Посета на народен правобранител

На ден 07.03.2018 (четврток) околу 30-тина членови на Младински образовен форум од клубовите на Учиме право од Скопје остварија посета на Канцеларијата на Народниот правобранител. За време на оваа посета, учениците се запознаа лично со заменичката Васка Бајрамовска-Мустафа, која зборуваше за функционирањето на самата Канцеларија и надлежностите. Понатаму, заменичката обрна внимание на законските можности што ги нуди институцијата како и најчестите барања кои ги имаат граѓаните во поглед на правата и обврските кои им се повредени од државните институции и органи.

Кон крајот на средбата членовите на програмата поставуваа прашања во однос на процедурата на заштита на правата и што се е потребно за да се стане Народен правобранител.

Активноста се спроведува во склоп на проектот: Ангажирање на младите за студентски и младински политики, поддржан од Фондацијата отворено општество – Македонија.

Сподели