Младински образовен форум како и секоја година крајот на летото го одбележува со почетокот на МОФ Летна академија. Во периодот од 18-ти до 23-ти август во Хотел Тетекс, Попова Шапка ќе се одржи седмата по ред академија каде учесниците ќе имаат можност да се запознаат со начините на кои може активно да се вклучат во својата средина и да станат активни граѓани на локално и национално ниво.

Оваа година, за прв пат, академијата е поделена во четири траки на кои учесниците ќе слушаат предавања од областа на Дебата, Учиме право, Креативен активизам и Средношколски заедници ќе опфатат тренинг за тренери по дебата, политички систем и изборен модел, младински права и средношколско организирање и учество.

Вкупниот број на учесници кои ќе бидат дел од овогодинешната МОФ Летна академија е 80 и истите треба да:

– Се членови на клубовите на Младински образовен форум и/или членови на Средношколски заедницикои биле менторирани од МОФ;

– Пополнат апликација за учество на МОФ Летна академија 2015;

– Испратат пополнета апликација (алб) на akademija@mof.org.mk најкасно до 10-ти август 2015 година.

Повикот може да го преземете тука. (алб)

Избраните кандидати ќе бидат известени најдоцна до 12-ти август преку е-маил за деталите на сместувањето и превозот.

Партиципацијата за учество на МОФ Летна академија за избраните апликанти изнесува 900 денари. Останатите трошоци (превоз, сместување-полн пансион и работни материјали) ќе бидат обезбедени од Младински образовен форум.

Работниот јазик на оваа академија е македонски јазик.