Тимови дебатираа за вклученоста на младите во политичките одлуки

Во Младинскиот културен центар на 31 јануари 2020 се одржа меѓународен културен настан во организација на Младински Сојуз Крушево во соработка со Младински Образовен Форум, беше одржана јавна дебата на која се зборуваше за улогата на младите во носењето на политички одлуки во своите земји и регионот, дали тие се соодветно интегрирани во процесот на носење политики и до кој степен може нивното влијание и вклученост во овој сектор да се зголеми.

Дебатата се одвиваше помеѓу мешани тимови составени од дебатери, членови на МОФ и АУЕБ дебатното друштво од Грција.

Афирмативната страна на оваа дебата беше претставена од Нефели Васиу, Константинос Антонаропулос и Весела Трајкоска додека пак на спротивната страна, негацискиот тим го сочинуваа Бисера Самарџиева, Вангел Ѓорѓиев и Олга Шевцова.

Тезата, која гласеше ‘ОДВД младите треба да бидат вклучени во носењето на одлуките во државата уште од мала возраст’, имаше за цел да ги објасни проблемите со кои младите во регионот се соочуваат како низок младински стандард, односно квалитет на живот, невработеност, загадување, квалитет на образование и дали, односно како, интегрирањето на младите во носењето на политичките одлуки може да ги совлада овие проблеми.

Форматот во кој се дебатираше сочинуваше вкупно шест говори, односно секој од дебатерите имаше по шест минути да го преентира својот случај и да ја одбрани соодветната страна.

Покрај стандардните говори, во дебатата беше вклучен и мал период од 15 минути отворен за прашања од публиката. За време на овој период, гледачите можеа да ги постават сите свои прашања, ставови, мислења и нејаснотии поврзани со тезата која се зборуваше, а тие беа одговорени од страна на шесте говорници.

Дебатната програма на МОФ цели кон тоа постојано да мотивира градење на ставови и мислења за општествени теми поврзани со проблемите на младите. Токму конференции и јавни дебати како оваа се клучни за реализирање на оваа цел и градење на платформи каде тие проблеми можат вистински да бидат слушнати, аргументирани и да се изнајдат нивни решенија.

Дебатерите од Младински Образовен Форум на Светското универзитетско дебатно првенство

Теодора Столевска и Милка Геровска се дебатерките кои ќе го претставуваат МОФ и Македонија на овогодинешното Светско дебатно првенство за студенти во Грција.
Турнирот започна завчера – 27 декември а ќе трае до 04 јануари, локацијата на која 400 тимови ќе ги спротистават нивните дебатни вештини е Универзитетот Македонија во Солун.
Преку 9 прелиминарни рунди полуфинална и финална рунда ќе биде избран овогодинешниот светски првак во дебата.
На турнирот паралелно се одвиваат дебати во три категории :
Open category – во која се натпреваруваат сите на кои англискиот јазик им е мајчин јазик,
English as second language (ESL) категорија – во која се натпреваруваат сите дебатери на кои англискиот им е втор јазик и
English as foreign language (EFL ) категорија во која се натпреваруваат сите учесници на кои англискиот им е странски јазик

Дополнително, тимот на Радио МОФ составен од Димитар Вандовски, Марко Ѓорѓиев и Анте Гулин ги пренесуваат дебатите во живо преку каналот на РадиоМОФ_____
Испраќањето на тим на Светското дебатно првенство придонесува за подобрување и креирање на препознатливост во меѓународната дебатна заедница на македонскокото дебатно друштво .
Во конкуренција на дебатери од универзитети ширум светот, им посакуваме многу среќа и успех на Теодора и Милка.

Зачлени се во Студентските дебатни клубови на МОФ

Младински образовен форум спроведува дебатна програма на студентските дебатни клубови  на неколку факултети во Скопје. Со зачленување во некој од студентските дебатни клубови добиваш шанса да посетуваш едногодишна бесплатна обука по дебата.
Покрај официјалниот дел од обуката, се одржуваат и многу дебатни настани (национални и интернационални), како што се дебатни турнири, јавни дебати, семинари и работилници.

Што е дебата?
Дебатата како организирана активност може едноставно да се дефинира како аргументирана и организирана дискусија на одредена теза меѓу две спротивставени страни.

Што доколку се зачленам во дебатен клуб?
Членувањето во Студентски дебатен клуб е одлична можност да ги подобрите вашите вештини за јавно говорење, аргументирано и структурирано изразување , да запознаете нови млади луѓе, да патувате на многу дебатни турнири во странство како и да организирате многу настани, работилници и јавни дебати.

Каде да се пријавам?
Доколку сакаш да станеш член во некој од Студентските дебатни клубови пополни ја следнава апликација

Скопје Опен 2014 – Прв меѓународен универзитетски дебатен турнир

Меѓународниот турнир Скопје Опен 2014 е во организација на Дебатната програма на Младински образовен форум, и е првиот голем универзитетски дебатен турнир во натпреварувачка дебата во форматот Британска Парламентарна дебата.

Настанот се одржува во Скопје од 7-9 ноември 2014, а на него ќе се натпреваруваат 40 студенти од Македонија но и универзитети од повеќе земји во Европа. На настанот студентите ќе се натпреваруваат во дебати на актуелни глобални тези поврзани со демократијата, човековите права, економските слободи и ѓраѓанското оштество.

Домаќин на настанот ќе биде Правниот факултет „Јустинијан Први“ – Скопје,  во чии простории ќе се одржат 25 прелиминарни дебати, полуфинале и финале.

Финалната дебата на настанот ќе го одбере победникот на турнирот, а ќе се случува на , 9 ноември 2014, во 13:00 часот, во амфитеатар 1, Правен Факултет „Јустинијан Први“.

Целиот турнир како и финалната дебата е отворен за публика и  ќе биде пренесуван во живо на интернет на каналот на Радио МОФЈазикот кој ќе се користи на настанот е англиски.

Тимот на Главни дебатни судии на Скопје Опен кој ќе биде задолжен за креирање на тезите за дебатирање на овој турнир е во меѓународен состав: Стивен Рамеш Раџавинотнан (Warwick Debating Union, Велика Британија), Хелена Иванов (Open communication, Србија), Манос Мосхопулос (Debating Society of Greece, Грција) и Георги Велковски (МОФ, Македонија). На настанот покрај главните судии и дебатерите, учествуваат волонтери и организациски тим.

Клучната мотивација за организирање на овој настан лежи во промоцијата на младите како активни граѓани, и ставање на фокус на перспективите на студентите за креирање на национални и меѓународни политики и стратегии, како и потенцирање на важноста на отворената дебата. Со овој турнир се надеваме дека заеднички ќе дадеме придонес кон развојот на дебатата во Македонија, и позиционирање на нашата земја како релевантна во универзитетската дебата на Европско ниво.

Настанот е поддржан од Фондација Отворено општество – Македонија,  Амбасадата на САД во Скопје и Правниот Факултет „Јустинијан Први“.

Повик за нови членови на дебатниот клуб на Правен факултет

Дебатниот клуб на Првен факултет и оваа година започнува регрутација на нови членови. Сите студенти кои се заинтересирани да членуваат во дебатниот клуб можат да пријават учество преку пополнување на online апликација или лично да се пријават кај асс. Катерина Шапкова. Првата средба на Клубот со новите дебатери е закажана за вторник (15.10), во 16 часот, во амф.7 на Правен факултет.

Дебатниот клуб го практикува форматот Британска парламентарна дебата, наjпознат и најраспространет формат на дебатирање на универзитетско ниво ширум светот. Средбите се случуваат еднаш неделно во просториите на факултетот. Минатата година, членовите на клубот имаа можност покрај редовните предавања, да учествуваат и на меѓуклубски турнир, јавни дебати како и на летна академија.

Дебатниот клуб на Правен факултет,  функционира во соработка со Младински образовен форум.

Јавна дебата – Овој дом верува во политиките на Маргарет Тачер

На 20 јуни во Old School се одржа јавна дебата на тема „Овој дом верува во политиките на Маргарет Тачер“. На дебатата земаа учество предавачи по дебата од Младински образовен форум.

Тимот кој ја бранеше тезата, составен од Стефан Ристовски и Атанас Димитров, аргументираше дека основен двигател на една економија е степенот на инфлација и дека поранешната премиерка на Велика Британија имала целосно право при спроведување на нејзините политики, кои многумина ги сметаат за непопуларни. Противничкиот тим го сочинуваа Стефан Алексиќ и Томислав Тодоровски, кои ја бранеа страната дека политиките на Тачер направиле повеќе штета отколку корист и дека се апсолутно погрешни. Главен аргумент на нивната страна беше дека политиките на Тачер биле насочени да ги заштитат малкуте богати во Велика Британија, а дека целиот товар на развојот на економијата има паднато врз работничката класа и дека токму тоа не смее да се дозволи во ниедна држава.

Публиката на оваа дебата зема учество со прашања и коментари во текот на говорите на секој од говорниците, што ја направи дебатата забавна за сите кои што дојдоа.

Повик за викенд обука и дебатен натпревар по Британска парламентарна дебата

Младински образовен форум и дебатниот клуб на Правниот факултет „Јустинијан Први“ ве покануваат на викенд обука и турнир во Британска парламентарна дебата.

Тренингот ќе се одржи на 21 и 22 април на Правниот Факултет. Пријавете се на обуката и научете за моќта на дебатата, аргументираното говорење и критичкото размислување.

Можете да се пријавите на следниот линк, а право на учество имаат сите студенти, независно од кој универзитет/факултет доаѓаат.  

Во периодот 27-28 април, ќе се одржи и дебатен турнир во истиот формат. Доколку учесниците од тренингот се заинтересирани да учествуваат, во формуларот можат да се регистрираат за турнирот. Официјалниот јазик на турнирот ќе биде англискиот јазик. Најдобриот тим ќе има шанса да го претстави Универзитетот и на меѓународно ниво, на дебатниот турнир Belgrade Open 2013.

За Британска Парламентарна:

Моделот потекнува од Британскиот парламент каде што дебатерите се поделени во два дома. За време на викенд обуката, пријавените ќе слушаат предавања за анализа на теза, аргументирање, оформување на случај и побивање на противничките аргументи.

За проектот „Дебатирај академски“:

Почнувајќи од октомври, Младински образовен форум во соработка со 3 факултети на Универзитетот Св. Кирил и Методиј започна со спроведување на редовни предавања дебата за студентите. На Економскиот факултет – Скопје, Филозофскиот факултет – Скопје и Правниот факултет – Јустинијан Први, во текот на цела академска година, предавачите на МОФ ќе ги водат редовните предавања на дебатните клубови, а академски професори и експерти ќе одржат дополнителни предавања со цел студентите да научат повеќе содржини кои може да им помогнат во дебатите.

Покрај предавања, планирана е реализиција на повеќе јавни дебати, дебатни турнири и летна дебатна академија за студентите на универзитетот со цел практична примена на знаењето и подобрување на дебатерските вештини на студентите-дебатери.

Правен факултет и Младински образовен форум објавуваат повик за обука Британска парламентарна дебата

Povik za BP klubovi MOF i pravenПравниот факултет ,,Јустинијан Први” и Младинскиот образовен форум (МОФ) ве повикуваат да бидете дел од обуката за Британска парламентарна дебата. Британската парламентарна дебата е најпознатиот формат на дебатирање на универзитетскониво и присутен на најголем број универзитети во светот. Моделот на дебатирање е превземен од  британскиот парламент.

Обуката ќе биде во времетраење од два часа, а предавањата ќе ги одржуваат искусни предавачи и дебатери од МОФ.

Право на учество имаат сите студенти на додипломски студии на Правниот факултет од сите насоки.

Со пријавување на овој повик добивате обука за Британска парламентарна дебата, можност за учество на дебатен турнир како и сертификат за успешно помината обука за Британска парламентарна дебата.

Пријавувањето за обуката и турнирот се вршат во тимови од по двајца говорници, најдоцна до 27 ти април 2012.

Апликацијата за учество е достапна за превземање на следниот линк а рокот за пријавување е 24-ти април.

Доколку имате било какви прашања, контактирајте не на pfdebata@gmail.com

Одговорни лица од Правен факултет:
м-р Александар Љ. Спасов
м-р Марко Кртолица

Одговорно лице од МОФ:
Стефан Ристовски