Студентски акции во студентските домови

Младински образовен форум во рамките на проектот „Студентски домови без корупција“ објавува повик за предлог-концепти за креирање студентски акции за подобрување на условите во државните студентски домови. Повикот е наменет за студентите кои престојуваат во државните студентски домови: ДСД „Стив Наумов“, ДСД „Гоце Делчев“ и ДСД „Кузман Јосифовски- Питу“.

Повикот има за цел да ги поддржи студентите во реализација на нивните студентски акции од различен карактер за подобрување на условите за престојување во домовите. Доколку сметате дека преку акцијата можете да ја подобрите состојбата на домовите, аплицирајте со свој предлог-концепт согласно насоките од овој повик. Организацијата на избраните студентски акции ќе биде помогната од ментор кој ќе работи со тимовите.

МОФ ќе ги поддржи најдобрите предлог-концепти кои се однесуваат на барем една од наведените области:

  • Реновирање и ревитализирање на постоечките објекти и простории во студентските домови;
  • Создавање на нови простори кои се од корист на студентите;
  • Подобрување на животната средина во студентските домови;
  • Подобрување на студентскиот стандард преку образовни и културни активности.

На повикот може да се пријават тимови од студенти кои престојуваат во некој од студентските домовите, составени од најмалку 3 членови. Членовите на тимот ќе поминат циклус обуки за развивање и подобрување на предлог-концептите. Студентите од тимот што ќе аплицираат со предлог-концепт потребно е да се станари на студентскиот дом каде би сакале да ја реализираат студентската акција.

Во рамките на повикот ќе бидат избрани шест најдобри предлог – концепти, по два предлог-концепти за студентски акции по студентски дом. Настаните ќе се реализираат во месец мај  2019. Буџетот за секој од избраните предлог – концепти за акција изнесува максимум 43.000 денари. Сите тимови ќе работат со ментор ангажиран од страна на МОФ, кој ќе ги води низ процесот.

Сите заинтересирани тимови можат да се пријават најдоцна до 24 април 2019 година (среда), преку испраќање пополнет предлог – концепт и предлог буџет за акцијата на следниов мејл: martina_ilievska@mof.org.mk и bojana_nizamovska@mof.org.mk.

Апликацијата за предлог – концептот и предлог буџетот можете да ги презетме од тука

Лице за контакт:
Мартина Илиевска,
Програмски координатор
martina_ilievska@mof.org.mk
02/3139 692

„Проектот е финансиран од Фондација Отворено општество – Македонија. Содржината е единствена одговорност на авторите и на грантистот, и на ниту еден начин не може да се смета дека ги изразува гледиштата и ставовите на Фондацијата Отворено општество – Македонија.“

Ана Франк – Историја за денес

Патувачката изложба „Ана Франк – Историја за денес“ во Свети Николе

Младински образовен форум на 27.02.2019 со почеток од 18:00 часот во Дом на култура „Крсте Мисирков“ во Свети Николе, ја отвори патувачката изложба „Ана Франк – Историја за денес“. Изложбата ќе биде отворена за посетители до 13-ти март 2019 година од 07:00 часот до 19:00 часот, а влезот е бесплатен.

Водичи на оваа изложба се млади волонтери – средношколци кои поминале обука да ја раскажат приказната за животот на малата Ана.
Патувачката изложба „Ана Франк – Историја за денес“ е посетена од над пет милиони посетители во над четириесет држави во светот. Таа е една од најпознатите светски едукативни изложби кои се однесуваат на холокаустот и човековите права. Изложбата е составена од триесет и девет изложбени панели кои ја раскажуваат приказната за Ана Франк, истовремено раскажувајќи за Холокаустот и Втората светска војна. Прикажува фотографии од детството на Ана, подемот на нацизмот, погромот на Евреите и реакциите на луѓето. Се ова е раскажано преку животот на едно семејство. Изложбата ја дополнуваат седум панели за домашниот контекст во периодот по Втората светска војна до денес. Овие панели се изработени од домашните експерти Мишо Докмановиќ и Бесник Емини.
Изложбата во Македонија е изработена и донесена во рамки на проектот „Хисторија, Историја, Повјест – Лекции за сегашноста“ кој е поддржан од Европската унија, а поддршка доби и од Министерството за надворешни работи, Министерството за култура, Министерството за образование и наука, Меморијалниот центар на холокаустот на Евреите од Македонија и Амбасадата на Кралството Холандија. До сега, беше поставена во 20 градови, а ја посетија повеќе од 18 илјади посетители.

Проектот има за цел да го покрене вниманието и поттикне дискусија за настаните од блиското минато на Западен Балкан кои се причина за различни поделби и генерирање на конфликти во минатиот век. Преку промовирање на критичко размислување за настани од историјата и нивното значење во современото време и случувања, целта на Anna Frank House и партнерите е да се постигне помирување преку дијалог за заедничкото минато.

Повик за Медиа/Арт клуб – Скопје

Повик за нови членови на Медиа/Арт клубовите на МОФ

Креативен/на си и сакаш активно да и помогнеш на локалната заедница? Медиа/Арт клубовите на МОФ се вистинското место за тебе! Пријави се на повикот за нови членови на Медиа/Арт клубот Скопје најдоцна до 1-ви февруари 2019 година.

Што е Медиа/Арт клуб?

Медиа/Арт клубовите на Младински образовен форум (МОФ) се место за слободно и креативно изразување на младите. Во моментов постојат 5 клубови, и тоа во: Скопје, Тетово, Битола, Куманово и Велес. Содржините кои младите членови на Медиа/Арт клубовите ги создаваат имаат цел да поттикнат размислување и дејствување на конкретна општествена тема од нивен интерес за помагање на локалната заедница преку младински активизам.

Зошто Медиа/Арт?

Членовите на овој клуб преземаат акции и учат за креативен активизам; онлајн активизам; граѓански активизам; слобода на изразување; стереотипи, предрасуди и дискриминација; сајбер булинг и медиумска писменост. Уредуваат јавни простори, дизајнираат од реупотребливи материјали; пишуваат вести и изработуваат весници и користат уметност за активизам. Целта на секој клуб е да го обучи членот независно и самоуверено да ги користи алатките кои се изучувале, но и да обезбеди безбедна, здрава и поддржувачка средина за младите да можат да ги изразат своите ставови, да се изградат себеси, да истражуваат и да грешат. Преку овој став, младите ги гледаат клубовите како место каде што се слободни, можат да пробуваат нови нешта без осуда дека се добри или лоши во нештата кои ги изведуваат. Тие се ослободуваат од стегите наметнати од околината и самостојно избираат за себе. Младите ги градат своите капацитети, дознаваат повеќе за себе и околината, стекнуваат вештини и знаења, креираат нов круг на пријатели и познаници, учат за почит и одговорност и се забавуваат.

Медиа/Арт клубовите на МОФ ќе ги обезбедат сите потребни материјали за работа, како и предавачите со кои ќе соработуваат членовите, ваше е само да дојдете и да го понесете креативниот дух.

Работен јазик на работилниците е македонски.

Каде да се пријавам?

Сите заинтересирани млади на возраст од 15 до 25 години од Скопје можат да се пријават тука најдоцна до 1-ви февруари (петок) 2019 година. Доколку имате некое прашања, пишете ни мејл на Ivona_kuzmanovska@mof.org.mk. Очекувајте го нашиот мејл или повик со известување за почетокот на работилниците.

Активностите на Медиа/Арт клубот во Скопје се дел од проектот „Поддршка на младински активизам преку онлај медиуми“ поддржани од National Endowment for Democracy (NED)

 

Reborn Park во Велес

Медиа/Арт клубот – Велес на Младински образвовен форум, на ден 22.12.2018, со почеток од 12:00 часот, во дворот на НВО во Велес, го организира завршниот настан на клубот „Reborn Yard“.

Преку овој настан се планира интервенција во јавниот простор, поточно ќе се изврши репарирање и менување на покривната конструкција на Летниковецот, ќе се изврши фарбање на неговата конструкција, како и на клупите и постоечката маса. Исто така се планира покривање на ѕидот на зградата од Домот на НВО кој е нагрден со невкусни графити и на некои места е оштетена фасадата на Домот на НВО.

Целта е подигање на свеста кај граѓаните за уреден и незагаден јавен простор, искористување на јавниот простор и негово разубавување. Исто така, преку овој настан ќе се мотивираат и вклучат младите во разубавување на јавниот простор и би се промовирале волонтерските вредности, со што би испратиле позитивна порака во локалната заедница.

Сите велешани и велешанки, кои сакаат да учествуваат и да помагат за време на оваа акција се добредојдени.

Медиа/Арт клубовите се место за млади луѓе кои сакаат креативно да ги изразат своите ставови и идеи. Младите членови добиваат можност да научат како да снимаат видеа и аудио прилози, да создадат фото приказни, да научат за перформативна и урбана уметност и да ги користат новите медиуми и техники на уметност со цел да се постигне младински активизам и помагање на локалната заедница. Предавањата во Медиа/Арт клубот ги држат млади луѓе со искуство во ова поле на дејствување. Овие клубови спаѓаат под Програмата за младински активизам.

„Проектот е финансиран од Фондација Отворено општество- Македонија.“

Затворен фестивалот Movies that Matter

Со проекции во 5 градови, заврши филмскиот фестивал Movies That Matter

Младински образовен форум заедно со Амбасадата на Кралството Холандија од 4-ти до 16-ти декември 2018 го организираше филмскиот фестивал Movies that matter (Филмови што вредат), посветен на човековите права. Во рамки на филмскиот фестивал беа организирани 5 филмски проекции на документарни филмови со фокус на човековите  права во: Велес, Тетово, Скопје, Куманово и Битола. На фестивалот беа прикажани филмовите: Truth Detectives (Германија); Joshua: Teenager vs. Superpower, (САД) и Algo Mio, Argentina’s Stolen Children (Германија).

На настанот во Скопје, кој се одржа на 10-ти декември во Кафе и филм Котур се одржа дискусија на тема: „Новите генерации за човековите права“, на која говорници беа: Стефан Дојчиноски, активист за човекови права; Јована Јовановска од Хелсиншкиот комитет за човекови права и Даниел Евросимоски, новинар во Радио МОФ.

Јована Јовановска од Хелсиншкиот комитет за Човекови права изјави: „Промоцијата на човековите права е првиот чекор кон градење на свесни и активни граѓани во едно општество, а младите се оние на кои треба да се стави фокусот. Најважно е да веруваме дека можеме да промениме нешто, дека секоја неправда и прекршување на туѓо право не засега сите нас и дека не смееме да правиме ниту најмал компромис кога се во прашање човековите права.“

Даниел Евросимоски, новинар во Радио МОФ, вели: „Сведочиме и пишуваме како правото на живот, достоинство, приватност или еднаквоста пред законот се под постојана закана од загадувањето, сиромаштијата, нелегалните прислушувања и амнестиите. Проблемите најчесто не се во правните акти, туку во политичката култура и ниската јавна свест. Работите можат да се менуваат само преку малку повеќе храброст, смелост и активност на граѓаните во нивната реакција на кршењето на човековите права и неправдите кои ги окружуваат.“

На дискусијата Стефан Дојчиноски, активист за човековите права изјави: „Денес повеќе од било кога мораме да инсистираме на човековите права бидејќи тие преку нивната универзалност ја создаваат можноста за граѓанинот да се постави во својата радикална некоинциденција со сопствена позиција во даденоста и со тоа да го истакне прашањето за она што е погрешно во општеството“.

Говорници на проекциите беа и: Санела Шкријељ од Министерството за труд и социјална политика,  Исмет Шабановиќ активист за човекови права, Сибел Амет и Вилдан Дрпљанин, активисти и вработени Хелсиншкиот комитет за човекови права,  кои говореа за младите како борци за човекови права и поддршката која жртвите треба да ја добијат од институциите. Проекциите беа организирани во Кафе и филм Котур во Скопје, Градска библиотека „Гоце Делчев“, Центар за Балканска соработка Лоја Тетово, Младински центар MultiКулти Куманово, НУ Центар за култура Битола.

Movies that matter ја користи моќта на филмот за поддршка на човековите права и социјалната правда, а филмскиот фестивал служи како уникатна платформа за дијалог за јавноста, експерти, уметници, креатори на политики, новинари и граѓанско општество. Филмовите ставија фокус на заштита на човековите права од неколку аспекти: злосторства против човештвото, воени злосторства, транзиционална правда, социјални здружувања, слобода на говор, новинарство, медиуми и пропаганда.

Парквенција во Скопје

Медиа/Арт клубот Скопје на Младински образовен форум во сабота на 22-ри декември со почеток во 12 часот ќе спроведе интервенција во јавен простор на паркчето кое се наоѓа на ул. 50-та Дивизија веднаш до спортското игралиште.

Младите креативци ќе ги обноват, реставрираат и поправат веќе постоечките делови од паркчето, како што се клупите, лулашките и трансформаторите. Но, исто така ќе постават и различни арт инсталации кои дополнително ќе ја збогатат и разубават естетиката на паркчето.
Целта на членовите на клубот е да се крене свеста кај младите за самоиницијативно организирање и општествено дејствување.

Медиа/Арт клубовите се место за млади луѓе кои сакаат креативно да ги изразат своите ставови и идеи. Младите членови добиваат можност да научат како да снимаат видеа и аудио прилози, да создадат фото приказни, да научат за перформативна и урбана уметност и да ги користат новите медиуми и техники на уметност со цел да се постигне младински активизам и помагање на локалната заедница. Предавањата во Медиа/Арт клубот ги држат млади луѓе со искуство во ова поле на дејствување. Овие клубови спаѓаат под Програмата за младински активизам.

Проектот е финансиран од Фондација Отворено општество- Македонија.

Mедиа/Aрт еко акција во Тетово

Медиа/Арт клубот на Младински образовен форум од Тетово во сабота на 15.12.2018 година, со почеток од 11:00 часот, ја реализираше јавната акција „Види! Размисли! Реагирај!.

На три централни локации во Тетово се поставија знаци со информативни пораки кои се однесуваат на подигнување на свеста за загадувањето на животната средина. Знаците на креативен начин го претстават проблемот со загадувањето, еден од главните проблеми со кои се соочува Тетово како град. 

Интервенцијата на јавниот простор се реализираше на јавниот простор кај парковите: ул. Јане Сандански (до Бургер Хаус), паркот „Ајдучко маало“ и „Жена парк“. Покрај поставувањето на знаците, членовите на клубот организираа еко – акција за расчистување на јавниот простор и снимаа изјави од случајни минувачи, кои подоцна ќе бидат претставени во кратко видео поврзани со целите на јавната акција.

„Со денешната акција сакаме на креативен начин да апелираме до надлежните институции за поголема грижа на јавниот простор во градот, а од друга страна целта ни е преку пораките напишани на таблите да ја подогнеме свеста  за зачувување на животната средина и да се намали загадувањето. Кога граѓаните ќе прочитаат колку време треба да се разгради пластично шише, ќеса, отпушок ќе се размислат дали ќе ја загадат средината.“ изјави Бобан Костадиновски – локален координатор на Младински образовен форум од Тетово.

Идејата за поставување на знаци со креативни пораки на три јавни локации во градот, потекна од средношколци и студенти членови на Медиа/Арт клубот од Тетово. Тие преку повеќемесечни работилници развија идеја за јавен настан кој ќе има за цел да влијае на сите граѓани за намалување на загадувањето, имајќи го во предвид фактот дека Тетово е еден од градовите со најзагаден воздух и загаденост на животната средина, а свеста на граѓаните е на ниско ниво.

„Проектот е финансиран од Фондацијата Отворено општество – Македонија“, а спроведуван од Младински образовен форум.

Види! Размисли! Реализирај!

Медиа/Арт клубот на Младински образовен форум од Тетово во сабота на 15.12.2018 година, со почеток од 11:00 часот, на три централни локации во Тетово ќе постави знаци со информативни пораки кои се однесуваат на подигнување на свеста за загадувањето на животната средина. Знаците на креативен начин ќе го претстават проблемот со загадувањето, еден од главните проблеми со кои се соочува Тетово како град.

Интервенцијата на јавниот простор ќе биде на парковите: ул. Јане Сандански (до Бургер Хаус), паркот „Ајдучко маало“ и „Жена парк“. Покрај поставувањето на знаците, членовите на клубот ќе организираат еко – акција за расчистување на јавниот простор и ќе се снимаат изјави од случајни минувачи, кои подоцна ќе бидат претставени во кратко видео.

Акцијата ќе започне во 11:00 часот од ул. Јане Сандански (до Бургер Хаус), и сите кои се заинтересирани можат да ни се приклучат.

Целта на оваа акција е да се подигне свеста за зачувување на животната средина и да се намали бројот на граѓани кои секојдневно го загадуваат амбиентот.

„Проектот е финансиран од Фондацијата Отворено општество – Македонија.“.

Медиа/Арт клубот на Младински образовен форум од Тетово во сабота на 15.12.2018 година, со почеток од 11:00 часот, на три централни локации во Тетово ќе постави знаци со информативни пораки кои се однесуваат на подигнување на свеста за загадувањето на животната средина. Знаците на креативен начин ќе го претстават проблемот со загадувањето, еден од главните проблеми со кои се соочува Тетово како град.

Интервенцијата на јавниот простор ќе биде на парковите: ул. Јане Сандански (до Бургер Хаус), паркот „Ајдучко маало“ и „Жена парк“. Покрај поставувањето на знаците, членовите на клубот ќе организираат еко – акција за расчистување на јавниот простор и ќе се снимаат изјави од случајни минувачи, кои подоцна ќе бидат претставени во кратко видео.

Акцијата ќе започне во 11:00 часот од ул. Јане Сандански (до Бургер Хаус), и сите кои се заинтересирани можат да ни се приклучат.

Целта на оваа акција е да се подигне свеста за зачувување на животната средина и да се намали бројот на граѓани кои секојдневно го загадуваат амбиентот.

„Проектот е финансиран од Фондацијата Отворено општество – Македонија.“.

Movies That Matter по втор пат

 „Movies that matter“ – филмски фестивал за документарен филм

Од 4-ти до 16-ти декември, Младински образовен форум во соработка со Амбасадата на Кралството Холандија, го организираат по втор пат филмски фестивал за документарен филм „Movies that matter“, чија цел е одбележување на Меѓународниот ден на човековите права, 10-ти декември.  Фестивалот ќе биде организиран во пет градови: Велес, Тетово, Скопје, Куманово и Битола, а по филмската проекција ќе следува дискусија со експерт на темата од филмот.

“Movies that matter” ја користи моќта на филмот за поддршка на човековите права и социјалната правда. Филмскиот фестивал служи како уникатна платформа за дијалог за јавноста, експертите, уметниците, креаторите на политики, новинарите и граѓанското општество.

Филмовите се со превод на англиски јазик. Влезот на сите настани е бесплатен.

Повеќе за содржината на филмовите можете да најдете тука

 

ПРОГРАМА НА ФЕСТИВАЛОТ MOVIES THAT MATTER:

Велес / 4-ти декември, вторник / 19:00 часот / Локалната библиотека „Гоце Делчев“ (Медиотека)
Филм: Joshua: Teenager vs. Superpower, 78 минути, режија: Joe Piscatella, земја: САД

Тетово / 5-ти декември, среда / 19:00 часот  / Центар за балканска соработка – Љоја
Филм: Algo Mio, Argentina’s Stolen Children, 93 минути, режија: Jenny Hellmann, Regina Mennig, земја: Германија

Скопје / 10-ти декември, понеделник / 18:00 часот / Кафе и филм – Котур
18:00 ч Truth Detectives, 52 минути, режија: Anja Reiss, земја: Германија
19:00 ч Joshua: Teenager vs. Superpower, 78 минути, режија: Joe Piscatella, земја: САД
20:30 ч Дискусија
21:30 ч Algo Mio, Argentina’s Stolen Children, 93 минути, режија: Jenny Hellmann, Regina Mennig, земја: Германија

Куманово / 13-ти декември, четврток / 19:00 часот / Младински центар MultiКулти
Филм: Joshua: Teenager vs. Superpower, 78 минути, режија: Joe Piscatella, земја: САД

Битола / 16-ти декември, недела / 19:00 часот / НУ Центар за култура Битола – Мала сала
Филм: Algo Mio, Argentina’s Stolen Children (93 минути), режија: Jenny Hellmann, Regina Mennig, земја: Германија

Погледнете ги трејлерите на филмовите подоле:

Joshua: Teenager vs. Superpower

Algo mío – Argentina’s Stolen Children

Algo mío – Argentina’s Stolen Children | Trailer from 7 de Mayo Production on Vimeo.

Truth Detectives

TRUTH DETECTIVES TEASER/INTRO from Anja on Vimeo.

„Немам каде да се вратам“ во Велес

На 16-ти ноември, со почеток во 19:00 часот, во велешкиот театар „Ј.Х.К. Џинот“ беше изиграна претставата „Немам каде да се вратам“ на групата за перформанс Кунстверкштат при Младинскиот образовен форум.

Претставата „Немам каде да се вратам“ е претстава за талкањето на сириските бегалци. Да се талка значи и да се трага, да се бега, а во оваа претстава тоа значи и да се најде.

Она што ликовите од оваа претстава го наоѓаат е нивниот сопствен однос кон она од кое што бегаат. Дејството се случува во еден од бегалските кампови во Македонија и откако ликовите ќе се соочат со своите задоцнети бури, продолжуваат по својот пат до некоја од европските земји.

Текстот на претставата е на Милош Андоновски, а режијата на Дени Стојанов.

Улогите ги толкуваа:

Ангел Таневски, Влатко Јовановски, Ивона Кузмановска, Јана Бангиева, Марина Таневска, Петар Мукоски, Срна Дуковска, Тамара Ангелова, Тина Спировска, Филип Христовски и Христина Мирчевска.

Оваа изведба на претставата беше поддржана од проектот „Бегалец сега- Човек секогаш“ на УНХЦР, заедно со организациите Центар за човекови права и разрешување конфликти (ЦХРЦР) и Здружението за истражување, образование и развој – Центар РЕД. Претставата е направена од Младински образовен форум со поддршка од проектот „Развој на капацитети на одбрани чинители кои работат со баратели на азил во Србија и Македонија“. Проектот „Развој на капацитети на одбрани чинители кои работат со баратели на азил во Србија и Македонија“ е воспоставен од German Federal Ministry for Economic Cooperation and Development (BMZ), а управуван од Deutsche Gesellschaft für Internationale Zusammenarbeit (GIZ) GmbH.