Изминатиот викенд Младински образовен форум успешно ја организираше првата Онлајн дебатна академија на овие простори. Настанот, кој се реализираше од 4-ти до 6-ти декември, беше спроведен на платформата „Дискорд“ и опфати повеќе од 70 дебатери од Северна Македонија, Србија, Косово, Албанија, Романија, Словенија и Словачка, како и неколку искусни дебатни тренери од Словенија, Летонија и Северна Македонија.

Дебатната академија опфати три теми кои беа креирани за почетниците во светот на компетитивната дебата, како и за искусните дебатери. На Академијата, почетниците имаа можност да се запознаат со темелот на компетитивната дебата, напредните дебатери добија увид во комплицираните концепти на дебатата од натпреварувачки карактер, како анализирање на теза и пронаоѓање на доказ, а најискусните ја изучуваа познатата Британска парламентарна дебата.

Покрај продлабочување на своите дебатни знаења, учесниците на Академијата имаа можност и да слушнат неколку отворени изборни предавања на теми како технологија, вештачка интелигенција и нивниот импакт во реалниот свет, како и сите полемики кои произлегуваат од овие технолошки пронајдоци.

Овој проект е финансиран од Европската унија и организиран од IDEA NL и Младински образовен форум како дел од „Иднината на Европа“ дебатите

Дали сакаш да добиеш нови знаења и нови другарства? Сакаш да научиш за демократијата и да се запознаеш со институциите? Имаш инспирација за активизам?

Тогаш клубовите за демократско учество се вистинската можност за тебе!

Преку запишување на бесплатниот онлајн курс за демократско учество во твоето училиште, ќе имаш можност да научиш повеќе за демократијата, човековите права, младинското организирање, правата на учениците, како и начините преку кои можеш да ја подобриш својата заедница. Ако сѐ уште се двоумиш, имај на ум дека по завршувањето на предавањата ќе имаш можност да предложиш идеја за заедничка акција со твоите соученици.

Програмата на Клубот за демократско учество се состои од 10 предавања, а учесниците по завршувањето на програмата добиваат сертификат. Предност ќе имаат ученици кои се трета или четврта година на средно образование. Запишувањето во клубовите е отворено до 25.11.2020.

Клубовите се отворени во следните училишта, а ако си средношколец можеш да се пријавиш со пополнување на прашалникот на следниот линк:

СУГС Зеф Љуш Марку – Скопје

СУГС Никола Карев – Скопје

ДУЦОР Партеније Зографски – Скопје

ССОУ Моша Пијаде – Тетово

СОУ Нико Нестор – Струга

СОУ Ибрахим Темо – Струга

СОУ Кочо Рацин – Свети Николе

СОУ Наум Наумовски – Борче – Крушево

ОСМУ Д-р Јован Калаузи – Битола

За сите прашања околу клубот, можете да ни пишете на: obuki@mof.org.mk

Клубовите за демократско учество прв пат започнаа со работа во учебната 2019/2020 година, преку стандардизирана програма во 5 училишта во земјата, и во програмата учествуваа двесте ученици. Младите кои беа дел од овие клубови имаа виртуелна посета на Собранието и успаа да креираат акции преку кои се подобри безбедноста во сообраќајот околу нивното училиште, достапноста на образованието на далечина за сите ученици и јавниот превоз. Предавањата се активност на Младински образовен форум и Фондацијата на демократија на Вестминстер во рамки на проектот Зголемување на младинското учество, поддржани од Иницијативата за демократија на Западен Балкан.

A dëshiron të fitosh njohuri të reja dhe shoqëri të reja? A dëshiron të mësosh për demokracinë dhe të mësosh për institucionet? A ke inspirim për aktivizëm?

Atëherë, Klubet për Pjesëmarrje Demokratike janë mundësia e vërtetë për ty!

Me anë të regjistrimit në kursin online falas për pjesëmarrje demokratike në shkollën tënde, do të kesh mundësi të mësosh më tepër për demokracinë, të drejtat e njeriut, organizimin e të rinjve, të drejtat e nxënësve, si dhe mënyrat me të cilat mund të përmirësosh komunitetin tënd. Nëse ende je në hamendje, të kesh parasysh që pas përfundimit të ligjëratave do të kesh mundësi të propozosh ide për aksion të përbashkët me shokët tjerë të shkollës.

Programi i Klubit për Pjesëmarrje Demokratike përbëhet nga 10 ligjërata, ndërsa nxënësit pas përfundimit të programit do të marrin një certifikatë. Përparësi do të kenë nxënësit e vitit të tretë ose katërt të arsimit të mesëm. Regjistrimi në klubet është hapur deri më 25.11.2020.

Nëse je në shkollë të mesme, mund të paraqitës me plotësimin e pyetësorit në lidhjen në vijim  lidhјe. Klubet janë të hapura në shkollat vijuese:

SHMQSH Zef Lush Marku – Shkup  

SHMQSH Nikolla Karev – Shkup

QSHSHAR Partenije Zografski – Shkup

SHMKP Mosha Pijade – Tetovë

SHMK Niko Nestor – Strugë  

SHMK Ibrahim Temo – Strugë  

SHMK Koço Racin – Sveti Nikollë  

SHMK Naum Naumovski-Borçe – Krushevë

SHKMKM Dr. Jovan Kalauzi – Manastir

Për gjitha pyetjet rreth klubit, mund të shkruani në: obuki@mof.org.mk

Klubet për Pjesëmarrje Demokratike për herë të parë kanë filluar me punë në vitin shkollor 2019/2020, me anë të programit të standardizuar në 5 shkolla të vendit dhe në programin kanë marrë pjesë dyqind nxënës. Të rinjtë që kanë qenë pjesë e këtyre klubeve kanë pasur vizitë virtuale të Kuvendit dhe kanë arritur të krijojnë aksione me të cilat është përmirësuar siguria në trafikun rreth shkollës së tyre, qasja në arsim nga distanca për gjithë nxënësit dhe transport publik. Ligjëratat janë aktivitet i Forumit Arsimor Rinor dhe Fondacionit për Demokraci të Westminster në kuadër të projektit Rritja e Pjesëmarrjes së të Rinjve, të mbështetur nga Iniciativa për Demokraci e Ballkanit Perëndimor.

(MK)
(ALB)

Младински образовен форум (МОФ) во рамки на проектот „World Children’s Day 2020 Kids Take Over – Reimagine Education“, поддржан од УНИЦЕФ, отвора повик за 24 (дваесет и четири) учесници на викенд-обука за младинско учество и квалитет на образование за млади. Викенд-обуката за младински застапници ќе се одржи online на платформата ZOOM со почеток на 13-ти ноември (петок) и ќе трае до 15-ти ноември (недела).

Со знаењата и вештините стекнати на оваа обука, младинските застапници ќе имаат прилика да ги претставуваат младите и младинските гледишта и ставови на  владин состанок на високо ниво на кој ќе присуствува Претседател на Владата на Република Северна Македонија г. Зоран Заев, Министерката за образование и наука г-а Мила Царовска, Министерката за труд и социјална политика г-а Јагода Шахпаска и други министерства,  вклучувајќи го шефот на делегацијата на Европската унија и претставничката на УНИЦЕФ. Средбата ќе се одржи на на 20-ти ноември 2020 година (петок), по повод Светскиот ден на детето.

Дел од избраните теми на кои младинските претставници ќе разговараат со високите претставници оваа година се: Квалитетно образование, Намалување на разликите во пристапот до дигитално образование, Ментално здравје и булинг во образованието, Градење вештини наспроти паметење на факти, Еко-училишта, Еднаквост и инклузивно образование.

Програмата на тренингот е составена од куси теоретски предавања од областа на квалитетно образование и работа во групи со менторство од младинските тренери на МОФ. Учесниците ќе имаат прилика да научат и да дискутираат за мапирање на институциите кои работат со младински прашања, квалитетно учење и ментално здравје и врсничко насилство во училиштата, но и да изградат свои случаи кои ќе ги презентираат во Владата на Република Северна Македонија на 20-ти ноември 2020 година. Ученички права, квалитет на образование и аргументирано изразување се дел од темите на кои учесниците ќе изградат вештини и знаења.

Сите заинтересирани млади на возраст од 14 до 18 години може да се пријават најдоцна до 11-ти ноември (среда) на пладне со испраќање на порака на адресата obuki@mof.org.mk со назнака KIDSTAKEOVER 2020.

Пораката треба да ги содржи следните информации:

1. Име и презиме
2. Телефон за контакт
3. Електронска пошта
4. Град и училиште
5. Возраст
6. На самиот тренинг ќе имате прилика да работите во групи на препораки за подобрување на животот и квалитетот на образование на младите во Северна Македонија. Во не повеќе од 2 параграфи наведете според вас, кој е најголемиот проблем со кои младите се соочуваат во нивното образование и на кој начин сметате дека истиот може да се надмине?

Рокот за пријавување истекува во среда, 11-ти ноември 2020, на пладне (12:00 часот).

Thirrje për 24 përfaqësues rinor për pjesëmarrje në online trajnimi në fundjavë

më 13, 14 dhe 15 nëntor 2020

KIDSTAKEOVER

Forumi Arsimor Rinor (FAR) në kuadër të projektit “World Children’s Day 2020 Kids Take Over – Reimagine Education”, mbështetur nga UNICEF, hap thirrje për 24 (njëzet e katër) pjesëmarrës për trajnim në fundjavë mbi pjesëmarrjen rinore dhe arsimin cilësor për të rinjtë. Uikend – trajnimi për përfaqësues rinor do të mbahet në internet në platformën ZOOM duke filluar nga 13 nëntor (e premte) dhe do të zgjasë deri më 15 nëntor (e diel).

Me njohuritë dhe aftësitë e fituara në këtë trajnim, përfaqësuesit e të rinjve do të kenë mundësinë të përfaqësojnë pikëpamjet dhe qëndrimet e të rinjve në takim të nivelit të lartë në qeveri ku do të marrë pjesë Kryeministri i Republikës së Maqedonisë së Veriut z. Zoran Zaev, Ministri i Arsimit dhe Shkencës znj. Milla Carovska, Ministri i Punës dhe Politikës Sociale znj. Jagoda Shahpaska dhe ministra të tjerë, përfshirë Shefin e Delegacionit të Bashkimit Evropian dhe Përfaqësuesen e UNICEF-it. Takimi do të zhvillohet më 20 nëntor 2020 (e premte), me rastin e Ditës Botërore të Fëmijës.

Disa nga temat e zgjedhura që përfaqësuesit e të rinjve do të diskutojnë me zyrtarë të lartë këtë vit janë: Edukimi cilësor, Zvogëlimi i dallimeve në qasjen në arsimin digjital, Shëndeti mendor dhe bulingu në arsim, Ndërtimi i aftësive kundrejt memorizimit të fakteve, Eko-shkolla, Barazia dhe arsimi inkluziv.

Programi i trajnimit përbëhet nga leksione të shkurtra teorike në fushën e arsimit cilësor dhe punë në grupe nën mentorimin e trajnerëve rinor nga FAR. Pjesëmarrësit do të kenë mundësinë të mësojnë dhe diskutojnë për hartëzimin e institucioneve që punojnë në çështjet e të rinjve, mësimin cilësor dhe shëndetin mendor dhe dhunën e bashkëmoshatarëve në shkollat, por edhe të ndërtojnë rastet e tyre që do t’ia paraqiten Qeverisë së Republikës së Maqedonisë së Veriut më 20 nëntor 2020. Të drejtat e nxënësve, cilësia e arsimit dhe shprehja e argumentuar janë disa nga temat mbi të cilat pjesëmarrësit do të ndërtojnë aftësi dhe njohuri.

Të gjithë të rinjtë e interesuar nga mosha 14 deri në 18 vjeç mund të aplikojnë jo më vonë se 11 nëntor (e mërkurë) në mesditë, me dërgimin e mesazhit në adresën obuki@mof.org.mk me shënimin KIDS TAKEOVER 2020.

Mesazhi duhet të përmbajë informacionet si më poshtë

1.Emri dhe mbiemri

2.Telefoni për kontakt

3.Posta elektronike

4.Qyteti dhe shkolla

5.Mosha

6.Gjatë trajnimit do të keni mundësi të punoni në grupe për rekomandime për përmirësimin e jetës dhe cilësisë së arsimit të të rinjve në Maqedoninë e Veriut. Në jo më shumë se 2 paragrafë specifikoni sipas jush, cili është problemi më i madh me të cilin përballen të rinjtë në arsimimin e tyre dhe si mendoni se mund të tejkalohet?

Afati i fundit i aplikimit është e 11 nëntor (e mërkurë)2020, (ora 12:00).

Драги средношколци, Младински образовен форум отвора повик за нови членови во младинските клубови!

Клубовите на МОФ ќе ти овозможат да се предизвикаш себе си, да научиш многу во неформална атмосфера и да се вклучиш на бројни онлајн и офлајн локални, национални и меѓународни настани. Опкружувањето со супер друштво ќе те мотивира да се подобриш и да стекнеш нови искуства и знаења надвор од формалното образование.

Кој клуб е за тебе, зошто би се вклучил во младински клуб и како ќе изгледаат предавањата во текот на следната година, се информации кои ги има подолу во оваа објава. Разгледај ги описите на клубовите подолу во текстот и одбери каде ќе се вклучиш. Резервирај го своето место!

Во согласност со учебната година, предавањата во клубовите за средношколци ќе започнат во текот на ноември 2020, а ќе се случуваат онлајн се додка состојбата не дозволи да се дружиме во живо.  Термините во кои ќе се одржуваат неделните предавања ќе се договорат помеѓу членовите и предавачите на клубовите.

Линк до прашалникот за пријавување – кликни тука

АРТИВИЗАМ

Сакаш да експериментираш со уметноста како средство за слободно изразување? Сакаш да дознаеш како да станеш младински активист? Дали си склон кон стекнување нови знаења, нови другарства и нови идеи? Ти треба креативна слобода?

Тогаш клубовите – Артивизам во склоп на МОФ се местото каде што треба да членуваш. Артивизам е можност за тебе да практикуваш слобода на изразување и да се запознаеш со креативни начини за пренесување на своите ставови, интереси, афинитети, склоности, барања и идеи.

Во Артивизам клубовите ќе имаш можност да ги изградиш своите капацитети, дознаеш повеќе за себе и околината, стекнеш вештини и знаења, се забавуваш и креираш нов круг на пријатели.

Секоја година, повеќе од 200 членови од различни градови имаат можност од да научат за граѓански активизам, медиумска писменост, креирање младински весници, фанзини, мурали уметност, стенсили, стикери, постери, фотографија и видео прилози.

ДЕБАТА

Преку глава ти е од неорганизираните и безвредни дискусии кои секојдневно ги слушаш околу тебе?  Сакаш да научиш како вистински да дебатираш и да ја победиш секоја дискусија со пријателите и соучениците?  Или пак можеби имаш желба конечно да ја победиш вечната трема од јавни настапи и презентации и да станеш добар оратор?

Ако одговорот на барем едно од овие прашања е да, тогаш дебатната програма е вистинското место за тебе!

Дебатниот клуб на МОФ оваа година онлајн продолжува со својата работа! Во склоп на неделните предавања, ќе  научиш за компетитивна дебата, техниките за одржување на говор, побивање, аргументирање на туѓи аргументи и анализирање на теми од различни области и сфери. Ти и твојот тим ќе можете да се натпреварувате на локални, национални и меѓународни дебатни турнири.

Стани дел од дебатен клуб, и во следната дискусија наместо да го повишиш тонот, ќе го подобриш аргументот.

УЧИМЕ ПРАВО

Знаеш ли дека не смееш да повторуваш учебна година? Секој ученик има право на дополнителна и додатна настава. Дали се прашуваш што ти се случува кога ќе добиеш закана за бркање од училиште со 10 неоправдани?

Членовите на Учиме право клубовите имаат можност практично да се запознаат со работата на државните институции и службеници преку посети на рочишта во Основните судови, седници на општинските совети, средби со градоначалниците, претседателот на државата како и посети во разни институции и министерства. Ваквите активности се уникатен пристап и можност, за проучување на институционалниот систем, како на локално, така и на национално ниво.

Учиме право клубовите се насочени и кон подигање на свеста за средношколските права, организирање и учество. Преку предавањата, членовите ќе имаат можност да ги запознаат своите права и обврски во училиштето и заедницата, начините на кои може да ги остварат, но и механизмите преку кои ќе може да ги заштитат. Преку ова, Учиме право клубовите придонесуваат кон изградба на активни млади, гласноговорници против сите форми на потиснување на правата и активни чинителни во процесите на креирање политики кои нив ги засегаат, затоа зачлени се!

Доколку ви се потребни повеќе информации може да ни се обратите:
преку порака на facebook или Instagram страната на МОФ,
на obuki@mof.org.mk, или пак
на телефонскиот број: 02/3139-692

Младинските клубови на МОФ се дел од проектот за Ангажирање на младите за студентски и младински политики финансиран од Фондација Отворено општество – Македонија и дел од Проектот за младинско изразување финансиран од Европската Унија.

Младински образовен форум и Радио МОФ, во рамки на проектот „Fostering activism through social media“, поддржан од National Endowment for Democracy, објавува повик за членови во Младински новинарски клуб.

Новинарскиот клуб ќе биде под менторство на Огнен Јанески. Средбите на клубот ќе се одвиваат 2-4 пати во месецот во договор со менторот, на онлајн платформата Microsoft Teams, во периодот ноември 2020 – јуни 2021. Огнен Јанески е новинар со 20-годишно работно искуство и моментално работи како уредник во ТВ24, Македонија. Членовите ќе имаат можност да работат на изработка на вести, подкасти, емисии, видеа и истражувачки стории кои ќе бидат објавувани на Радио МОФ. Членството во новинарскиот клуб е бесплатно и вкупно 20 млади ќе имаат можност да ги следат предавањата.

Пред почетокот на средбите на клубот, учесниците ќе посетат тридневен онлајн тренинг каде што ќе се здобијат со практични знаења за пишување на вести, идентификување на јавниот интерес и креирање на продукт според новинарските стандарди.

Единствени услови кои заинтересирани апликанти треба да ги исполнуваат се: да покажуваат интерес и разбирање за новинарството и да се во можност да учествуваат на трите денови од тренингот.

Работниот јазик на средбите во клубот и тренингот ќе биде македонски.

Сите заинтересирани можат да се пријават најдоцна до 25 октомври 2020 година (недела) 23:59 часот, преку пополнување на апликацијата на следниот линк. Доколку имате прашања, можете да се обратите на nina_mircevska@radiomof.mk или на телефонскиот број 02/3139 692.

Триесетина млади луѓе од целата земја беа дел од првиот Онлајн Тренинг за Тренери за средношколските клубови на МОФ. Тренингот за нови дебатни тренери се одржа на 26-ти и 27-ми септември 2020, додека пак оние за тренерите за клубовите за артивизам и средношколските учиме право клубови се одржаа на 3-ти и 4-ти октомври.

Ваквиот тренинг, кој редовно се одржува на почетокот на секоја учебна година, има за цел да ги обучи нашите нови тренери за водење на онлајн клубовите во текот на претстојната година.

Во склоп на дводневните обуки беа реализирани неколку предавања на кои учесниците се запознаа со годишниот курикулум и тематските целини кои програмите ги нудат на своите членови. Ним исто така им беа пренесени и многубројните методолошки знаења, вештини и концепти за работа со млади средношколци од страна на нашите поискусни тренери.

Дополнително, учесниците беа обучени и како да ги водат и менаџираат своите идни клубови во текот на годината, но беа запознаени и со различните виртуелни алатки и платформи со помош на кои би реализирале современи и интерактивни онлајн предавања. Па така, дел од целите на овие тренинзи беа и пренесување на конкретни методолошки знаења и вештини за онлајн работа со млади луѓе. Учесниците беа запознаени со сите општи насоки, методи, техники, материјали, содржини и обврски за ефективно водење на клубовите. Тренингот ги запозна учесниците со методите на неформалното образование, одредени интерактивни пристапи во пренесување на знаења, вештини и креирање на предавања за млади.

Ѓорѓи Димески и Соња Митиќ работеа со новите дебатни тренери, Фари Хисени и Ристо Савески го спроведоа тренингот за новите учиме право предавачи, додека пак Ивона Кузмановска и Панде Ефтимов предаваа на обуката за новите предавачи во клубовите за артивизам.

Главната цел на овој Тренинг беше да се обучат идните тренери успешно да ги пренесуваат своите знаења од полето на дебатата, младински активизам и учиме право на помладите членови, но и да им помогнат во приспособувањето на кон онлајн предавањата кои би се реализирале во текот на оваа учебна година.

Обуките за новите предавачи на младинските клубови на МОФ се спроведоа во рамки на проектот за Ангажирање на младите за студентски и младински политики и со поддршка од Проектот за младинско изразување, финансиран од Европската Унија.

Членовите во клубот за демократско учество во средното училиште „Орце Николов“ во Скопје организираа и спроведоа младинска акција за поставување на паркинг за велосипеди во училишниот двор.

Во текот на минатите неколку месеци, средношколци од СУГС „Орце Николов“ активно учествуваа во младинскиот клуб за демократија, кој програмата успешно ја затвори со младинска иницијатива за олеснување на ученичкото секојдневие.

Идејата за акцијата потекна од желбата на младите да ја промовираат велосипедската култура меѓу своите соученици но и нивната реална потреба поради недостатокот од места за паркирање на велосипеди во дворот во училиштето. Имено, учениците во средното училиште Орце Николов како едно од  примарните превозни средства за пристигнување на училиште го користат велосипедот. Според анкетата која ја спроведоа членовите на Клубот за демократско учество, повеќе од 27% од учениците во училиштето доаѓаат на училиште со велосипед. Но, за жал училиштето не располагаше со доволно паркинзи за велосипеди во дворот, во кој учениците ќе можат безбедно да ги паркираат истите.

Со цел да одговорат на оваа потреба учениците пристапија кон надлежните институции со барање за дозвола за поставување на паркинг за велосипеди. Процесот на застапување кој се одвиваше во текот на летниот период произлезе од знаењето кое членовите го стекнаа за време на своите предавања во клубот за демократско учество. Предавања опфатија теми од областа на демократија, човекови права, форми на младинско организирање, активизам и застапување.

Клубот за демократско учество е организиран од Младински образовен форум во склоп на проектот Зајакнување на демократски компетенции. Активноста е поддржана од Фондацијата за демократија Вестминстер преку Иницијативата за демократија на Вестминстер поддржана од Владата на Велика Британија.

На ден 25.08.2020 година, за членовите од почетниот клуб Учиме право во Младински образовен форум, беше организирана посета на Кабинетот на Претседателот на Република Северна Македонија и дискусија со претседателот Пендаровски.

На посетата учествуваа 20-тина членови од различни градови од земјата, а посетата беше реализирана во две поделени групи, соодветно со протоколите и препораките за заштита на здравјето.

За учесниците беше организирана прошетка во дворот и просториите на Кабинетот на Претседателот, на која имаа прилика да се запознаат со намената на просториите и позначајните настани кои се организираат во нив, како дочекување на странски делегати и претседатели, одржување на прес-конференции и обраќања кон јавноста.

Во рамки на дискусијат со Претседателот членовите имаа можност да дознаат нешто повеќе за неговата должност, неговите мислења и ставови за младинските прашања, но и општо да разговараат за концептот на демократијата, човековите права, функционирањето на правниот систем и теми кои ги интересираат нив како средношколци.

На крајот на посетата, претседателот Пендаровски испрати порака до учесниците „Вие, младите генерации треба побрзо да ги учите лекциите за демократијата. На политичарите не смеете да им дозволите да имаат мирен мандат“.

Посетата беше организирана во рамките на Проектот за младинско изразување, финансиран од Европска унија.

Онлајн работилницата – „Активизам во твоето маало“ се одржа во периодот  7-ми и 10-ти август на
платформата за видео комуникација – ZOOM.

На работилницата учествуваа десетина млади луѓе кои се стекнаа со знаења за базичните,
елементарни алатки и клучните манипулативни техники на Adobe Photoshop. Но, најважно – тие
работеа на креирање коцепт за компаративна претстава на одреден простор во нивното маало (Тафталиџе, Карпош 4, Ѓорче Петров, Недопирливи – Битола, Железара, Куманово).

Оваа иницијатива насочува кон потенцирање проблеми, недостатоци и лоцира места кои можат
да се искористат како младински центри на општинско ниво. На овој начин се изразуваат
индивидуалните ставови, мислења, интереси, афинитети и склоности кога станува збор за
активистичко дејствување.

Всушност, преку продуктите кои ги изработија учесниците – претставени се интересни младински
размислувања за искористување на активизмот и урбанизација на просторот во кој живеат. Со
ова се потенцира претставата за убава, средена, чиста и функционална урбанизација на просторот
во нивното маало.

Целта на кампањата е преку младински активизам да се подигне свеста за потребата за простор
во кој младите од заедницата ќе може да разменуваат идеи, да творат и да се дружат слободно.

Работилницата е дел од Проектот за младинско изразување, финансиран од Европската Унија.

#МладинскиПросторВоСекоеМаало

Онлајн Младинската Академија 2020 е првата онлајн младинска академија на МОФ. Академијата ќе понуди содржини преку кои учесниците ќе може да се запознаат со начините за активно вклучување за социјалните промени преку искористување на виртуелниот простор, но и ќе учествуваат во креирањето на првата национална Младинска декларација – Youth Print – документ кој ќе ја подобри младинската позиција во општеството.

Повикот е отворен за сите млади од 15-18 години кои периодот 17-20 август 2020 година сакаат да го поминат работејќи на своите вештини за критичко размислување и општествена вклученост, преку активности за неформално образование.

Пријавувањето е отворено заклучно со 2-ри август (недела) 2020 година, а сите заинтересирани млади, можат да го прочитаат описот на Траките на Младинската Академија (достапен подолу) за да ја изберат својата трака, па да се пријават со пополнување на следниот прашалник. Доколку имате прашања, можете да пишете на следната мејл адреса: akademija@mof.org.mk.

Секој учесник ќе има прилика да избере една од траките (ПОДКАСТирање 101, Виртуелно аргументирано изразување, Онлајн (не)правда и Академско пишување 101) и да учествува во сите активности планирани и креирани за академијата. Покрај предавањата по траки и Youth Print сесиите, ќе имате можност да изберете помеѓу интересните предавања кои ги подготвивме за вас од областите: ментално здравје, аrtificial intelligence, space law, sustainable living, продукција на музика, претприемништво и театар. Младинската академија претставува збир од активизам, образование, пријателство и создавање на социјална промена, а се организира преку Проектот за младинско изразување. Проектот е финансиран од Европската Унија.

ОПИС НА ТРАКИТЕ:

ИАКМОП – Академско пишување 101

Разум губиш со „фусноти“¹, а треба да изработиш онлајн презентации? Веќе си добро запознаен со „writer’s block?

Сакаш да научиш како правилно да истражиш, да стигнеш до вистинските факти и да изработиш истражување на која било тема?

На траката Академско пишување 101 ќе имаш можност да се запознаеш со основите на академско пишување и презентирање на факти. Ќе се стекнеш со вештини и трпение за истражување кои понатаму ќе ти послужат за изработка на писмени работи, училишни проекти и проектни задачи без да гуглаш „izrabotka na seminarski eftino“.

Преку Академско пишување 101 ќе вежбаш критички пристап кон информации и презентирани наоди, а ќе се запознаеш со многу нешта кои досега не си имал/а прилика да ги научиш во училиште, а честопати се интегрален дел од сите твои оцени, особено во онлајн наставата.

Посветените ментори со големо истражувачко искуство ќе соработуваат со тебе, насочувајќи те низ алатките и гигабајтските лавиринти од симнати, но непрочитани текстови, па под нивно менторство ќе може да се изработи и кус истражувачки текст кој потоа ќе биде објавен на веб страната на МОФ.

(1) белешка под текстот што објаснува поблизу некои делови од текстот или споменатиот податок, односно термин. Подножната белешка се означува со натпис во облик на горен индекс или со ѕвездичка на горната десна страна од последната буква на зборот во текстот.

Учиме право – Онлајн (не)правда

Пионери, пионерки, хакери и сајбер ѕверки?

Те нервира кога ќе видиш злоупотреба на социјалните мрежи, но не знаеш како да го посочиш проблемот, освен спамање на „Фејсбук“ со пријави?

Сакаш да се запознаеш со онлајн бонтонот и ти се зборува за онлајн булинг и слободно изразување на социјалните мрежи?

На траката Онлајн (не)правда ќе ги дознаеш твоите права на онлајн платформите, нивните граници и како да се заштитиш кога се чувствуваш загрозено. Ќе се запознаеш со концептот на авторски права и начинот на преземање и споделување содржини. Дополнително, ќе имаш можност да слушаш предавања на тема сајбер булинг и каде да се обратиш ако онлајн правата ти се прекршени.

Траката за онлајн (не)правда ќе посочи на големата слика и ќе те научи како свесно да објавуваш и споделуваш информации на интернет. Секое снимено видео, секоја испратена слика, статус и твит имаат милиони начини за интерпретација, па некои од нив може да доведат до можно загрозување на угледот и секојдневието на корисниците на виртуелните алатки.

Младински активизам – ПОДКАСТирање 101

Имаш многу да кажеш, но те фаќа трема пред камера?

И Спотифај пристигна кај нас, а тебе ниедна содржина таму не ти фаќа 👀
Тогаш креирање сопствен подкаст е решението за тебе!

На првата онлајн Младинска Академија на МОФ, на траката „Подкастирање 101“ ќе имаш можност да се запознаеш со основите на правење подкаст и да ја сефтосаш својата идеја за аудио изразување во тим со други средношколци од целата држава. Искусни аудио новинари од Радио МОФ ќе го пренесат своето знаење, вештини и tips and tricks, ќе ги споделат и тајните на правење подкаст среде пандемија, за кон крајот на Академијата ти да работиш на твојот прв подкаст кој ќе биде објавен на Радио МОФ.

Покрај техничката основа, опфатен ќе биде и креативниот дел од продуцирањето подкаст – бирање теми, гости, презентација во онлајн просторот, однос со публика…

П.С. Радио МОФ е во постојана потрага по млади кои сакаат да го искористат аудио просторот за споделување интересни содржини, па ако ептен се пронајдеш во креирање подкасти можноста за сопствен подкаст кој би одел на Радио МОФ е отворена.

Дебата – Виртуелно аргументирано изразување

Те фаќа сафра, лето е и сонце пече, а има пандемија?

Сметаш дека социјалните мрежи не се добра платформа за аргументирана дебата, а ти имаш толку многу да кажеш и споделиш?

Приклучи се на дебатната трака за оваа летна академија! Предавањата на Дебатната програма на МОФ се фокусираат на примена на аргументациските вештини и способности во виртуелниот свет и plot twist 🤯 во онлајн сферата!

Предавањата ќе содржат осврт и објаснување на основните дебатни алатки и критичко размислување, односно аргументот и аргументираното изразување, како и детална анализа на елементите на овие алатки и нивното правилно користење во реалниот, но и во виртуелниот свет.

Траката ќе се осврне кон фактичкото поддржување на ваквите аргументи, односно како да се искористат онлајн алатките и методите кои се нудат денес за да се направи едно правилно истражување и наоѓање на издржани примери и докази.

На самиот крај, на предавањата ќе се посвети време да се објаснат разните вештини за презентирање на целосно аргументираните ставови во поддршка на критичкото размислување, со особен осврт кон методите за јавно изразување, како и сите останати презентациски вештини.

Академијата се спроведува со поддршка од Град Скопје во рамки на проектот за Младинско изразување финансиран од Европската Унија.