МОФ Летна академија 2011

СЛОБОДА НА ИЗРАЗУВАЊЕ

 Перформанс. Уметност. Аргументирање

Младински образовен форум (МОФ) ја има честа да ја најави третата по ред МОФ Летна академија која ќе се случува од 15 -21 август во Струга. Академијата е на тема СЛОБОДА НА ИЗРАЗУВАЊЕ, обработена преку тренинг сесии, работилници и изведби во областите комуникации, медиуми и изведувачки уметности.  

На академијата учество ќе земат 150 млади на возраст од 14-26 години од 14 градови од Р. Македонија. Помеѓу предавачите кои ќе водат трениг сесии и работилници се вбројуваат и  Бранко Героски (колумнист и уредник), Билјана Бејкова (Извршен директор на НВО Инфо центар), Љубица Гроздановска (новинар) и Марјан Забрчанец (Извршен директор на Младински образовен форум).

Академијата ќе финализира со Гласно! Уличен фестивал, настан чија цел е промовирање на  млади уметници и прикажување на алтернативна култура каде преку уметнички дела, графити, јавни говори и инсталации младите луѓе ќе го изразат својот став и мислење и ќе ја промовираат слободата на изразување.

Гласно! Уличен фестивал е поддржан од Општина Струга.

Спонзори на МОФ Летната академија и Гласно! Уличен фестивал се Nescafe и Play сокови.

МОФ Летната академија и Гласно! Уличен фестивал се организирани во рамките на проектите „Локална младинска иницијатива“ и „Младинска независност“ финансирани од Фондација отворено општество – Македонија.

Сподели