YES team for the win! – натпревар за најдобар бизнис план

Младински образовен форум со поддршка од Американска амбасада го спроведува проектот Младински претприемачки вештини (Youth Entrepreneurial Skills – YES). Овој проект има за цел да ја пополни празнината што ја остави формалното образование за практични вештини и применливо знаење, додека се бори против една од клучните причини за иселување на младите – невработеноста.

Како завршна активност, МОФ отвара повик за пријавување на тимови, најмногу до тројца, или поединци кои имаат идеја и ќе изработат свој бизнис план до 04.06 а на 06.06 ќе го презентираат истиот пред жири комисијата.

Најдобрите бизнис планови на натпреварот “YES TEAM FOR THE WIN!” ќе бидат наградени со награди кои ќе ги поттикнат победниците да продолжат да работат на своите идеи за да ги реализираат во иднина. Преку оваа активност младите ќе добијат поттик да ги развиваат и користат своите вештини и преку надоградување и да станат поконкурентни на пазарот на трудот.

Во склоп на овој проект беа формирани три младински клубови во градовите Штип, Охрид и Гостивар, каде членуваа средношколци од стручни училишта. Програмата по која работеа членовите беше изработена од експерт кој своето искуство го има стекнато со долгогодишна работа во ова поле. Истата програма беше консултирана, проверена и одобрена од Американската и Македонската стопанска комора, локалната бизнис заедница, општините и училиштата. Со ова, МОФ направи чекор кон надминување на јазот помеѓу образовниот систем и приватниот сектор преку создавање трајни партнерства помеѓу училиштата и локалните компании и создавање одржливи наставни програми од кои понатаму корист ќе имаат и идните генерации.

Членовите на младинските клубови се сретнуваа секоја сабота и обработуваа разни аспекти важни за претприемништвото. Како предавачи се најдоа врвни македонски експерти од нашата држава, како Горјан Јовановски, Теодора Филовска, Александар Радомировиќ, а со Марија Матовиќ учеа како да го вметнат социјалниот аспект и колку во нашата држава е важно да се има социјално свесни бизниси. Предавањето со психологот Сања Стефановиќ ги научи младите како да бидат добри лидери и што значи да се работи во тим.

Покрај десетте редовни предавања, како дел од проектот беа и четирите отворени предавања од експертите Анита Кирковска, која е стипендистка на „Фулбрајт“ и сѐ уште работи за една од најуспешните американски компании. Софија Богева го сподели искуството за тоа како најдобро да се решаваат проблемите преку користење на креативноста. Како Американски експерти на листата се најдоа Белино Џафа, „Харвард“ алум, кој веќе две години работи во светската банка „Мерил Линч“, но и Ирена Воденска, која на последното отворено предавање од овој циклус несебично го сподели своето знаење исто како што го прави тоа со своите студенти на Универзитетот „Бостон“ каде таа е шеф на катедрата за финансии.

Сите кои се заинтересирани за учество во натпреварот, можат да се пријават на овој формулар https://cutt.ly/cneJtaH, а за да ги видите наградите и членовите на жири комисијата, следете не на социјалните мрежи!

Преглед на априлските активности на Младинскиот образовен форум

Младински образовен форум во чии рамки активни се неколку младински програми и тоа дебата, учиме право, медиа/арт, клубови за демократско учество, новинарски клуб и клубови за претприемништво,  направи преглед на своите априлски активности.

Во рамки на Дебатната програма се одржа второто Онлајн национално дебатно првенство, од 23 до 25 април. На првенството учествуваа 15 тима ширум Северна Македонија кои се бореа за победничките позиции на турнирот.

Првенството го освои тимот „Оревите“, составен од Леонардо Змајшек, Лука Кадриќ и Митко Неданоски. Исто така ги добивме и петте најдобри говорници кои ќе ја претставуваат Северна Македонија на Светското првенство во форматот „World Schools“, организирано од страна на Макау. Говорниците се Леонид Сајков, Георгина Петреска, Љубен Атов, Фросина Кекеновска, Карла Станков.

Наградите за Националното дебатно првенство 2021 се поддржани од АРС Ламина.

Онлајн национално дебатно првенство

Додатно, започна работата на младинските кампањи во склоп на проектот „Младински пакети и ангажираност преку младински кампањи“, поддржан од Фондација отворено општество – Македонија, кој МОФ го спроведува во соработка со „Еквалис“, „Хера“ и „Психотерапика“.

Во склоп на програмата Младински активизам се одржа второто онлајн издание на конференцијата за социјален активизам кај младите – „Еngage youth“. Конференцијата „Engage youth“ виртуелно спои млади активисти кои споделија знаења и искуства на теми поврзани со граѓанска ангажираност, социјална промена, инклузија, слобода на говор, активизам на јавен простор, технологија и иднина на образование. Настанот се одржа на 27 април, на платформата за видео комуникација „Зум“, ја проследија над 100 млади луѓе како на „Зум“ така и преку стрим преносот на Фејсбук и беа поставени над 25 прашања од публиката. Конференцијата беше пренесена и на знаковен македонски јазик.

Второ онлајн издание на „Engage Youth“

Тимот на Програмата за истражување, анализа и креирање на младински и образовни политики одржа неколку состаноци со претставници на државните институции, презентирајќи им го документот „Млади во криза 2.0 – Ефекти од пандемијата врз младите и препораки до институциите“. Беа одржани состаноци со советникот за млади и советникот за труд и социјална политика, Ѓорѓи Тасев и Милан Живковиќ, со Заменик-Премиерот Фатмир Битиќи, со министерката за образование и наука, Мила Царовска, со директорот на агенцијата за млади и спорт, Наумче Мојсоски како и со Клубот на млади пратеници во рамки на Собранието на РСМ. На состаноците беа презентирани податоците од истражувањето како и препораките кои имаат за цел да ги намалат односно превенираат штетите од пандемијата врз младите.

Средба со министерката за образование и наука, Мила Царовска

Во рамките на програмата за Младински претприемачки вештини, на 17 април се одржа отвореното предавање со Белино Џафа на тема „Финансирање и вреднување на вашиот стартап“. Предавачот го искористи своето искуство во банкарството за да ги поучи учесниците како да ги добијат најдобрите услови кога на претприемачите им е потребна финансиска поддршка од банка.

Онлајн предавање за претприемништво

 

Се одржа полуфиналето од „Евроквизија“

Вчера тимот на Младинскиот образовен форум ја спроведе Евроквизија. Пријавените учесници имаа можност да се натреваруваат во живо преку играње на квиз на платформата „Kahoot“, а најдобро пласираните ќе имаат уште една можност да си ги пресметаат силите и да освојат една од трите главни награди.

Онлајн квиз

Целта на оваа активност е поттикнување на младите да научат повеќе за Европската унија и нејзините институции.

За остварување на оваа цел, на пријавените им беа испратени линкови каде можеа да го зголемат своето знаење и да се информираат.

Онлајн квиз

За дел од прашањата беше доволно и општото познавање, а за дел од нив беше потребно и познавање за работата на институциите и Европската Унија низ годините.  Секако беше опфатена и историјата за почетоците на Унијата и државите кои први се приклучиле.

Во финалето ќе се натпреваруваат првите 20 пласирани, каде прашањата ќе бидат потешки и ќе бараат поголемо знаење за Унијата. За овој дел од натпреварот исто така ќе им биде испратен материјал за читање на учесниците.

Активноста е организирана во соработка со „Europe House“, поддржана од Европската Унија.

Еuroquizion – online quiz contest for high school students

12 points go to… Оној кој знае најмногу на тема Европска Унија/ Пријави се на: https://forms.gle/SJ7ZMNV6J1ytFBg5A
12 pikë shkojnë për… Ai që di më shumë për Bashkimin Evropian / Regjistrohu në:https://forms.gle/SJ7ZMNV6J1ytFBg5A

Facebook event: EuroQuizion – online quiz contest for high school students | Facebook

Младински образовен форум подготви квиз со натпреварувачки карактер – „Евроквизија“ за сите
средношколци кои сакаат да ги истестираат своите познавања за Европската Унија!
Без разлика дали за ЕУ знаеш од лекциите по „Вовед во право“ или пак си full-on запознат со
целта, земјите-членки и институциите на Унијата ова е можноста за да ги провериш и
продлабочиш своите знаења, а притоа и да освоиш некоја награда.
Квизот ќе се одвива онлајн, првиот круг на натпреварување е на 03.03.2021 (среда) а најголемите
познавачи на Европската Унија ќе се наптреваруваат за 3те главни награди во финалето на
10.03.2021. Квизот ќе се одржи на платформата Kahoot, а повеќе информации за изведбата можеш
да најдеш на Формуларот за пријавување.

Сподели со твоите пријатели и почни со „тренирање“ за натпреварот во знаење!

За повеќе инфо сме достапни на  info@mof.org.mk
*оваа активност е финансирана од Европската Унија

 

Еuroquizion – online quiz contest for high school students

Forumi Arsimor Rinor ka përgatitur kuiz me karakter konkurrues – "Eurovision" për të gjithë nxënësit e
shkollave të mesme që duan të testojnë njohuritë e tyre për Bashkimin Evropian!

Pavarësisht nëse për BE-në, di nga leksionet e "Hyrje në drejtësi" ose jeni plotësisht të njohur me
qëllimin, shtetet anëtare dhe institucionet e Bashkimit, kjo është mundësi për të provuar dhe thelluar
njohuritë, ndërsa njëkohësisht të fitoni ndonjë çmim.
Kuizi do të zhvillohet online, raundi i parë i garës është më 03.03.2021 (e mërkurë) ndërsa njohësit më
të mëdhenj të Bashkimit Evropian do të garojnë për 3 çmimet kryesore në finalen më 10.03.2021. Kuizi
do të mbahet në platformën Kahoot dhe më shumë informacion në lidhje me realizimin mund të
gjenden në Formularin e Aplikimit.

Ndani me miqtë tuaj dhe filloni "trajnimin" për garën për njohuri!
Për më shumë informacion, jemi në dispozicion në info@mof.org.mk
* Ky aktivitet financohet nga Bashkimi Evropian

Доделени наградите за стартапи од Школата за претприемништво „Од идеја до стартап“

На настанот „Можности и бариери за младинско претприемништво и вработување во приватниот сектор во Северна Македонија“ посветен на младинската вработеност, претприемништвото и образованието за претприемништво, оддржан на 12 јуни 2019 во Скопје, во организација на Младински образовен форум (МОФ) и Институт за европска политика (ЕПИ), беа доделени награди за младински тимови кои сакаат да основаат свој бизнис.

На наградувањето му претходеше 4-месечна школа за претприемништво „Од идеја до стартап“ која ја завршија 25 учесници. Тие формираа свои тимови и изготвија бизнис идеи.

Во конкуренција од осум тима, наградени беа АртТехне, Bloodmoon и Дом за сите.

Првонаградените АртТехне го сочинуваат Горјан Аревски и Санела Вучевска. Тие освоија награда во износ од 100 илјади денари. Второнаградени Bloodmoon се Дарко Илиевски, Даниел Бошкоски и Марио Станковиќ и освоија 50 илјади денари, а третонаградените Дом за сите кој го сочинуваат Борјан Овезовски, Ана Пасковска, Димитар Петровски и Маја Велковски освоија 30 илјади денари. Во периодот што претстои, тимовите ќе имаат можност да ги реализираат своите идеи и да ги отворат своите бизниси.

  

Наградите беа поддржани од проектот „Ангажирање на приватниот сектор во образование за претприемништво“ како и неколку компании: КОМА, Synapse, Bitsia, Time.mk и Brainster. Благодарност до нив за несебичната поддршка и вложувањето.

Школата беше организирана во рамки на проектот „Ангажирање на приватниот сектор во образование за претприемништво“ кој го спроведуваат МОФ и ЕПИ, а е поддржан од Центарот за меѓународно приватно претприемништво/Center for International Private Enterprise (CIPE). Проектот цели да придонесе кон зголемување капацитетите на младите од Северна Македонија за да се вклучат во претприемништво, да се зголеми улогата на приватниот сектор во образованието за претприемништво и да се зголеми поддршката на политики кои ги подобруваат економските услови за младите од државата.

Како дел од настанот беше и панел дискусијата каде говорници беа:
Крешник Бектеши – Министер за економија, Фатмир Бесими – Универзитетски професор на Универзитетот на ЈИЕ, Валентина Дисоска – Здружениe на бизнис жени – Македонија
Олимпија Христова Заевска – Советничка за меѓународна економија и развој – Кабинет на Премиерот на РСМ, Тања Илиевска – Фонд за иновации и технолошки развој, Ивона Крстевска – Национален младински совет на Македонија, Норик Селими – Извршен директор Kariera.mk

 

Избрани најдобрите дебатери почетници

Викендов од 21-ви до 23-ти декември во СУГС „Орце Николов“ во Скопје, се одржа 10-тото Национално дебатно првенство за почетници.

Ова првенство традиционално е организирано од Младински образовен форум (МОФ) и е најголемиот дебатен турнир, кој организацијата го одржува секоја година со цел да им овозможи на своите членови – дебатерите почетници да ги одмерат во пракса своите дебатни вештини стекнати за време на предавањата по дебата и аргументирано изразување.

На турнирот учествуваа повеќе од 150 дебатери – натпреварувачи, судии и волонтери од дебатните клубови на МОФ во Скопје, Велес, Тетово, Куманово, Битола и Прилеп. Турнирот кој траеше три дена вклучуваше 5 прелиминарни рунди, полуфинале и финале.

Победник на јубилејното издание на турнирот беше тимот составен од Тодор Усовиќ, Исак Мисини, Дорис Христовска додека второто место на турнирот го зема тимот составен од Мартина Поповска, Александар Ступар и Мишел Јовановска. На турнирот беа прогласени и најдобрите говорници дебатери: Ирена Димеска, Михаела Трајковска, Јована Ангеловска.

Во изминатите неколку дена, младите средношколци, учесници на турнирот ги предизвикаа сопствените ставови и дискутираат за демократските вредности и политичките режими на владеење дебатирајќи на тезите „Овој Дом Претпочита технократска автократија пред популистичка демократија“ и „Oвој Дом Верува Дека силна диктатура е подобро од слаба демократија“.

Ова дебатно првенство имаше за цел да промовира компетитивност помеѓу младите базирана на организирана и аргументирана дискусија.

Националното дебатно првенство за почетници е поддржано од Меѓународната дебатна образовна организација – ИДЕА и Програмата Европа за граѓаните на Европската Унија.

Голема благодарност до Виталиа ДООЕЛ и СУГС „Орце Николов“ за поддршката при реализација на ова дебатно првенство.


Почетничко дебатно првенство 2018

Националното дебатно првенство за почетници е дебатен турнир во организација на Младински образовен форум (МОФ). Турнирот има за цел да им овозможи на новите дебатери, членови на дебатните клубови на МОФ да учествуваат на дебати од компетитивен карактер. Турнирот ќе се одржи од 21 до 23 декември во СУГС Гимназија Орце Николов.

Формат на дебатирање: World Schools Debate Format
Број на рунди: 5 прелиминарни рунди, полуфинале и финале.
Јазик на турнирот: македонски.

Теза: “Овој Дом претпочита технократска автократија пред популистичка демократија”.

Регистрација
На следниот линк можете да најдете регистрација за тимови: https://goo.gl/forms/dsqCmSoDK3UTHRwn1
На следниот линк можете да најдете регистрација за судии: https://goo.gl/forms/ctb8saORT67C680I3
На следниот линк можете да најдете регистрација за волонтери: https://goo.gl/forms/T7SOAfVyLiwvS5Ug1

Националното дебатно првенство е поддржано од Меѓународната дебатна организација – IDEA NL и Европската комисија.

Call for High-School Essays

Note: The deadline for applications is extended until 30.10.2018.

The project Balkan Debate Academy: Debating towards Cooperation is opening a call for essays for high school students from Macedonia, Bosnia and Herzegovina, Serbia and Kosovo*. The best essays which will be selected will receive a full scholarship for participation at the Balkan Debate Academy in Skopje. The project is implemented by Youth Educational Forum in cooperation with Open Communication from Serbia, Centre of Cultivating Dialogue from Bosnia and Herzegovina and the Debate Centre from Kosovo, with the support of the Regional Youth Cooperation Office (RYCO).

Students who apply for the call can choose one of two topics for essays:

  1. Does our past define our future?
  2. Progress starts with dialogue.

The call for essays is open until October 14, 2018. The winners of the competition will receive a full scholarship for participation at the international academy Balkan Debate Academy: Debating towards Cooperation.

More details can be found in the documents below:

Call for essays – Balkan Debate Academy [EN]

Call for essays – Balkan Debate Academy [MK]

Call for essays – Balkan Debate Academy [AL]

ПОВИК ЗА ЕСЕИ ЗА СРЕДНОШКОЛЦИ

Balkan Debate Academy: Debating towards Cooperation

Проектот Balkan Debate Academy: Debating towards Cooperation отвора повик за есеи за средношколци од Македонија, Босна и Херцеговина, Србија и Косово *. Најдобрите есеи кои ќе бидат избрани ќе добијат целосна стипендија за учество на Балканската дебатна академија во Скопје. Проектот го спроведува Младинскиот образовен форум во соработка со Отворената комуникација од Србија, Центарот за културен дијалог од Босна и Херцеговина и Дебатниот центар од Косово, со поддршка на Регионалната канцеларија за младинска соработка (РИКО).

Учениците кои ќе аплицираат на повикот можат да изберат една од двете теми за есеи:

  1. Дали нашето минато ја дефинира нашата иднина?
  2. Напредокот започнува со дијалог.

Повикот за есеи е отворен до 14 октомври 2018 година. Победниците на конкурсот ќе добијат целосна стипендија за учество на меѓународната академија Balkan Debate Academy: Debating towards Cooperation.

Call for essays – Balkan Debate Academy [MK]

THIRRJE PËR ESE PËR NXËNËSIT E SHKOLLAVE TË MESME

 Balkan Debate Academy:  Debating towards Cooperation

Projekti Balkan Debate Academy: Debating towards Cooperation hap thirrje për ese për nxënësit e shkollave të mesme nga Maqedonia, Bosnja dhe Hercegovina, Serbia dhe Kosova*. Esetë më të mira të cilat do të zgjidhen do të fitojnë bursë të plotë për pjesëmarrje në Akademinë Ballkanike të Debatit në Shkup.  Projektin e realizon Forumi Arsimor Rinor në bashkëpunim me Komunikimin e Hapur nga Serbia, Qendrën  për Dialog Kulturor nga Bosnja dhe Hercegovina dhe Qendrën për Debat nga Kosova,  me mbështetje të Zyrës Rajonale për Bashkëpunim Rinor.

Nxënësit që do të aplikojnë në thirrjen mund të zgjedhin një nga dy temat për ese:

  1. Vallë e përkufizon e kaluara të ardhmen tonë?
  2. Progresi fillon me dialog.

Thirrja për ese është e hapur deri më 14 tetor 2018. Fituesit e konkursit do të fitojnë burë të plotë për pjesëmarrje në Akademinë Ndërkombëtare Balkan Debate Academy:  Debating towards Cooperation.

Call for essays – Balkan Debate Academy [AL]

Национално дебатно првенство, 2018 година

Од 22 до 24 јуни 2018 Младински образовен форум  го организираше Националното дебатно првенство на кое се натпреваруваа дебатери од Скопје, Велес, Тетово, Прилеп и Куманово. Првенството се одржа во  СУГСГ “Јосип Броз Тито”. Победнички на овој турнир беа дебатерките: Христина Цветановска и Марија Филиповска.

Второто место го освоија дебатерите Ана Маркоска, Оливера Каменароска и Стефан Митиќ. За најдобра индивидуална говорничка беше избрана Ана Крстевска, втора говорничка беше Христина Цветановска, а третото говорничко место го освои Јана Петрова.

Главната теза на која средношколците дебатираа беше “Овој Дом Верува Дека пристапот до возачка дозвола и конзумирањето алкохол треба да биде определено според тест на интелегенција наспроти возраст”. Турнирот се одржа во World Schools дебатниот формат, на англиски јазик и истиот опфати 5 прелиминарни рунди, полуфинале и финале.

На турнириот се дебатираше и на уште една импромпту теза (тези кои не се однапред најавени):
„Овој Дом Верува Дека Државата треба да забрани уметност создадена од луѓе кои имаат направено неморални акти“.

Целта на турнирот беше да обезбеди простор за напревар за аргументирана дискусија. Во овие неколку денови младите средношколци ги предизвикаа сопствените ставови и дискутираа за одоговорноста што индивидуите ја имаат кон општеството наспроти сопствените права и слободи. Преку истражување, аргументирано изразување и тимска работа, средношколците ги продлабочија своите знаења.

Настанот е организиран од МОФ со поддршка СУГСГ Јосип Броз Тито, и во соработка со Град Скопје.

Националното дебатно првенство е организирано со финансиска поддршка од Фондацијата Отворено општество – Македонија.

Во Дебар основан првиот Локален младински совет во општината

На 17 јуни 2015 година (среда),во просториите на општинската сала во општина Дебар, се одржа основачкото собрание на Локалниот младински совет (ЛМС) – Дебар. Оваа активност е резултат на повеќемесечните активности на Иницијативниот одбор за основање на младински совет на младите од Дебар, а е дел од проектот „Развој на локални младински политики и локално младинско учество во 12 општини“ на Младински образовен форум и Центарот за меѓукултурен дијалог, финансиран од Европската Унија.

Собранието на ЛМС Дебар го сочинуваат млади кои се членови на граѓански организации кои работат со млади и за млади, како и политичките подмладоци кои работат во општината. На првото собрание беше усвоен статутот на ЛМС-Дебар и беше одлучено на наредната седница да се изберат органите на ЛМС Дебар и да се формираат работните групи кои ќе функционираат во Советот. На основачкото собрание му претходеше јавен повик на кој се пријавуваа претставници на младите за учество во младинскиот совет.

Мегу останатите, на настанот беа присутни и претставници на советот на општина Дебар и на кабинетот на градоначалникот кои го поздравија овој чин и ветија дека со внимание ќе ја следат работата на ЛМС-Дебар и ке ги земаат во предвид сите препораки и сугестии кои ке доаѓаат од овој орган.

Пред ЛМС-Дебар во наредниов период ке престојат многу предизвици,тој треба за прв пат во општината да изготви младинска стратегија за периодот 2016-2020.

Проектот „Развој на локални младински политики и локално младинско учество во 12 општини“ е насочен кон младите луѓе, младинските организации и сите форми на младинско здружување и локалната самоуправа. Главната цел на проектот е да се зајакнат капацитетите на младинското здружување на локално ниво, нивно формално препознавање од страна на општините, како и заедничка работа за унапредување на младинските политики на локално ниво, преку развој на младински активизам, младинска работа и младинско учество во процесите на донесување на одлуки. Проектот вклучува соработка со локалните самоуправи, локални акции и јавен процес на основање Локални младински совети, со поддршка од локалната самоуправа во 12 општини, а е финансиран од Европска Унија (ИПА програма – Civil Society Facility).