Средношколците во посета на Град Скопје

Srednoskolci od Skopje vo poseta na Grad SkopjeВо рамките на проектот ,,Младите практикуваат владеење на правото“ 50-на средношколци од пет средни училишта од Скопје, денес остварија двочасовна посета во просториите на Град Скопје. Тие имаа можност да се запознаат со различните сектори кои се основани во Град Скопје, а исто така се информираа и како да се обратат  како граѓани до истите. 

Средношколците беа заинтересирани за работата на Советот на Град Скопје и за тоа како истиот одлучува за прашањата од јавен интерес. Покрај одлучувањето, тие ги прашуваа вработените како да ги препознаат комуналните редари, кој е одговорен за безбедност на спортските натпревари, како се формираат крајните оценки на учениците и кој е критериумот за да добијат бесплатен ученички превоз.

По посетата на Град Скопје средношколците ќе остварат посета и во канцеларијата на Народниот правобранител.

Оваа активност има за цел ги доближи младите до локалните власти и институциите, со цел да се запознаат со начините како да им пристапат во остварување на своите права и решавање на младинските проблеми. Истражувањето на МОФ „Социјалниот капитал на македонскиот средношколец“ укажа на фактот дека 84 отсто од средношколците никогаш немаат посетено општинска/државна институција.
Сподели