Младински образовен форум ве поканува на трибината „Студентот како носител на општествени промени“ која ќе се одржи на 2ри јуни (вторник) во 13:00 часот во книжарницата „Децата од нашата улица.“

На трибината ќе се презентираат и дискутираат добиените наоди од истражувањето „Студентот како носител на општествени проблеми – истражување за конформизмот, локусот на контрола и граѓанската одговорност кај студентите“.

На настанот ќе се дискутираат потенцијалите на студентите за граѓански активизам, како и улогата на локусот на контрола во процесот на иницирање и спроведување на општествени промени, конформизмот како предуслов или пречка за граѓански активизам, улогата на граѓанскиот сектор за општествен развој, влијанието на општествените фактори и државни уредувања врз развивањето на активизмот кај студентите.

Говорници на оваа трибина ќе бидат:

1. Ненад Марковиќ, доцент на Правниот факултет “Јустинијан Први“ при УКИМ
2. Маја Бојаџиевска, професорка на Филолошкиот факултет “Блаже Коневски“при УКИМ
3. Јована Наумовска, истражувач на истражувањето „Студентот како носител на општествени проблеми – истражување за конформизмот, локусот на контрола и граѓанската одговорност кај студентите“- Младински образовен форум

Модератор: Моника Божиноска, Младински образовен форум