Медиа Арт клубовите на МОФ се место каде членовите добиваат можност да ја уживаат слободата на изразување преку користење на новите медиуми и уметноста како алатка за младински активизам. Членовите во линија со своите интереси користат најразлични техники како дигитална уметност, улична уметност, видео и аудио изразување, организирање настани и акции и сл. Градови во кои моментално имаат Медиа/Арт клуб се: Скопје, Тетово, Струга, Велес и Неготино.
Блогот „Медиа Арт Idea Box“ е онлајн платформа која служи за инспирација на членовите на клубовите и за промоција на самите клубови. На блогот може да се најдат информативни содржини и вести за позитивни примери на креативен активизам како и објави подготвени од самите членови на клубовите.
Волонтерскиот ангажман ќе се одвива од октомври до декември 2015та година. Тие ќе имаат можност да работат од дома и е пожелно да поседуваат сопствен компјутер за работа. Волонтерите ќе потпишат договор за волонтирање во претходно договорен временски рок.
Волонтерите ги имаат следниве задачи:
- Пронаоѓање на соодветна содржина (во консултација со координаторот на Медиа/Арт клубовите);
- Преведување и прилагодување на содржината за „Медиа/Арт Idea Box”;
- Редовно објавување на обработените содржини (7 вести неделно);
- Промоција на објавените содржини на социјалните мрежи;
- Да земат учество во обуките на МОФ кои се организирани за нив.
Доколку има интерес, волонтерите можат да се вклучат и во останатите активности во Програмата за младински активизам.
Во истражувачката работа ќе бидат вклучени и работниот тим на Програмата за младински активизам.
Волонтерите треба да бидат на возраст од 15 до 25 години и да испратат пополнета апликација за волонтер на petar_antevski@mof.org.mk.
Со волонтерскиот ангажман, за целосно исполнети работни обврски, волонтерот ќе добие:
- Искуство со раководење на онлајн платформи
- Обука за пишување новинарски текстови
- Сертификат за активен придонес во работата на Младински образовен форум (МОФ)
- Волонтерски стаж
