Кичевчани се запознаваат со своите граѓански и политички права

Младински образовен форум Ве поканува на настанот „Кои се нашите права?“ организиран во рамките на Проектот на УСАИД за граѓанско општество, кој ќе се одржи пред СОУ „Мирко Милески“ и СОУ „Дрита“ во Кичево, на 25 септември 2014 година со почеток од 12:30 часот.

Еднодневниот настан има за цел:

  • Поголемо и подобро информирање на младите луѓе за нивните права;
  • Зголемување на нивото на запознаеност на младите со основните граѓански и политички права и слободи;
  • Запознавање со можноста за практикување и заштита на овие загарантирани права.

Во таа насока, настанот ќе содржи:

  • Ќе биде поставен штанд пред гимназијата во Кичево со флаери и информации околу дел од граѓанските и политичките права на граѓаните на Република Македонија;
  • Организиран Flash mob со околу 30 учесници од различни националности кои ќе носат маици со натпис „ИМАМ ПРАВО ДА…“ на предната страна и опис на некое од овие права на задната страна за кој ќе се направи и видео запис;
  • Делење на фалери и информативни материјали на минувачи кои ќе содржат различни права од Уставот на Република Македонија;
  • Ќе се постават гипс-табли на кои младите луѓе ќе можат со спреј да ги испишат правата кои сметаат дека се најважни и оние со кои треба да бидат запознаени.
Сподели