На  18ти и 20ти октомври во Кавадарци се одржа дебатен турнир кој вклучи тимови од  Кавадарци, Неготино и Скопје. Турнирот беше организиран како дел од  активностите на Советот за превентива против малолетничка деликвенција .

Тимот од Скопје, составен од Ана Арсовска, Матеа Коцевска и Матеј Поп Дучев , се пласираше на првото место. Како награда за освоената победа, тие ќе учествуваат на меѓународен дебатен турнир во Ниш во декември оваа година.
Турнирот понуди неколку тези од областа на слобода на говор и говор на омраза, а дебатерите во нивните случаи покажаа колку всушност е тенка границата помеѓу овие две појави и колку треба да се внимава за да не се прејде границата на  слободата на говорот.

СППМД (Советот за превентива против малолетничка деликвенција) во соработка со уште седум земји работи на проектот Hate Fighters. Меѓу активностите од кој е составен овој проектвлегуваат и организација на национален дебатен турнир во секоја земја и интернационален турнир во Ниш. Претставник на Македонија на овој турнир ќе биде тимот „Сања Матич“ (Ана, Матеа и Матеј) дел од клубовите на МОФ во Скопје.

Им посакуваме многу среќа на Матеј, Матеа и Ана во Ниш.