Финален настан од медиумската кампањата #УраЗаКултура

Со поголема солидарност меѓу младите уметници, посилна поддршка од институциите и повеќе ентузијазам ќе има и повеќе култура во јавните простори, сметаат говорниците на отворената дискусија поја се одржа на 26-ти септември 2019 во Зградата на Железничарите во Скопје, како финален настан од медиумската кампања #УраЗаКултура на Радио МОФ.

Локални уметници, активисти и архитекти, но и станарите на зградата во која се одвиваше дискусијата ги споделија и спротивставија своите ставови и размислувања за развојот на културата на јавните простори.

Фотографија: Ванчо Џамбаски

Маја Лозаноска и Сара Симоска од МЕЛЕЕМ Скопје раскажуваа за своите искуства со јавните простори. Лозановска се осврна на неодамнешната акција за зближување на локалците и станарите на студентскиот дом „Гоце Делчев“ преку оплеменување на речиси заедничкиот двор во домот. Најважно е, вели, кога се прават интервенции во еден простор, во целиот процес да бидат вклучени тие што ќе го користат просторот.

„Не може некој кој не живее во тој простор да им кажува што да има таму и што ќе се направи“, децидна е Лозановска.

Нејзината колешка од МЕЛЕЕМ, Сара Симоска забележа дека новите генерации уметници се многу  поактивни и посамоорганизирани. Она што обесхрабрува, забележува, е што добрите проекти тешко опстануваат.

„Многу активност се почнати, но не можат да најадат финансиска поддршка. Има иницијатори, ама нема континуитет. Треба да се препознаат тие квалитетни проект и да се поддржат. Тешко е тој ентузијазам (долгорочно) да опстои. Еве, нека бидат и пет години, ама после тоа ќе се бара егзистенција“, заклучува Симоска.

Марјан Димиќ – Мачка, архитект и графити артист истакна дека негов предизвик за разубавување се поздаскриените и напуштени простори. За жал, додава, заедничките простори ги има се помалку. Запрашан како може да се популаризира нивното постоење, вели:

„Социјалните мрежи можат да помогнат при информирање за некво случување. Мислам дека тоа е само една добра алатка која може да се искористи“, вели Мачка.

Уметникот и активист Ѓорѓе Јовановиќ пак зборуваше за артивистичките акции низ Скопје, како ајкулите во Вардар, во времето на минатата власт, кои ги правеа за да се долови апсурдот на проектот „Скопје 2014“, но и на целото општествено живеење.

„Ова е една форма која не беше многу просутна кај нас, и се разви кога уметничката заедница беше прилично летаргична и не сакаше да се спротивстави на нештата кои се случуваа. Уметникот мора да наоѓа нови форми на изразување, посебно кога се бави во ваков вид проблеми“, истакна Јовановиќ, додавајќи дека акциите продолжуваат да се случуваат и по промената на власта.

Дарко Набаков од „Македокс“ се осврна на кината на отворено кои ги организираат по селата, каде и ниту младите, ниту старите никогаш во животот не добиле можност да посетат кино проекција. Добрите проекти вели, мора да бидат поддржани.

„Супер е тоа што се јавуаат нови иницијативи, но не е позитивно тоа штo старите не траат. Властите треба да ги препознаат“, укажува Набаков.

Говорниците се согласија дека е потребна поголема солидарност, пред се меѓу младите уметници, како и взаемно признавање и поддршка за успесите.

На настанот беа изложени и илустрациите кои стигнаа до Радио МОФ, на отворениот конкурс „Наш јавен простор“, каде беше прогласен победникот Јосиф Николовски со илустрацијата „Слободен рекорд“.

Содржината е преземена од Радио МОФ

Отворена дискусија „Како до култура во јавните простори?“

Младинскиот образовен форум и Радио МОФ со задоволство ве покануваат на отворена дискусија на тема „Како до култура во јавните простори? “. Дискусијата е финален настан организиран во рамки на кампањата #УраЗаКултура, која е дел од Проектот за младинско изразување, финансиран од Европската Унија. Со кампањата #УраЗаКултура Радио МОФ и МОФ ставија фокус на слободата која (не) ја уживаат културните работници како и на окупацијата на јавните простори, новите иницијативи и независните проекти, главно водени од млади луѓе кои се обидуваат да предизвикаат промени во општеството.

На 26-ти септември 2019 година со почеток во 18:00 часот во Зградата на Железничарите, локални уметници, активисти и архитекти ќе ги споделат своите ставови, искуства и предизвици поврзани со развојот на културата на јавните простори.

Говорници на дискусијата ќе бидат:
Марјан Димиќ – Мачка, архитект и графити артист
Ѓорѓе Јовановиќ – уметник и активист
Маја Лозаноска и Сара Симоска – МЕЛЕЕМ Скопје
Дарко Набаков – Македокс

Целта на дискусијата е да се изнајдат начините на кои јавните простори можат и треба да бидат искористени за поттик и развој на културата, како и да се спречи нивно распаѓање и да се користат за настани и проекти кои би биле пристапни за сите, наместо да пропаѓаат.

Јавните простори се важни бидејќи преку нив се изградува колективен идентитет на граѓаните, кои на тие простори комуницираат. Овие простори нудат уметничка и културна автономија преку организирање на различни активности, како на пример уметнички перформанси, концерти, алтернативни кино проекции, самоорганизирани библиотеки и дебати. Но, изминативе години се соочуваме со комерцијализација на заедничките простори во градот, односно тие што останаа.

Проектот е финансиран од Европската Унија.

Инфо-сесија, повик за доделување на грантови

Младински образовен форум Ве поканува на инфо-сесија на 19 септември 2019 (четврток) во 12:00 часот во Граѓанскиот ресурсен центар во Скопје за вториот Повик за доделување на грантови за граѓански организации кои дејствуваат како промотори на слободата на изразување во локалните заедници. Повикот за грантови е отворен во склоп на Проектот за младинско изразување „Youth Expression Project“ финансиран од Европската унија кој го спроведува Младински образовен форум во соработка со Младински сојуз Крушево и Центарот за балканска соработка – Љоја.

Ве молиме потврдете го Вашето присуство на: yep@mof.org.mk најдоцна до 18ти септември 2019 година.

Агенда на инфо-сесијата:

12:00 – 12:15 Пристигнување и регистрација
12:15 – 12:45 Воведни обраќања и презентација на повикот
Сања Фрковиќ Гелевска, Програмски менаџер, Слобода на медиуми, информатичко општество и култура, Делегација на ЕУ; Воведно обраќање
Стефани Спировска, Претседателка, МОФ; Презентација на Проектот за младинско изразување
Бојана Низамовска, Програмска директорка, МОФ; Презентација на повикот за доделување на грантови
12:45 – 13:15 Сесија за прашања и одговори

За повеќе информации за Повикот за доделување на грантови посетете го следниот линк: https://mof.mk/vtor-povik-za-dodeluvane-grantovi/ Крајниот рок за доставување на апликациите е 30ти септември 2019 (понеделник) до 17:00 ч.

Стратегии за раст на стартапи и предизвици на организацискиот раст

Mладински образовен форум ве кани на бесплатно предавање „Стратегии за раст на стартап фирми и предизвици на организацискиот раст“ со проф. д-р. Гадаф Реџепи, на 22.08.2019 (четврток), со почеток од 18:00 часот, во просториите на Јавна соба (Public room).

Предавањето Стратегии за раст на стартап фирми и предизвици на организацискиот раст ќе ги опфати темите:
– што е стратегија
– начини како да се дизајнира стратегија
– кои стратегии за раст им стојат на располагање на стартап фирмите
– како да се избере правилна стратегија
– кои се предизвиците на организацискиот раст
– кои се симптомите кои се појавуваат на секоја фаза од животниот циклус на претпријатието

Гадаф Реџепи е вонреден професор на Универзитетот на Југоисточна Европа, каде предава на додипломски и постдипломски студии од oбласта на менаџментот. Неговите интереси вклучуваат иновации, отворена иновација, стратегија, CSR и одржливост. Тој e автор или ко-автор на околу шеесет истражувачки трудови во повеќе реномирани научни списанија. Објавил и десет учебници издадени од водечките издавачки куќи, меѓу кои Springer, Routledge и Taylor како и Francis. Учествува во експертски тимови во земјава и во странство и бил ангажиран како советник на министерот за економија во Северна Македонија. Во 2016-та, од страна на Emerald Group Publishing, е добитник на наградата за извонредност (Award for excellence).

___________________________________________________

Forumi Rinor Arsimor ju fton në ligjeratë falas në temën “Strategjitë për zhvillim të startap biznesit dhe sfidat e rritjes organizative” me prof. dr. Gadaf Rexhepi, më datë 22.08.2019 (e enjte), me fillim në ora 18:00, në hapësirat e Public Room.
Ligjerata Strategjitë për zhvillim të startap biznesit dhe sfidat e rritjes organizative do t’i përfshij temat:
– Çka është strategjia;
– Format se si të dizajnohet strategjia;
– Cilat strategji për zhvillim i kanë në dispozicion startap ndërmarrjet;
– Si të përzgjedhim strategjinë e duhur;
– Cilat janë sfidat e rritjet organizative;
– Cilat janë simptomet të cilat paraqiten në çdo fazë të ciklit jetësorë të ndërmarrjes

Gadaf Rexhepi është profesor i ç’rregullt në Universitetin e Evropës Juglindore, ku ligjeron në studime para dhe post diplomike në fushën e menaxhmentit. Interesat e tij përfshijnë inovacione, inovacione të hapura, strategji, CSR dhe qëndrueshmëri. Ai është autor ose bashkautor i rreth 60 punimeve hulumtuese në shumë revista shkencore me renome. Ka publikuar dhjetë libra të botuara në shtëpitë kryesore botuese ndër të cilat edhe Springer, Routledge dhe Taylor si dhe Francis. Merr pjesë në grupet e ekspertëve në vend dhe jashtë vendit si dhe ka qenë i angazhuar si këshilltarë i Ministrit të Ekonomisë në Maqedoninë e Veriut. Në vitin 2016, nga ana e Emerald Group Publishing, ka fituar çmimin për përsosmëri (Award for excellence).

Започна Младинската академија на МОФ

Меѓународниот ден на млади – 12ти август Младински образовен форум оваа година го одбележа со петдневна Младинска академија во рамки која започна денес и ќе трае до 16ти август 2019 година, а се случува во Дојран.

 

100 учеснции на Младинскита академијата се млади од Скопје, Тетово, Битола, Велес, Куманово, Неготино и Прилеп кои во наредните 5 дена ќе следат една од програмите на младинската академија – аргументирано изразување, институции на Европската унија, медиумска писменост, средношколско учество и организирање. Покрај овие теми, учесниците ќе имаат можност да присуствуваат на низата изборни предавања, но и да дадат свој придонес во креирањето на првата Младинска декраларција која подоцна ќе биде презентирана пред институциите на национално ниво.

Првиот ден од академијата – меѓународниот Ден на Млади – учесниците го одбележаа преку отворени дискусии, изборни предавања, младински игри и запознавање со резултатите од истражувањето кое МОФ го спроведе во текот на минатата и оваа година а се однесува на Социјалниот капитал на младите во нашата земја. За жал, 46% од средношколците испитаници во истражувањето немаат средношколска заедница во нивните училишта и не се вклучени во донесувањето одлуки на ниво на нивното училиште, а повеќе од три четвртини од младите не веруваат дека државните функционери се грижат за интересите на младитеНешто повеќе од 70% од младите генерално немаат доверба во опкружувањето околу себе – верувајќи дека речиси сите општествени односи се водени од лични интереси.

100 млади во функција на учесници и предавачи на оваа академија нареднава недела ќе земат активно учество на оваа академија која на алтернативен начин кај младите ќе пренесе содржини кои воопшто или минимално се застапени во формалното образование.

Младинската академија е дел од низата настани со кој Младински образовен форум го одбележува својот 20ти роденден. Академијата е дел од Проектот за младинско изразување, финансиран од Европската Унија. Академијата е поддржана од Град Скопје, Македонскиот центар за граѓанско образование преку проектот за Меѓуетничка интеграција на младите во образованието и Американската амбасада во Скопје.

Презентација на резултатите од четири истражувачки трудови

Младински образовен форум (МОФ) ве поканува на промоција на резултатите од четири истражувачки труда кои се изработени во рами на Проектот за образовни центри за советување и алумни стипендисти на Фондациите Отворено oпштество.

Промоцијата ќе се одржи на 16 јули 2019 (вторник) со почеток од 18:00 часот во просториите на Јавна Соба.

Истражувачките трудови се изработени од страна на четири тима – седум млади истражувачи кои беа менторирани од искусни истражувачи, со поддршка од МОФ, и во изминатите неколку месеци работеа на своите трудови и ги креираа и финализираа истражувањата. Младите истражувачи обезбедија податоци на темите кои значајни за младите и тоа: врсничкото насилство, национализмот кај младите средношколци, работата и функционалноста на центрите за кариера и популаризирање на руралноста кај младите луѓе.

Со истражувачката работа, овие млади истражувачи го продлабочија своете знаењето за креирање подобри младински политики и разбирање на проблемите и трендовите во општеството. На промоцијата секој тим кусо ќе го презентира своето истражување и ќе ги сподели главните наоди добиени од истражувањето како и заклучоците од истото. Изработените истражувања се :

„Популаризирање на руралноста – Потенцијалите на руралното коработење и ефектот врз миграциските трендови на младите во Република Северна Македонија“ – Елена Андонова и Ѓорѓи Димески
„Улогата и работата на центрите за кариера при факултетите на Универзитетот „Св. Кирил и Методиј“ – Ангела Тасевска
„Анализа на врсничкото насилство на интернет кај средношколците“ – Симона Стојчевска
„Националистички чувства и ставови кај средношколците во Република Северна Македонија“ – Исаја Карадаковска, Емилија Божиновска и Мартина Георгиевска

Проектот има за цел да ги поврзе капацитетите и ресурсите на МОФ со знаењето и искуството на алумни стипендистите на Фондациите Отворено општество во корист на млади истражувачи, студенти и пошироката јавност во Северна Македонија. Младите и студентите немаат можност да прават истражувања и истражувачка академска работа поради ограничени ресурси – финансиски и менторски. Со овој проект беа искористени капацитетите на алумни стипендистите, со цел да ги споделат своите знаења со младите кои за прв пат се занимаваат со општествено релевантни истражувања и заедно да придонесат во креирање на квалитетни анализи кои ќе помогнат да се подобрат политиките или да се подигне свеста за важни прашања во Северна Македонија.

Младински акции во Тетово, Скопје, Велес и Битола

Младинска акција во Тетово
Младинскиот клуб од Тетово на Младински образовен форум, на 9-ти јуни 2019 година, во паркот на Ајдучко маало организираше младинска акција, која беше идеја на самите членови на клубот.

Имајќи предвид дека паркот во „Ајдучко маало“ е наменет за спорт и рекреација а моменталната состојба на паркот е во многу лоша состојбе, е доволен мотив за членовите на младинскиот клубот да преземат иницијатива за негово уредување. Оваа акција опфати неколку активности, како што се: Еко – акција, чистење на отпадот во целиот парк, поправка на оштетениот инвентар (поправка на лулашки), бојадисување на лулашките, клацкалките и спортските реквизити, поставување на 4 избоени автомобилски гуми пополнети со земја и со садени цвеќиња во нив, како и поставување на палети со саксии со цвеќиња.

Акцијата има за цел да испрати порака до граѓаните и граѓанките за зачувување на јавните површини и парковите, и дека е потребно само малку време, ресурси и труд за истите да бидат зачувани и разубавени, наместо оштетени и вандализирани.

 

Младинска акција во Велес:
­Младинскиот клуб од Велес на Младински образовен форум преку акцијата Сите за паркот – паркот за сите, во сабота на 15.06.2019 работеше на разубавување на јавна површина.  Оваа група на млади ја подобри состојбата на 14 клупи за седење, од кои 3 беа целосно репарирани (поставени нови даски), а 2 м3 смет собра од површината на Градскиот парк.

Целта на оваа акција беше да се разубави неискористениот јавен простор, да се поврзе младата популација со уличната уметност, како и да пренесе порака дека младите, како и останатите граѓани на Велес, можат да придонесат за јавните површини преку креативност и проактивност. Акцијата ја спроведе Медиа/Арт клубот – Велес, како завршен настан на одржаните работилници за креативен и младински активизам во изминативе месеци. Членови на клубот се млади велешани на возраст од 15-20 години.

Младинска акција во Скопје:
На 27-ми јуни 2019 година, со почеток од 18:00 часот, во Монтажната галерија во Парк на Франкофонија се одржа настанот „Екокреација“ организиран од Младинскиот клуб – Скопје на програмата Младински активизам на МОФ.

На настанот беа поставени канти за отпад изработени од гуми и изложба на стикери и постери изработени во Фотошоп на тема Екологија. Воедно, посетителите на настанот можеа да играат игри за екологија и да се забавуваат со музика.

Постерите и стикерите, изработени од членовите на Младинскиот клуб во Скопје, се однесуваат на проблемите со загадувањето како локален, но и глобал проблем низ призмата на младите членови на клубот, разработени на комичен и критички начин. Целта на изложбата е да ја покрене свеста на младите за состојбата на животната средина во која што живеат и да ги поттикне да размислуваат за можните решенија.

 

Младинска акција во Битола:
Младинскиот клуб од Битола на Младински образвовен форум, во петокот, 28.06.2019, со почеток од 20:00 часот, пред скејт паркот во Битола, го организираа завршниот настан, односно изложбата “Битола во боја”.

Изложбата содржи фотографии од претходни настани кои се организирани во Битола, и со тоа сакаат да испратат порака до граѓаните и ѓраѓанките од Битола дека постојат доволен број на настани во градот кои ја опфаќаат младата популација, само е потребна поголема  информираност околу истите.

Фотографиите се направени од членовите на Младинскиот клуб од различни културни настани кои се одржуваат во Битола.

Младинските акции се  поддржани од National Endowment for Democracy (NED)

Центрите на МОФ во Тетово, Битола, Велес и Куманово работат во склоп на проектот „Ангажирање на младите за студентски и младински политики“, финансиран од Фондацијата Отворено општество – Македонија.

Изложбата „Ана Франк – Историја за денес“ поставена во пет градови

Во првата половина на 2019-та година, изложбата „Ана Франк – Историја за денес“ беше поставена во пет градови на Република Северна Македонија, во Свети Николе, Виница, Струга, Битола и Кратово.

Свети Николе беше првиот домаќин на изложбата во 2019 и тоа во период од 27 февруари 2019 кога беше и свеченото отварање на изложбата во Домот на култура „Крсте Мисирков“ и истата беше поставена до 13 март 2019. Водичи на оваа изложба беа 13 средношколци и средношколки од СОУ „Кочо Рацин“. Изложбата беше посетена од околу 250 посетители.

Фотографија од учесниците на изложбата „Ана Франк – Историја за денес“ во Свети Николе

Вториот град каде што годинава беше поставена изложбата „Ана Франк – Историја за денес“ е Виница. Таму во соработка со СОУ „Ванчо Прке“ и Домот на култура „Тошо Арсов“ во Виница, изложбата беше отворена на 15 март 2019 и истата беше отворена за посетители до 05 април 2019 година. 18 водичи, средношколци од СОУ „Ванчо Прке“ ги водеа посетителите низ изложбата. Во Виница изложбата беше посетена од 380 посетители.

Фотографија од отворање на изложбата „Ана Франк – Историја за денес“ во Виница

Во Струга, изложбата беше поставена во просториите на Меѓународниот универзитет на Струга. Свеченото отварање беше на 14 мај 2019, а отворена за посетители беше до 21 мај 2019. Тренинг за водичи поминаа 16 ученици од СОУ „Др. Ибрахим Темо“ и СОУ „Нико Нестор“, кои потоа ги водеа и посетителите низ целата изложба. Околу 450 посетители ја посетија изложбата во Струга.

Фотографија од изложбата „Ана Франк – Историја за денес“ во Струга

СОУ „Таки Даскало“ од Битола, од 23.05.2019 до 03.06.2019 беше домаќин на изложбата „Ана Франк – Историја за денес“. Од училиштето имавме 14 ученици, средношколки и средношколци кои успешно ја поминаа обуката за водичи на изложбата и истите за време на изложбата ги водеа сите посетители низ истата. Во Битола, изложбата беше посетена од околу 260 посетители.

Фотографија од изложбата „Ана Франк – Историја за денес“ во Битола

Како последен град каде што беше поставена изложбата „Ана Франк – Историја за денес“ во овој циклус беше Кратово. Во Кратово изложбата беше отворен на 06 јуни 2019, и истата беше отворена до 20 јуни 2019 во просториите на СОУ „Митко Пенџуклиски“ од Кратово. 9 средношколци од истото училиште покажаа интерес да бидат водичи на изложбата и истите успешно ја поминаа обуката и потоа ги водеа посетителите низ целата изложба. Изложбата беше посетена од околу 200 посетители.

Веќе три години уште од 2016 година изложбата е поставена 28 пати во 22 различни градови, и истата е посетена од околу 22.000 посетители.

Изложбата во Северна Македонија се спроведува од Младински образовен форум во рамки на проектот „Хисторија, Историја, Повјест – Лекции за сегашноста“ кој е поддржан од Европската унија

Проектот има за цел да го покрене вниманието и поттикне дискусија за настаните од блиското минато на Западен Балкан кои се причина за различни поделби и генерирање на конфликти во минатиот век.

Студентска акција со обнова на читалната, билиотеката и дворот на „Стив Наумов“

На 13 јуни 2019 година официјално се отвори обновената читална, опремената библиотека и обновениот двор во студентскиот дом „Стив Наумов“. Настанот започна во 12 часот, во читалната на студентскиот дом „Стив Наумов“, а присутни беа членови на МОФ, Фондацијата Отворено општество – Македонија, студентите кои живеат во домот, како и директорот на Државниот студентски дом– Скопје, Дарио Николовски.

Студентската акција која се одржа од 1-ви до 12-ти јуни 2019 година беше спроведена од страна на 10тина студенти сместени во домот „Стив Наумов“ и членови на Младинскиот образовен форум кои во периодот од април до јуни посетија 3 обуки од областа на студентските права, младински активизам и јавно говорење.

Со оваа студентска акција се работеше на уредување на просторот на постоечката читална и дворот во студентскиот дом, а преку отворената донаторска акција, се изврши и опремување на библиотеката во рамки на читалната. Арсламина, Темплум и Национална универзитетска библиотека „Климент Охридски“ се едни од донаторите на 200 книги кои ќе можат да ги користат студентите од домот.

Донаторската акција за книги и литература ќе биде отворена и по официјалното отворање на обновената читална, а сите заинтересирани физички и правни лица ќе можат да дадат свој придонес.

 

Со оваа акција започнува низата студентски акции во државните студентските домови. Студентските акции од проектот ќе се спроведат во државните студентски домови „Стив Наумов“, „Кузман Јосифовски-Питу“ и „Гоце Делчев“ во текот на месец јуни 2019 година.

Проектот „Студентски домови без корупција“ се спроведува од август 2018 до јули 2019. Примарната цел на проектот е поттикнување на институциите на потранспарентно и поодговорно управување со студентските домови, како и вклучување на други институции, организации и правни лица за подобрување на условите во домовите.

„Проектот е финансиран од Фондација Отворено општество- Македонија. Содржината е единствена одговорност на авторите и на грантистот, и на ниту еден начин не може да се смета дека ги изразува гледиштата и ставовите на Фондацијата Отворено општество Македонија.“

Доделени наградите за стартапи од Школата за претприемништво „Од идеја до стартап“

На настанот „Можности и бариери за младинско претприемништво и вработување во приватниот сектор во Северна Македонија“ посветен на младинската вработеност, претприемништвото и образованието за претприемништво, оддржан на 12 јуни 2019 во Скопје, во организација на Младински образовен форум (МОФ) и Институт за европска политика (ЕПИ), беа доделени награди за младински тимови кои сакаат да основаат свој бизнис.

На наградувањето му претходеше 4-месечна школа за претприемништво „Од идеја до стартап“ која ја завршија 25 учесници. Тие формираа свои тимови и изготвија бизнис идеи.

Во конкуренција од осум тима, наградени беа АртТехне, Bloodmoon и Дом за сите.

Првонаградените АртТехне го сочинуваат Горјан Аревски и Санела Вучевска. Тие освоија награда во износ од 100 илјади денари. Второнаградени Bloodmoon се Дарко Илиевски, Даниел Бошкоски и Марио Станковиќ и освоија 50 илјади денари, а третонаградените Дом за сите кој го сочинуваат Борјан Овезовски, Ана Пасковска, Димитар Петровски и Маја Велковски освоија 30 илјади денари. Во периодот што претстои, тимовите ќе имаат можност да ги реализираат своите идеи и да ги отворат своите бизниси.

  

Наградите беа поддржани од проектот „Ангажирање на приватниот сектор во образование за претприемништво“ како и неколку компании: КОМА, Synapse, Bitsia, Time.mk и Brainster. Благодарност до нив за несебичната поддршка и вложувањето.

Школата беше организирана во рамки на проектот „Ангажирање на приватниот сектор во образование за претприемништво“ кој го спроведуваат МОФ и ЕПИ, а е поддржан од Центарот за меѓународно приватно претприемништво/Center for International Private Enterprise (CIPE). Проектот цели да придонесе кон зголемување капацитетите на младите од Северна Македонија за да се вклучат во претприемништво, да се зголеми улогата на приватниот сектор во образованието за претприемништво и да се зголеми поддршката на политики кои ги подобруваат економските услови за младите од државата.

Како дел од настанот беше и панел дискусијата каде говорници беа:
Крешник Бектеши – Министер за економија, Фатмир Бесими – Универзитетски професор на Универзитетот на ЈИЕ, Валентина Дисоска – Здружениe на бизнис жени – Македонија
Олимпија Христова Заевска – Советничка за меѓународна економија и развој – Кабинет на Премиерот на РСМ, Тања Илиевска – Фонд за иновации и технолошки развој, Ивона Крстевска – Национален младински совет на Македонија, Норик Селими – Извршен директор Kariera.mk