен Форум.

Шесте дебатери: Ѓорѓи Димески, Соња Митиќ, Ана Угрова, Анастасија Марковска, Лука Радуловиќ и Марија Јанева беа поделени во три тимови и се натпреваруваа во БП форматот во кој и традиционално се одвиваат Опен турнирите ширум Европа.

Дел од тимот беше и Весела Трајкоска, дебатен тренер од МОФ, во улога на судија на турнирот.

За поголемиот дел од дебатерите ова беше првото учество на меѓународен турнир, додека пак тимот „Coco`s dress“ составен од Ѓорѓи и Соња успеа и да се избори за место во полуфиналето на турнирот и да освои конечен пласман на 3тата позиција од вкупно 49 тимови.

Особено значаен беше и индивидуалниот успех на Соња Митиќ која се пласираше на 5тата позиција на индивидуалната ранг листа.

Избрани најдобрите дебатери почетници за 2019 година

На главната теза “Овој Дом како млад човек би го жртвувал својот индивидуален напредок за решавање на колективните проблеми” од 20-ти до 22-ри декември 2019 година, Младински образовен форум го организираше Националното дебатно првенство за почетници на кое се натпреваруваа дебатери од дебатните клубови на МОФ од Скопје, Велес, Тетово, Прилеп, Куманово и Битола. Првенството се одржа во СУГСГ “Орце Николов”.


Турнирот се одржа во World Schools дебатниот формат, на македонски јазик и истиот опфати 5 прелиминарни рунди, четвртфинале, полуфинале и финале.
На турнириот се дебатираше и на уште две импромпту тези (тези кои не се однапред најавени) и тоа: „Овој Дом би ја намалил границата за гласање на 16 години“, која се дебатираше за време на третата рунда, како и тезата: „Овој Дом, како индивидуа, би преферирал да биде богат и нечесен отколку сиромашен и чесен“, која се дебатираше во полуфиналните рунди.
Најдобро пласиран беше тимот на дебатерките: Мартина Дуранска, Фросина Кекеновска и Ангела Трајковска.

Второто место го освоија дебатерите Андреј Аспровски, Киара Лазиќ и Матеј Дисоски.За најдобар индивидуален говорник беше избран Горјан Јаневски, втора говорничка беше Георгина Петреска, а третото говорничко место го освои Константин Темелков.

Целта на турнирот беше да обезбеди простор за напревар за аргументирана дискусија. Во овие неколку денови младите средношколци ги предизвикаа сопствените ставови и дискутираа за вредноста на индивидуалниот ангажман и решавање на колективните проблеми со кои младите се соочуваат. Преку истражување, аргументирано изразување и тимска работа, средношколците ги продлабочија своите знаења.
Настанот е организиран од МОФ со поддршка од СУГСГ „Орце Николов“ во склоп на проектот за Ангажирање на младите за студентски и младински политики.

Националното дебатно првенство за почетници е организирано со финансиска поддршка од Фондацијата Отворено Општество – Македонија.

Младите дебатираа за слободата на изразување

На 22ри јуни 2019 година во Јавна Соба, членовите на дебатната програма при Младински образовен форум ги спротивставија своите аргументирани ставови на тезата „Овој Дом верува дека државата никогаш не треба да ја ограничува слободата на изразување.“ Дебатерите беа поделени во два тима, од кој едниот тим ја бранеше афирмативната страна на оваа теза, а другиот тим негатциката страна.

Тимовите аргументира за остварување на слободата на изразување и неопходноста на ограничување на истата во одредени ситуации од страна на државата. Критички се осврнаа и на (не) вклученоста на говорот на омраза во поширокиот спектар на слободата на изразување и го прикажаа потенцијалниот импакт од истото. Афирмативен тим беше составен од Бојана Ѓуровска, Марко Доневски и Мартина Поповска, а негацискиот тим од Теодора Столевска, Бојана Стефаноска и Петар Здравевски. Победничкиот тим на оваа дебата беше афирмативниот тим.

По завршетокот на дебатата, присутните слушатели заедно со тимовите имаа можност да ја продискутираат дебатата и да споделат свое мислење за тезата.

Младински образовен форум, преку своите дебатни клубови во 7 градови во државата, им овозможува на средношколците преку едногодишен курикулум да се запознаат со концептот на компетитивна средношколска дебата, притоа создавајќи простор за развој на критичко размислување, јавно говорење и аргументација во јавниот дискурс. Младинските дебатни клубови се дел од Проектот за младинско изразување финансиран од Европската унија и проектот Ангажирање на младите за студентски и младински политики финансиран од Фондацијата Отворено општество Македонија.

Овој настан е финансиран од Европската Унија.

 

Јавна дебата за слобода на изразување

Развојот на светот и технологијата во последните неколку декади сериозно го прошири јавниот дискурс, создавајќи во голем дел неограничен простор за слободно индивидуално изразување. Во чекор со таквиот развој, државите се соочуваат со прашањето како целосно да ја овозможат слободата на лично изразување, а притоа да постават неопходни ограничувања. Доколку сте заинтересирани да чуете нешто повеќе за слободата на изразување, нејзиното остварување, како и одредени ограничувања, Младински образовен форум ве поканува на втората од циклусот јавни дебати организирани од средношколските дебатни клубови.

Јавната дебата ќе се одржи на 22 јуни, 2019 година во Јавна Соба во Скопје со почеток во 18:00 ч. Тезата на јавната дебата гласи: „Овој Дом верува дека државата никогаш не треба да ја ограничува слободата на изразување.

Средношколските дебатери од дебатните клубови на МОФ од Скопје ќе ги спротивстават своите аргументи поддржувајќи ја или негирајќи ја тезата. Форматот на дебатата ќе биде “Светски училишта“ (World Schools Debate Format). Истиот им овозможува на дебатерите, поделени во афирмативен и негациски тим, да ги презентираат своите аргументи, промовирајќи критички аргументирана и организирана дискусија.

Младински образовен форум, преку своите дебатни клубови во 7 градови во државата, им овозможува на средношколците преку едногодишен курикулум да се запознаат со концептот на компетитивна средношколска дебата, притоа создавајќи простор за развој на критичко размислување, јавно говорење и аргументација во јавниот дискурс. Младинските дебатни клубови се дел од Проектот за младинско изразување.

Овој проект е финансиран од Европската Унија.