Младинско статус кво – 10 години стагнација: Истражување за младинскиот социјален капитал

Младински образовен форум спроведе истражување за состојбата со младинскиот социјален капитал во земјата, насловено „Младинско статус кво – 10 години стагнација“. Резултатите од истражувањето беа презентирани на online конференција која се одржа на 26-ти јануари, каде беа споделени наодите со претставници на државни институции и младински претставници.

Резултатите од истражувањето упатуваат на недостиг од овозможувачка околина за развивање на социјалниот капитал на младите. Повеќе од половина (54%) од средношколците никогаш не учествувале во решавање на проблем во нивната заедница. Половина од младите сметаат дека грижата кон заедницата не е нивна обврска – младите покажуваат релативно мал интерес за граѓански ангажман, а ¼ од средношколците не би учествувале во волонтерски активности. Младите имаат мала доверба во институциите и во своето дејствување примарно се упатени на примарните групи – семејството и пријателите. За жал, над 80% од младите никогаш за време на нивното образование немале обврска да ги следат тековните општествени настани. Младите не се учат да размислуваат критички и да преземаат одговорност за случувањата во нивната околина, а довербата во општествените институции има тенденција на опаѓање со стапувањето на младите во возрасно доба.

Целта на истражувањето е утврдување на социјалниот капитал (определен како мрежи на споделени норми, вредности и разбирање што поддржуваат соработка во и меѓу групите), ставовите кон и формите на граѓанско учество, како и ставовите и практикувањето на слободата на изразување меѓу младите во Република Северна Македонија. Во рамки на анкетното истражување учество земаа 1960 ученици од средните училишта во земјата и 1833 студенти од јавните високообразовни установи. На конференцијата беше презентирана и Младинската декларација – документ составен од млади чија цел е да се адресираат предизвиците со кои се соочуваат младите во областите образование, младинска невработеност, слобода на изразување, младинско учество, животна средина и препораки како истите да бидат надминати.

На конференцијата присуствуваа Амбасадорот на Европската Унија во Северна Македонија, неговата екселенција Дејвид Гир, Министерката за образование и наука Мила Царовска, директорот на Агенцијата за млади и спорт Наумче Мојсоски, Координатор на клубот на млади пратеници во Собранието на Република Северна Македонија Јован Јаулески, Младен Фрчковски, раководител на одделение за пазар на трудот, Претседателот на Националниот младински совет на Македонија Бојан Петровски кои се осврнаа на наодите од истражувањето и младинската декларација.

Пораките кои ги слушаме од истражувањето се слика и огледало на денешницата, овие проблеми може да се увидат и во други држави во Европа, но најважно е дека младите луѓе бараат подобро образование, зачувување на животната средина, потранспарентни институции како и да бидат вклучени во процесот на носење одлуки а со цел да се слушне нивниот глас – изјави Амбасадорот на Европската Унија, Дејвид Гир. 

Во моментов се уште се наоѓаме во образовен систем кој нуди знаења за факти со недостаток на образование кое поттикнува критичко размислување. Затоа е значајно да поминеме од фактографско знаење во учење кое поттикнува критичко размислување и да создадеме граѓани кои ќе ги предизвикуваат постојните позиционирани факти за да постигнеме развој во општеството – вели во своето обраќање Министерката за образование и наука, Мила Царовска. 

Истражувањето е реализирано во рамки на Проектот за младинско изразување кој МОФ го спроведува во партнерство со Младински сојуз – Крушево и Центар за балканска соработка Лоја, а e финансиран од Европската Унија.

 

Истражувањето е достапно на следниот линк.

VACANCY ANNOUNCEMENT / American Corner Skopje

Position: American Corner Programming and Activities Specialist

Location: American Corner Skopje
Opening date: November 18, 2020 Closing date: December 2, 2020 Start Date: December 16, 2020

The American Corner in Skopje is seeking a reliable, responsible individual with strong communication and program design skills to fill the full-time position of American Corner Skopje Programming and Activities Specialist.
Summary: The American Corners North Macedonia provide information about the United States and encourage dialogue and cooperation between the people of the United States and of the Republic of North Macedonia through learning and professional development opportunities, cultural exchange activities, and the sharing of information resources. The American Corners serve as venues for speeches, discussions, film or video showings, holiday celebrations, English language conversation groups, meetings of people who have studied or traveled in the United States, programs for professional and educational development in an American-style learning environment, and other events as scheduled. The American Corners are supported by the U.S. Department of State and administered through the Public Affairs Section of the U.S. Embassy in Skopje. The Corners also provide access to a collection of books, audio-visual materials, periodicals, online resources, and other information about the United States in English. American Corner personnel assist visitors, design and implement programs to enhance mutual understanding between the United States and North Macedonia, and maintain and safeguard materials, equipment and the premises.

Responsibilities:

Programming
• Create, design, and organize programs and events for American Corner Skopje in cooperation with the other American Corner staff and the U.S. Embassy, with particular emphasis on programs involving science and technology, young people, education, English language learning, and other programs with relevance to U.S. foreign policy goals. This includes planning outreach activities to reach relevant local audiences.
• Prepare venues, promotional material, handouts, logistics, social media content, etc., for programs and events.
• Establish and maintain ties with other American Corners, English language libraries, universities, cultural centers, and similar institutions, and identifying new potential partners around Macedonia.
• Perform other duties and conduct special projects as assigned.
• Serve as a TOEFL and GRE test administrator. Note: TOEFL and GRE test administrator training will be provided.

Communications
• Create and design digital promotional products – posters, flyers and virtual content for the American Corner Skopje social media pages and the official website
• Ensure timely and effective communication with American Corner Skopje members through answering different email inquires
• Provide detailed information on the work and content of programs to interested ACS members and visitors at the Corner

Qualifications:
• Innovative approach to program design adapted to the ACNM annual programming plan and strategy
• Relevant marketing and social media experience is preferred. Relevant experience may include a demonstrated ability to use basic graphic design software, webpage design software, or other technical computer skills for advertising and event organizing. Experience managing content for organizational or business social media accounts is a plus.
• Enthusiastic interest in organizing and publicizing events for young adults is required. Experience planning events and conducting outreach to audiences is preferred.
• A demonstrated ability to build a network of contacts and volunteers across a wide range of fields and demographic groups and then incorporate those contacts into an organization’s activities.
• Competency and experience facilitating and participating in group activities. Must be able to work with people from diverse backgrounds, including youth, adults, elderly and individuals with disabilities.
• Ability to prepare and update written reports and correspondence.
• Excellent demonstrated customer service skills and ability to communicate effectively, clearly, and appropriately with colleagues, external stakeholders, potential visitors, and the general public orally and in writing.
• Knowledge of the history, values, society, culture, and education of the United States of America.
• Ability to communicate effectively orally and in writing in both English and Macedonian. Effective communication in Albanian language is preferred but not required.
• University degree is required.
• Excellent advanced computer skills, including excellent ability to use Microsoft Windows and Microsoft Office.

WORKING HOURS: Full time (approximately 40-hours per week, schedule may vary) position on a yearly renewal. Net monthly salary: 600$. Probation period: 3 months.
Starting date: December 16, 2020

Децата преземаа владин состанок на високо ниво: „За децата, од децата – иднината на образованието“

По повод 20ти ноември, Светскиот ден на Младите, Младински образовен форум, во соработка со УНИЦЕФ, Делегацијата на Европската Унија и Владата на Република Северна Македонија организираше Kids Takeover – преземање на владиниот состанок на високо ниво од страна на младите средношколци од земјата.

На овој состанок, под мотото „Како ја замислуваш ти иднината на образованието?“, младите средношколци имаа можност да ги претстават своите ставови по ова прашање пред членовите на Владата.

На средбата присуствуваа претседателот на Владата г. Зоран Заев, министерката за образование и наука г-а Мила Царовска, министерката за труд и социјална политика г-а Јагода Шахпаска, министерот за животна средина и просторно планирање г. Насер Нуредини, претставничката на УНИЦЕФ во Република Северна Македонија г-а Патриција Ди Џовани и шефот на делегацијата на Европската Унија г. Дејвид Гир. Тие заедно со 6 младински застапници зборуваа за иднината на образованието во Република Северна Македонија.

Шесте младински застапници од повеќе училишта ги презентираа своите излагања, каде се фокусираа на:

  • Подобрување на квалитетот на предавањето;
  • Намалување на дигиталниот јаз во образованието;
  • Менталното здравје и меѓуврсничкото насилство во образованието;
  • Вреднувањето на вештините за учење наспроти помнењето факти;
  • Трансформација кон еко-училишта;
  • Квалитетно и инклузивно образование;

Во нив, тие ги наведоа клучните проблеми и недостатоци со кои, според нив, образованието во нашата земја се соочува и дадоа голем број на совети и препораки за тоа што можат институциите да направат за нивно решавање.

Дел од изјавите на младинските застапници беа:

„Кога станува збор за праведното образование треба да се бориме со сите сили првенствено да го оствариме и да не го загрозиме основното право на секое дете, а тоа е правото на образование. Првенствено треба да започнеме со едукација на најмалите, односно да се избориме со сите пречки и бариери кои ќе ни ја попречат еднаквоста, а потоа и инклузијата.“ – Христина Јовчевска, средношколка.

„Нашите училишта со ниската енергетска ефикасна градба и со тоа што голем дел од нив се греат на нафта, мазут или јаглен влијаат врз загадувањето, како и на климатските промени. Образованието за климатски промени и еколошкото образование се на многу ниско ниво. Да не дозволиме да дојде до време кога нема да може да се направи ништо.“ – Васил Ханџиски, средношколец.

„Учениците повеќе учат и памтат факти отколку да се подготвуваат за критичко и аналитичко размислување, да се развива слободарскиот дух, што значи дека учениците треба да ја разиваат слободата на мислење и на изразување! Подобрувањето на начинот на учење во ниту еден случај не може да се постигне само преку една институција или пак личност, ниту пак за еден ден, туку треба да биде колективен напор од сите страни, вклучително и учениците и професорите.“ – Ерјона Азизи, средношколка.

„Сакаме да живееме во држава во која различностите ќе бидат гледани како мост помеѓу нас-обичните луѓе со секој со своја необична приказна. Сакаме да живееме во систем во кој кон менталните нарушувања нема да се гледа со презир, туку ќе се пристапува со емпатија. Сакаме низ образовниот процес секој ученик да го добие потребното внимание, а силеџиството да се санкционира најстрого, без исклучоци.“ – Сара Ковачовска, средношколка.

„Во моментот додека јас зборувам тука пред Вас, 40.000 мои соученици се приморани да бидат исклучени од моменталниот образовен процес и да ја следат наставата преку своите телевизори. Финансиската состојба не треба и не смее да биде предуслов за еднакво достапно образование.“ – Кудрет Феризи, средношколец.

„Квалитетната настава претставува предуслов на едно развиено општество. Креирањето и спроведувањето на квалитетната настава знае да биде предизвик. Некогаш е тешко да се фокусираме и да го најдеме крајот од каде треба да започнат промените, меѓутоа никогаш не треба да престане работењето кон подобрување на наставата.“ – Кристијан Поповски, средношколец.

На ваквиот настан, минатата недела му претходеше и тридневна обука во која младинските застапници ги изградија вештините преку кои ќе се застапуваат за квалитетно реобмислување на образованието. На оваа обука тие учеа за младински политики, квалитетно образование, основи на јавно говорење и градење на квалитетни аргументи со цел да се подготват да го преземат денешниот владин состанок.

 

Просторна интервенција – Судентски Дом „Пелагонија“

На 17 октомври 2020 година Младински образовен форум во соработка со Здружението за развој на урбана култура и актуелизација на простор МЕЛЕЕМ Скопје во рамки на проектот „Ангажирани студенти за студентски домови без корупција во Северна Македонија“ поддржан од Фондацијата Отворено општество ја постави првата мала просторна интервенција во студентскиот дом „Пелагонија“ – Скопје.

Идејата за оваа мала просторна интервенција произлезе од Работилницата за мали просторни интервенции во студентските домови која се одржа во февруари а во која учествуваа студенти по архитектура од целата држава, меѓу кои и студенти – станари во студентскиот дом „Пелагонија“.

Со неа, се збогатува и оплеменува просторот во кој ќе престојуваат студентите и се создава дополнителен простор во кој студентите, на отворено ќе можат да го поминуваат своето време.

Оваа мала просторна интервенција е прва од низата просторни интервенции во државните студентските домови „Пелагонија“ – Скопје, „Кочо Рацин“ – Битола и „Браќа Миладиновци“ – Штип.  Во текот на месец октомври ќе се реализираат уште две просторни интервенции во домовите „Кочо Рацин“ и „Браќа Миладиновци“.Инаку, тренер и ментор на оваа мала просторна интервенција беше Сара Симоска а тимот кој работеше на идејата беше составен од студентите : Иво Лазароски, Тамара Џерков, Сенад Дослјак, Емилија Ѓорѓиоска, Ангела Таневска и Љупка Коцева.

Виртуелна средба со претставници од Министерството за животна средина и просторно планирање

Овој понеделник, 05.10.2020, членови на младинските клубови на МОФ имаа можност да присуствуваат на онлјан посета на државна институција и виртуелно да се сретнат со претставници на Министерстворо за животна средина и просторно планирање и да разговараат со нив за надлежностите на Министерството.

Учесниците активно се вклучија во дискусија и поставуваа прашања поврзани со аерозагадувањето во претстојната грејна сезона, дилемите поврзани со отпадот, рециклирањето, екологијата во гратските подрачја, но и за заштитата на природните богатства и заштитата на езерата на нашата джава.

Учесниците на посетата беа информирани за начините на кои можат да контактираат со Министерството како и каде да се обратат кога сметаат дека истото треба да интервенира во согласност со нивните надлежности.

Посетата беше организирана во рамките на Ангажирање на младите за студентски и младински политики финансиран од Фондација Отворено општество – Македонија.

Симулација на судење: Семејно право

Членовите на напредниот клуб Учиме право од Скопје, под менторство на Јордан Јованов, спроведоа симулација на постапка пред Европскиот суд за човекови права од областа на Семејното право. Младите се стекнаа со практични вештини кои им овозможија одблизу да се запознаат со работата на институциите и самите тие да бидат дел од едно импровизирано, но сепак прецизно, судење пред меѓународна институција. Постапката беше од областа на Семејното право и учениците покажаа одличен успех во спроведувањето на истата.

Претседател на судски совет – Тамара Кунцулова

Членови на судски совет – Катја Зенделска и Бојана Тренчевска

Апликант – Ема Мицевска

Полномошник на апликантот – Ангела Илиева Владин агент – Марија Ангеловска

Сведоци:

Вешто лице психијатар – Николина Стојановска

Претставник од центар за социјална работа – Драгица Јовановска

Дете – Тамара Атанасоска

Симулацијата е дел од Проектот за младинско изразување. Проектот е финансиран од Европската Унија.

Особена благодарност на Јордан Јованов и членовите на Учиме право кои прецизно ги одиграа улогите.

Целата симулација можете да ја погледнете на следниот линк:

Учиме право клубовите се дел од Проектот за младинско изразување и работат со финансиска поддршка од Фондација Отворено општество – Македонија .

Студиска посета на Собранието на Република Северна Македонија

30-тина членови на Учиме право клубовите кои функционираат во Скопје, на 20.2.2020 година учествуваа во организирана посета на Собранието на Република Северна Македонија.

Средношколците имаа прилика одблиску да се запознаат со работата и просториите на законодавниот дом, односно дознаа каде Претседателот на Собранието дава изјава за медиуми, каде ги пречекува останатите функционери и гости, но и главната просторија каде се одржуваат главните седници со избираните претставници од народот.

Целта на овие посети е запознавање на младите со работата на институциите и поттикнување на младите за нивна проактивност во понатамошна соработка и пристап до државните институции кои би придонеле кон адресирање и решавање на нивните проблеми и прашања.

Учиме Право клубовите функционираат со поддршка на проектот за Ангажирање на младите за студентски и младински политики финансиран и Проектот за младинско изразување.

 

„Популаризирање на руралноста – Потенцијалите на руралното коработење и ефектот врз миграциските трендови на младите во РСМ“

„Популаризирање на руралноста – Потенцијалите на руралното коработење и ефектот врз миграциските трендови на младите во Република Северна Македонија“

Истражувачи: Елена Андонова и Ѓорѓи Димески

Ментор: Марјан Петрески

Во рамките на внатрешните миграции, долгогодишната политика на моноцентричен развој во Република Северна Македонија резултираше во концентрација на 25% од населението во Скопскиот плански регион, посебно во градот Скопје, заедно со алоцирање на најголем дел од вкупните инвестиции во овој регион. Овие миграциски движења во комбинација со емиграцијата во странство доведоа до депопулација и намалување на економскиот и културниот потенцијал во руралните подрачја. Во исто време, глобалните економски трендови се оттргнуваат од традиционалните сектори (производство, земјоделство и сл.) кон она што стана познато како „економија на знаење“, т. е. економски сектори карактеризирани со висококвалификувани работници, мала потреба од алати за работа и висока мобилност на трудот. Ваквата мобилност донесе нови потенцијали за миграција на одреден вид работници (таканаречени фриленсери) вклучени во економијата на знаење.

Еден од главните начини, кои оваа студија ги анализира, е потенцијалот на местата за коработење т. е. заедничките простори во кои фриленсерите би можеле да работат и да живеат. Иако студијата заклучува дека потенцијалот за трајна миграција е минимален кај помладата популација, авторите заклучуваат дека и краткорочното работење во руралните средини би имало некакви придобивки, како кон фриленсерите, така и кон руралната средина. Краткорочните миграции, сепак, би понудиле некаква шанса за вклучување на локалното население, барем преку зголемената побарувачка на добра и услуги која напливот на мигранти (трајни или краткорочни) ќе ја предизвика во руралните средини.

Главните наоди добиени од истражувањето, како и заклучоците од истото се:

* 25% од вкупното население живее во Скопскиот плански регион, со акцент на градот Скопје, иако по површина овој регион е најмал од 8-те плански региони.
* Р. Северна Македонија е трета држава во светот по бројот на фриленсери.
* Најголемата категорија на иселеници од руралните средини е младо работоспособно население кое ја напушта руралната средина заради ниски образовни и кариерни можности.
* Работниците од креативната класа имаат минимално влијание врз стапката на вработеност на локалното население во руралната средина, но големо влијание врз социоекономскиот раст (диверзитет на бизнис средина, иновативност, внесување дигитални технологии итн).
* Се појавува и тренд на контраурбанизација во кој млади професионалци се преселуваат во руралните средини.

Истражувачкиод труд може да се најде во електронкса форма на Issuu профилот на Младински образовен форум – https://issuu.com/youtheducationalforum/docs/popuraliziranje_na_ruralnosta 

Ова истражување беше изработено во рамки на Проектот за образовни центри за советување и алумни стипендисти на Фондациите Отворено oпштество. Проектот имаше за цел да ги поврзе капацитетите и ресурсите на Младински образовен форум со знаењето и искуството на алумни стипендистите на Фондациите Отворено општество во корист на млади истражувачи, студенти и пошироката јавност во Северна Македонија. Со овој проект беа искористени капацитетите на алумни стипендистите, со цел да ги споделат своите знаења со младите кои за прв пат се занимаваат со општествено релевантни истражувања и заедно да придонесат во креирање на квалитетни анализи кои ќе помогнат да се подобрат политиките или да се подигне свеста за важни прашања во Северна Македонија.

 

 

 

Оглас за работно место – Американско катче

Амерканското катче во Скопје бара стабилна и одговорна личност која има јаки комуникациски вештини за исполнување на обврските на оваа позиција како координатор на Американското катче

ПОЗИЦИЈА: Координатор на американско катче
ЛОКАЦИЈА: Американско катче Скопје

ОТВОРЕНА НА ДАТУМ: 9 мај 2019 година
ДАТУМ НА ЗАТВОРАЊЕ: 23 мај 2019 година

 

The American Corner in Skopje is seeking a reliable, responsible individual who has strong communication skills to fill the full time position of American Corner Coordinator.

POSITION:   American Corner Coordinator
LOCATION:  American Corner Skopjе

OPENING DATE:    May 9th, 2019
CLOSING DATE:    May 23rd, 2019

Summary: The American Corners of North Macedonia provide information about the United States and encourage dialogue and cooperation between the people of the United States and of the Republic of North Macedonia through learning and professional development opportunities, cultural exchange activities, and the sharing of information resources.  The American Corners serve as venues for speeches, discussions, film or video showings, holiday celebrations, English language conversation groups, meetings of people who have studied or traveled in the United States, programs for professional and educational development in an American-style learning environment, and other events as scheduled.  The American Corners are supported by the U.S. Department of State and administered through the Public Affairs Section of the U.S. Embassy in Skopje.  The Corners also provide access to a collection of books, audio-visual materials, periodicals, online resources, and other information about the United States in English.  American Corner personnel assist visitors, design and implement programs to enhance mutual understanding between the United States and North Macedonia, and maintain and safeguard materials, equipment and the premises.

 

Responsibilities:

Supervisory and Planning

  • Serve as the primary point of contact with the U.S. Embassy for the American Corner in Skopje
  • Work with the U.S. Embassy American Corners POC to coordinate and plan future American Corner activities. This will include weekly, monthly, and quarterly communications, meetings, or conference calls.
  • Develop periodic strategic plans and lead staff at American Corners locations in Skopje in implementing innovative programs that align with the Embassy’s goals and priorities and share American culture and values with audiences, giving particular emphasis on engagement with young adults.
  • Oversee social media engagement of American Corner Skopje and design new social media campaigns that will enhance follower engagement and drive growth in participation in events.
  • Plan and facilitate daily, weekly, and monthly events to encourage socialization, relaxation, and recreation.
  • Supervise, coach, and evaluate performace of two part-time staff in organizing events and programs and running the corner on a day-to-day basis.  Keep time and attendance of staff and ensure the corner’s operations during open hours.
  • Coordinate and organize all American Corner Skopje reporting efforts to include monthly reports, annual reports and quarterly newsletter.
  • Train volunteers, interns, residents, and community members to assist with American Corner Skopje’s programs.

 

Programming

  • Create, design, and organize programs and events for American Corner Skopje in cooperation with the other American Corner staff and the U.S. Embassy, with particular emphasis on programs involving science and technology, young people, education, English language learning, and other programs with relevance to U.S. foreign policy goals. This includes planning outreach activities to reach relevant local audiences.
  • Prepare venues, promotional material, handouts, logistics, social media content, etc., for programs and events.
  • Establish and maintain ties with other American Corners, English language libraries, universities, cultural centers, and similar institutions, and identifying new potential partners around Macedonia.
  • Performi other duties and conduct special projects as assigned.
  • Serve as a TOEFL and GRE test administrator. Note: TOEFL and GRE test administrator training will be provided.

 

 Qualifications:  

  • Experience supervising others in an office or educational setting is preferred but not required. The ideal candidate will have sufficient professional maturity and experience in an office setting designing and carrying out educational programming for a young adult audience in order to supervise others in this primary task.
  • Relevant marketing and social media experience is preferred. Relevant experience may include a demonstrated ability to use basic graphic design software, webpage design software, or other technical computer skills for advertising and event organizing.  Experience managing content for organizational or business social media accounts is a plus.
  • Enthusiastic interest in organizing and publicizing events for young adults is required. Experience planning events and conducting outreach to audiences is preferred.
  • A demonsterated ability to build a network of contacts and volunteers across a wide range of fields and demographic groups and then incorporate those contacts into an organization’s activities.
  • Competency and experience facilitating and participating in group activities. Must be able to work with people from diverse backgrounds, including youth, adults, elderly and individuals with disabilities.
  • Ability to prepare and update written reports and correspondence.
  • Excellent demonstrated customer service skills and ability to communicate effectively, clearly, and appropriately with colleagues, external stakeholders, potential visitors, and the general public orally and in writing.
  • Knowledge of the history, values, society, culture, and education of the United States of America.
  • Ability to communicate effectively orally and in writing in both English and Macedonian. Effective communication in Albanian language is preferred but not required.
  • University degree is required.
  • Excellent advanced computer skills, including excellent ability to use Microsoft Windows and Microsoft Office.

WORKING HOURS:  Full time (approximately 40-hours per week, schedule may vary) position on a yearly renewal.  Net monthly salary: 600$ and all standard benefits are included.

Starting date:  June 2019 (exact start date to be determined)

 

To Apply:   Interested candidates for this position should submit a CV or resume and cover letter to acmvacancies@state.gov with an email subject line reading “ACS Coordinator” Only selected candidates will be contacted for an interview.

Посета на Советот на Општина Куманово

На ден 13 март 2019 година членовите на Младински образовен форум од почетниот клуб на Учиме право од Куманово беа присутни на седницата на Советот на Општина Куманово. Советниците заедно со Претседателот на Советот им објаснија за тоа што претставува Совет ,кој го сочинува Советот, зошто се одржува седницата на Советот и колку е важно да се оддржуваат седници на Советот на Општина. Учесниците имаа можност и да присуствуваат на самата седница и да го согледаат начинот и функционирањето на седниците на советот и одблиску да се запознаат со нивната работа.

Активноста се спроведува во склоп на проектот: Ангажирање на младите за студентски и младински политики, поддржан од Фондацијата Отворено општество – Македонија.