Со цел за зголемување на учеството на младите во граѓанскиот сектор, Младински образовен форум работи на креирање на првиот Регистер на студентски организации во Скопје. Регистерот има за цел да ги промовира сите студентски организации од Скопје, нивната мисија и цели, како и да ги поттикне студентите да се вклучат во нивните активности. Истиот ќе биде отпечатен и бесплатно дистрибуиран на студентите при Универзитетот Св. “Кирил и Методиј”.
Во Регистерот на студентски организации имаат можност да се вклучат сите
организации со седиште во Скопје, кои исполнуваат барем еден од наведениве критериуми:

1. Членството на организацијата е составено од студенти;
2. Целите и активностите на организацијата се ориентирани кон студенти.

Вашето учество во овој регистер и нуди можност за промоција на вашата организација, како и можност за зголемување на вашето членство. Дополнително, вашето учество ќе претставува придонес за зголемување на активноста на студентите, како и помош на студентите при изборот на организација во склоп со нивните интереси.

Покрај креирњето на Регистарот, дополнително ќе биде креирана web страна на која ќе се промовираат сите студентски организации кои ќе учествуваат во Регистерот и каде студентите ќе можат да се информираат за можностите кои ги нудат студенските организации.

Доколку сакате да се вклучите во Регистарот, пополнете го формуларот тука, со потребните информации за Вашата организација и испратете го e-mail адреса: monika_bozinoska@mof.org.mk најдоцна до 31 октомври.

Доколку имате дополителни прашања, слободно контактирајте не на 02 / 3139 – 692.