Станица: Студентска 8

По неколку години пауза, со особено задоволство ја најавуваме Станица: Студентска 8, целодневен настан наменет за студенти, но и сите останати заинтересирани млади.

Станува збор за настан кој има за цел промовирање на активностите на и за студентите, студентските организации и студентските иницијативи, како и унапредување на младинското здружување и организирање. Истиот претставува можност за студентите да ги споделат своите знаења со своите колеги и да го зголемат своето познавање во различни области од нивен интерес. Дополнително, студентите ќе можат директно да се запознаат со работата на студентските, младинските и организациите за млади и начините како би можеле да им се приклучат.

Станица: Студентска 8 ќе се одржи на 03.05.2023 година (среда), од 12:00 – 17:00 часот на Градежниот факултет при Универзитетот „Св. Кирил и Методиј“ во Скопје.

Предвидени се отворени предавања на интересни и актуелни теми, како вештачка интелигенција, започнување на свој бизнис, права при контакт со полиција, како е да се биде млад автор, како и помирување и градење на мирот во регионот.
Дополнително, ќе имаме и работилници за цртање на платнени торби, одржување на велосипеди и истражување на пештерите низ нашата земја.

Агенда за настанот:

I Предавања

ПРВ ДЕЛ 12:00 – 13:00

ПЕРОН 1: Првите чекори за отпочнување на глобален стартап од Македонија – Игор Маџов, Претседател на Стартап Македонија и ко-основач на Nest-Group
ПЕРОН 2: Потенцијали и ризици на вештачката интелигенција и Chat GPT – Проф. Ѓорѓи Маџаров, Професор на Факултетот за информатички науки и компјутерско инженерство (ФИНКИ)

ПАУЗА 13:00 – 13:30

ВТОР ДЕЛ 13:30 – 14:30

ПЕРОН 1: Градење на мир и помирување: Од Украина до Балканот – Проф. Ана Чупеска, Професорка на Правниот факултет „Јустинијан Први“
ПЕРОН 2: Писателствувањето како процес и бидувањето писател во Македонија – Јован Илиески, писател и психолог

ПАУЗА 14:30 – 15:00

ТРЕТ ДЕЛ 15:00 – 16:00

ПЕРОН 1: Права и должности на млади при контакт со полиција – Јанаки Митровски, адвокат

ПЕРОН 2: Спелеологијата и пештерите во Македонија – можност и предизвик за млади истражувачи од различни области – Александар Стојаноски, апсолвент на Институт за географија при ПМФ, спелеолог

II Работилници

15:00 – 17:00
ПЕРОН 3: Велосипедска работилница на отворено – Педала

12:00 – 14:00
ПЕРОН 4: Работилница за цртање на платнени торби – Ана Трајковска, визуелна уметница

12:00 – 17:00
ПЕРОН 5: Саем на организации

15:00 – 17:00
ПЕРОН 6: Chill zone со DJ set

Следете нè на социјалните мрежи на МОФ за повеќе информации во текот на следниот период и ве очекуваме!

Настанот е во организација на Младинскиот образовен форум (МОФ) и Регионалната канцеларија за младинска соработка (RYCO), со поддршка од Универзитетското студентско собрание при Универзитетот „Св. Кирил и Методиј“ во Скопје (УСС-УКИМ).

Одржана тркалезна маса на тема „Младинско учество во единиицте на локалната самоуправа“

Младински образовен форум организираше тркалезна маса на тема „Младинско учество во единиците на локалната самоуправа “ на 20.10.2022 во просториите на Холидеј Ин во Скопје.

Во рамките на проектот се одржаа 6 работилници во повеќе градови низ државата на кои учествуваа над 100 млади лица. Учесниците се стекнаа со знаење за општините и нивните обврски спрема жителите и имаа можност да ги споделат проблемите со кои се соочуваат во нивното место на живеење. Лоцираните проблеми се протегаат од неасфалтирани патишта до нефункционални кина.

На настанот се презентираше документот за јавни политики кој содржи проблеми кои младите ги мапираа за време на работилниците, како и препораки насочени кон општините и останатите локални институции кои се  обврзани да ги адресираат истите.

Документот можете да го прочитате на следниот линк:  https://mof.mk/…/Dokument-za-javni-politiki-mladinsko…

Овој настан е дел од проектот „Младински политики за подобар животен стандард на млади од помали средини“, кој е овозможен со финансиска поддршка на Фондација Отворено општество – Македонија  и во соработка со локалните организации Фондација за развој на локалната заедница – Штип , Регионален центар за одржлив развој – Гевгелија, Центар за истражувања и анализи НОВУС / Center for research and analysis  Струмица, Центар за едукација и развој – Теарце и НВО КХАМ – Делчево.

Одржана патувачка изложба на дигитални постери „Младински (не)еднакви можности и потреби“

Во рамки на проектот „Квалитетни образовни политики и можности за младите“ беше спроведена патувачка изложба на дигитални постери во Кавадарци (24.12.2021), Виница (27.12.2021) и Скопје (28.12.2021). Изложбата ја погледнаа околу 100 млади.

Делата кои беа изложени на патувачката изложба се директен резултат од повеќедневна работилница, која имаше за цел да разработи дел од креативните алатки како: Фотошоп, Илустратор и Канва и конкретно да ги афирмира и потенцира клучните наоди од истражувањето: „Младински (не)еднакви можности и потреби – Предизвиците и потребите на младите според големината на местото на живеење“.

Преку изложбите, млади креативци, уметници и ентузијасти од целата држава сакаа да поттикнат изедначување на разликите помеѓу руралните и урбаните средини.

Во изложбата, со свои дела учествуваа: Александра Христовска, Анастасија Ивановска, Ана Марија Николовска, Владимир Митровски, Елена Николоска, Зафир Јованов, Љубица Ристовска, Марија Денкова, Марија Николоска и Сара Апостоловска.

Креативните постери може да ги погледнете на следниот ЛИНК. Фотографиите од изложбата во Кавадарци, Виница и Скопје може да ги погледнете ТУКА.

Изложбата е дел од проектот Квалитетни образовни политики и можности за младите кој се спроведува со поддршка од Фондација Отворено општество Македонија.

Доделени сертификатите за младите новинари од Новинарскиот клуб на МОФ

Првата официјална средба на новинарскиот клуб, како и доделувањето на сертификатите на членовите се одржа на 3 јули.

Новинарскиот викенд ја официјализираше работата на Новинарскиот клуб при Младинскиот Образовен Форум, за успешно помината програма за Млади новинари во учебната 2020/21 година.

Под менторство на новинарот Огнен Јанески, со почеток во ноември минатата година, дваесетина средношколци, студенти и млади заинтересирани за новинарство посетуваа онлајн средби за изучување на медиумска писменост, пишување вести и интерјвуа, и подготвување подкасти и видео прилози.

Младите новинари-аматери, предавањата во Новинарскиот клуб ги започнаа со тридневен тренинг за запознавање со основите на новинарството кој го одржаа новинарите при Радио МОФ – Јасмина Јакимова, Даниел Евросимоски, Бојан Шашевски и Емилија Петреска.

Покрај почетниот тренинг и предавањата на менторот, членовите на клубот следеа и гостински предавања од домашните новинари Мишко Иванов, Вики Чадиковска и Кристина Озимец.

Досегашната работа на членовите на Новинарскиот клуб може да ја погледнете на Радио МОФ.

Во септември следува и нов повик за учесници на новинарскиот клуб.

Учиме претприемништво – предавање за Technology and Innovation

Вчера, 28.02.2021, се одржа првото отворено предавање од четирите отворени предавања кои се дел од проектот „Младински претприемачки вештини“.

Првото предавање беше со наслов „Technology and innovation“, а предавач беше успешната претприемачка Анита Кирковска.

Целта на проектот е да обезбеди неформално образование на средношколци од Гостивар, Охрид и Штип од областа на претприемништвото и да им обезбеди можност за стекнување практично искуство во приватниот бизнис сектор преку поврзување на младите и училиштата со бизнис секторот од нивната локална заедница.

За да се обезбеди навистина квалитетна програма за членовите на клубовите, во креирањето на курикулумот беа ангажирани повеќе експерти од областа на претприемништвото, како и членови на бизнис заедниците и истиот беше споделен и со училишта и стопанските комори на Северна Македонија и САД.

Како предавачи во овие клубови се јавуваат македонски експерти, искусни претприемачи кои долго време работат во ова поле и нивните резултати се видливи и препознатливи во нашето секојдневие.

Анита Кирковска работи со стартапи во нашата држава и САД на полето на маркетинг и product development. Таа е основач на IT компанија и една од креаторите на Ampstore – веб дизајн алатка за веб страни.

До сега, членовите на клубовите, работеа и со психологот Сања Стефановиќ со цел разработување на темите „Емоционална интелигенција, тимска работа и лидерство“, а „Вовед во претприемништво“ добија од Бојана Низамовска, која повеќе од 10 години работи на неформална едукација на млади.

Оваа сабота членовите продолжуваат со второто предавање, и тоа „Јавно презентирање и пичинг“, за што ќе им зборува Горјан Јовановски кој е добро познат на јавноста по неговата апликација „Мој воздух“.

Млади претприемачи, се гледаме во сабота, а останатите, следете ги нашите социјални мрежи и пријавете се на следното отворено предавање.

 

Овој проект е поддржан од Амбасадата на САД. Мислењата, откритијата и заклучоците или препораките изнесени овде се на имплементаторите/авторите, и не ги одразуваат оние на Владата на САД.

Како да се заштити заштитетното? предавање во рамки на Разбистри се’!

На 25.02.2021 се одржa второто предавање во циклусот онлајн предавања за Заштита на животната средина со наслов „Охридско езеро – како да се заштити заштитеното?“. Нашиот предавач беше Кирил Арсовски Пржо, биолог и уредник на порталот Doma.edu.mk. На предавањето присуствуваа 35 учесници кои дознаа повеќе за состојбата на Орхидското езеро и неговото крајбрежје.

Кирил зборуваше за историјата  и важноста на Охридското крајбрежје. Се истакна загрозеноста на езерото како продукт од повеќе фактори. Најголемиот фактор којшто се презентираше беше урбанизацијата на крајбрежјето која влијае на водниот екосистем.

На крајот на предавањето се отвори дискусија каде меѓу другото се спореди и состојбата на Охридското езеро со останатите природни езера во Северна Македонија. Додатно, се разговараше за иднината на Охридското езеро по излегувањето на истото од заштитената листа на УНЕСКО.

Предавање: Онлајн безбедност на генерацијата Z: Како до приватна и безбедна комуникација на интернет?

Кога голем дел од нашите животи, учење, дружење и забава се случуваат онлајн, може да го искористиме периодов за да си ја подобриме безбедноста во дигиталниот простор. На ова предавање ќе зборуваме како да имаме безбедна приватна онлајн комуникација, да се заштитиме од онлајн вознемирување или булинг, фишинг, злоупотреба на податоци и како да се грижиме за менталното здравје додека сме онлајн.

Предавањето „Онлајн безбедност на генерацијата Z: Како до приватна и безбедна комуникација на интернет?“ кое ќе се одржи на 27-ми февруари (сабота) во 16:00 часот ќе се обиде да ви одговори на овие прашања. Предавањето ќе го одржи Гоце Арсовски од Фондација Метаморфозис.

Учесниците на предавањето ќе добијат информации како безбедно да го користат дигиталниот простор, да ги препознаат заканите и да ја заштитат нивната приватност.

За да присуствувате на предавањето потребно е да се регистрирате однапред на следниот линк: https://forms.gle/SSi5MJFp3WgyDMzW7 најдоцна до 26-ти февруари (петок). Пред настанот на вашата мејл адреса ќе Ви биде споделен линк за приклучување на Zoom.

За предавачот: Гоце Арсовски е Офицер за програмска поддршка во Фондацијата Метаморфозис. Тој е психолог, истражувач, и искусен тренер, кој работи во невладиниот сектор во последните седум години. За ова време, тој одржа десетици тренинзи и вебинари на теми како што се користење отворени образовни ресурси, кампањи за застапување на социјалните медиуми, сајбербезбедност и сигурност, анализа на податоци и визуелизација на податоци, институционална отвореност и транспарентност, и многу други.

Настанот е организиран од Младински образовен форум со поддршка од Иницијативата за демократија на Западен Балкан на Фондацијата за демократија на Вестминстер.

Повторно отворен повик за нови членови во Клубови за демократско учество /Përsëri thirrje e hapur për anëtarë të rinj në Klubet për Pjesëmarrje Demokratike

Сакаш да се обратиш до твојата oпштина, но не го знаеш процесот како? Имаш идеја за подобрување на твојата околина? Сакаш да ги надополниш твоите знаења надвор од работите кои ги учиш во училиште?

Тогаш прочитај го овој повик до крај!

Клубовите за демократско учество продолжуваат со средби по 20-ти јануари! Ова е твојата можност бесплатно да научиш повеќе за демократијата, младинско организирање, твоите права како ученик и да ги споделиш твоите идеи.

Предавањата траат до март, а во март ти и твоите соученици ќе имате можност да креирате младинска акција за решавање на некој предизвик во училиштето/заедницата. По завршувањето на програмата, учесниците добиваат сертификат.

За сите вие што се уште не сте сигурни, пријавете се за да ни дадете шанса да ве премислиме!

Апликацијата е отворена до 25.01.2021 (понеделник)!

Клубовите се отворени во следните училишта на линковите:
СУГС Зеф Љуш Марку – Скопје на албански јазик
СУГС Никола Карев – Скопје на македонски јазик
• ДУЦОР Партеније Зографски – Скопје на македонски знаковен јазик
ССОУ Моша Пијаде – Тетово на македонски јазик
ССОУ Моша Пијаде – Тетово на албански јазик
СОУ Нико Нестор и СОУ Ибрахим Темо – Струга на македонски јазик
СОУ Нико Нестор и СОУ Ибрахим Темо – Струга на албански јазик
СОУ Кочо Рацин – Свети Николе на македонски јазик
СОУ Наум Наумовски – Борче – Крушево на македонски јазик
ОСМУ Д-р Јован Калаузи – Битола на македонски јазик

За сите прашања околу клубот, можете да ни пишете на: obuki@mof.org.mk.

Клубовите за демократско учество се отворени во 9 училишта. Предавањата се активност на Младински образовен форум и Фондацијата на демократија на Вестминстер во рамки на проектот Зголемување на младинското учество, поддржани од Иницијативата за демократија на Западен Балкан.


Ju dëshironi të kontaktoni komunën tuaj, por nuk e dini procesin si? A keni një ide për përmirësimin e mjedisit tuaj? A doni të zgjeroni njohuritë tuaja përtej gjërave që mësoni në shkollë?

Atëherë lexojeni këtë thirrje deri në fund!

Klubet për pjesëmarrje demokratike vazhdojnë me takime pas 20 janarit! Kjo është mundësia juaj të mësoni më shumë për demokracinë, organizimin e të rinjve, të drejtat tuaja si nxënës dhe të ndani idetë tuaja.

Leksionet zgjasin deri në Mars, dhe në Mars ju sëbashku me nxënësit tjerë do të keni mundësinë të organizoni një veprim të të rinjve për të zgjidhur një sfidë në shkollë / komunitet. Pas përfundimit të programit, pjesëmarrësit marrin një certifikatë.

Për të gjithë ju që jeni ende të pasigurt, regjistrohuni për të na dhënë një shans për të ndryshuar mendjen tuaj!

Aplikimi është i hapur deri më 25.01.2021!

Klubet janë të hapura në shkollat e mëposhtme në lidhjet:

SHMQSH Zef Lush Marku – Shkup në gjuhën shqipe
SHMQSH Nikolla Karev – Shkup në gjuhën maqedonase
• QSHSHAR Partenije Zografski – Shkup në gjuhën e shenjave maqedonase
SHMKP Mosha Pijade – Tetovë në gjuhën maqedonase
SHMKP Mosha Pijade – Tetovë në gjuhën shqipe
SHMK Niko Nestor dhe SHMK Ibrahim Temo – Strugë në gjuhën maqedonase
SHMK Niko Nestor dhe SHMK Ibrahim Temo – Strugë në gjuhën shqipe
SHMK Koço Racin – Sveti Nikollë në gjuhën maqedonase
SHMK Naum Naumovski-Borçe – Krushevë në gjuhën maqedonase
SHKMKM Dr. Jovan Kalauzi – Manastir në gjuhën maqedonase

Për të gjitha pyetjet në lidhje me klubin, mund të na shkruani në: obuki@mof.org.mk.

Klubet për pjesëmarrje demokratike janë të hapura në 9 shkolla. Ligjëratat janë aktivitet i Forumit Arsimor Rinor dhe Fondacionit për Demokraci të Westminster në kuadër të projektit Rritja e Pjesëmarrjes së të Rinjve, të mbështetur nga Iniciativa për Demokraci e Ballkanit Perëndimor.

Онлајн кампања: Силеџиството во твоето училиште

Силеџиството е една од најзастапените форми на непријателско однесување во нашиот воспитно-образовен систем. Од најмала возраст, речиси секое дете во текот на едукативниот процес се соочува со некоја од формите на силеџиство.

Членовите на клубовите Артивизам на Младински образовен форум во рамките на Проектот за младинско изразување изготвија онлајн кампања за силеџиство во средните училишта. Кампањата се одвиваше во неколку чекори. Прво, преку отворен прашалник беа добиени информации, податоци и статистики поврзани со силеџиството и намалување на говорот на омраза помеѓу средношколците. Прашалникот доби вкупно 133 одговори од средношколци од различни средни училишта во државата. Главната констатација беше дека моментално врсничкото насилство е застапено во голема мера во училиштата и дека е проблем на кој треба да се обрне повеќе внимание и да се работи на решавање на истиот.  Во вториот чекор младите членови на клубовите со менторството на Панде Ефтимов изработија дизајни според добиените одговори.

Финално, преку онлајн промоција на социјални мрежи беа објавени статистиките и заклучоците од прашалникот во форма на дизајни и беше изработена брошура која беше споделена со средношколци од различни училишта.

Целта на оваа кампања беше да се подигне нивото на свесност и одговорност околу овие прашања.

Сите дизајни можете да ги најдете на следниот линк.